(vovworld)- ວັນທີ 27/6, ຂໍ້ຕົກລົງຢຸດຍິງຂອງອຳນາດການປົກຄອງ ປະທານາທິບໍດີ ຢູແກຼນ Petro Poroshenko, ບາດກ້າວປະຕິບັດທຳອິດຂອງແຜນການສັນຕິພາບ 14 ຂໍ້ ໝົດຜົນສັກສິດ. ເຖິງຢ່າງໃດກໍຕາມ, ສະພາບການຢູ່ ຢູແກຼນ ຍັງບໍ່ທັນມີສັນຍານທີ່ດີ ແລະ ພວມຢືນຢູ່ຕໍ່ຫນ້າໄພຕົກເຂົ້າສູ່ຂາດສະຖຽນລະພາບ. ການຜັນແປຫລ້າສຸດນັ້ນແມ່ນ, ບໍ່ທັນຮອດເວລາ 24 ຊົ່ວໂມງ ພາຍຫລັງທີ່ລັດຖະບານ ແລະ ຝ່າຍລຸກຮື້ຂຶ້ນ ໄດ້ເປັນເອກະພາບຢຸດຍິງ, ກຳລັງແຍກຕົວອອກໄດ້ຍິງເຮືອບິນເອລີກອບແຕ ລຳຫນຶ່ງຂອງກອງທັບຢູແກຼນ ຕົກ ເຮັດໃຫ້ 9 ຄົນເສຍຊີວິດ. ກ່ອນຫນ້ານັ້ນ, ການປະທະກັນດ້ວຍປືນຍັງເກີດຂຶ້ນຢ່າງນອງເລືອດຢູ່ບັນດານະຄອນທີ່ຂຶ້ນກັບທາງທິດຕາເວັນອອກຂອງ ຢູແກຼນ.
ກຳລັງລັດຖະບານ ຢູແກຼນ
ພາບ:internet
|
ໃນຂະນະທີ່ຝ່າຍລຸກຮື້ຂຶ້ນຕຳນິຕິຕຽນ ແລະ ກ່າວຫາ Kiev ເປີດບັ້ນບຸກໂຈມຕີຄັ້ງໃຫມ່, ປະທານາທິບໍດີ Petro Poroshenko ພັດຖີ້ມໂທດໃຫ້ພວກກະບົດ ບໍ່ຍອມວາງອາວຸດ ພ້ອມທັງນາບຂູ່ ຈະຖອນຄຳສັ່ງຢຸດຍິງ, ເປີດບັ້ນຮົບຕ້ານການກໍ່ການຮ້າຍຢູ່ ພາກຕາເວັນອອກ. ເປັນທີ່ຈະແຈ້ງແລ້ວວ່າ, ແຜນການສັນຕິພາບ 14 ຂໍ້ ຂອງ ປະທານາທິບໍດີ Petro Poroshenko ດ້ວຍບາດກ້າວທຳອິດ ແມ່ນຕົກລົງຢຸດຍິງ ບໍ່ສາມາດປະກົດຜົນເປັນຈິງໄດ້.
ການສູ້ຮົບຂອງລະບົບແນວຄິດ
ເຖິງວ່າແຜນການສັນຕິພາບຂອງ ປະທານາທິບໍດີ Petro Poroshenko ມີຫລາຍຂໍ້ໄດ້ຮັບການຕີລາຄາວ່າແມ່ນຕັ້ງຫນ້າພໍສົມຄວນ, ໃນນັ້ນເປັນຫນ້າສົນໃຈ ແມ່ນຄຳໝັ້ນໝາຍດຳເນີນການແບ່ງສິດອຳນາດຢ່າງເລິກເຊິ່ງກວ້າງຂວາງ, ແຕ່ຕາມບັນດານັກໄຈ້ແຍກແລ້ວ, ມີຫລາຍສາຍເຫດອາດຈະເຮັດໃຫ້ແຜນການສັນຕິພາບຂອງ ປະທານາທິບໍດີ Petro Poroshenko ຖືກປະລາໄຊ.
ທີສອງ, ວິກິດການ ຢູແກຼນ ບໍ່ພຽງແຕ່ແມ່ນການສູ້ຮົບລະຫວ່າງ ຊາວ ຢູແກຼນ ເທົ່ານັ້ນ ຫາກແມ່ນການຕໍ່ສູ້ຂອງລະບົບແນວຄິດລະຫວ່າງຝ່າຍຫນຶ່ງແມ່ນຜູ້ທີ່ມີຄວາມສະຫນິດຕິດພັນກັບລັດເຊຍ ແລະ ຝ່າຍຫນຶ່ງແມ່ນບັນດາກຳລັງນິຍົມຝ່າຍຕາເວັນຕົກ. ສະພາບຂາດສະຖຽນລະພາບເກີດຂຶ້ນຢູ່ ຢູແກຼນ ແມ່ນເລີ່ມມາຈາກເລື່ອງ ຢູແກຼນ ປະຕິເສດການເຈລະຈາເຂົ້າເປັນສະມາຊິກຂອງສະຫະພາບເອີລົບ (ອີຢູ) ແມ່ນການພິສູດໃຫ້ເຫັນຢ່າງຈະແຈ້ງການສູ້ຢັນລະຫວ່າງເຂດຕາເວັນອອກ-ຕາເວັນຕົກຂອງປະເທດ ເອີລົບຕາເວັນອອກ ນີ້. ປະຈຸບັນ, ຢູແກຼນ ສືບຕໍ່ແມ່ນສະຫນາມຮົບສູ້ຢັນ ລະຫວ່າງ ອາເມລິກາ ແລະ ລັດເຊຍ. ອະນາຄົດຂອງ ຢູແກຼນ ແມ່ນອີງໃສ່ສ່ວນໃຫຍ່ຕໍ່ມາດຕະການແກ້ໄຂບັນຫານີ້ລະຫວ່າງລັດເຊຍ ແລະ ອາເມລິກາ. ໃນຂະນະນ ທີ່ລັດເຊຍ ເລັ່ງລັດ ອາເມລິກາ ກໍ່ກຳລັງດັນຮຽກຮ້ອງ Kiev ຕ້ອງຢຸດຕິບັນດາການກະທຳການທະຫານຢ່າງທັນທີ່ ແລະ ເລີ່ມຕົ້ນການເຈລະຈາໂດຍກົງກັບບັນດາເຂດຢູ່ພາກຕາເວັນອອກ, ສ່ວນວໍຊິງຕັນ ພັດຮຽກຮ້ອງ ມົດສະກູ ຢຸດຕິການສະຫນັບສະຫນູນສຳລັບກຳລັງທວງເອົາການແຍກຕົວອອກ. ໃນຂະນະ ລັດເຊຍ ກ່າວປະນາມ ເລື່ອງຢູແກຼນ ປາບປາມ ປະຊາຊົນພາກຕາເວັນອອກ, ແຕ່ ອາເມລິກາ ພັດຖືວ່າ ນີ້ແມ່ນການກະທຳປາບປາມແບບທຳມະດາຂອງອຳນາດການປົກຄອງ Kiev, ຕ້ອງໝູນໃຊ້ຄືມາດຕະການຫນຶ່ງ ເພື່ອປົກປ້ອງກົດໝາຍ ແລະ ຮັກສາຄວາມເປັນລະບຽບຮຽບຮ້ອຍ.
ກໍ່ຄວາມຂັດແຍ້ງຂຶ້ນຕື່ມ
ເປັນທີ່ຈະແຈ້ງແລ້ວວ່າ, ຢູແກຼນ ພວມຖືກຄອບງຳຈາກ ສອງປະເທດມະຫາອຳນາດ ແລະ ບໍ່ຕັດສິນອະນາຄົດຂອງຕົນດ້ວຍຕົນເອງໄດ້. ສະນັ້ນ ແຜນການຂອງ ປະທານາທິບໍດີ Petro Poroshenko ບໍ່ລວມມີຂໍ້ສະເຫນີເຈລະຈາມີລັກສະນະແມ່ນຄຳຂາດສ່ວນໃຫຍ່, ບໍ່ໄດ້ຮັບການຮັບຮູ້ຈາກຝ່າຍລຸກຮື້ຂຶ້ນແມ່ນສິ່ງທີ່ເຫັນໄດ້ຢ່າງງ່າຍດາຍ.
ອີກບັນຫາຫນຶ່ງ, ຢູແກຼນ ຈະລົງນາມໃນຂໍ້ຕົກລົງຮ່ວມສຳພັນດ້ານເສດຖະກິດກັບ ອີຢູ ຢ່າງເປັນທາງການໃນວັນທີ 27/6 ຈະມາເຖິງ, ສະແດງໃຫ້ເຫັນຄຳໝັ້ນສັນຍາ ສືບຕໍ່ສືບຕາມແນວທາງການປະຕິຮູບລະບອບຢ່າງເລິກເຊິ່ງ ກວ້າງຂວາງ, ສິ່ງດັ່ງກ່າວຈະກໍ່ຄວາມຂັດແຍ້ງຂຶ້ນຕື່ມລະຫວ່າງອຳນາດການປົກຄອງ ຢູແກຼນ ແລະ ກຳລັງທວງເອົາການແຍກຕົວອອກ. ສຳລັບການກະທຳນີ້, ທ່າອ່ຽງ ນິຍົມ ເອີລົບ ຂອງອຳນາດການປົກຄອງ ປະທານາທິບໍດີ Petro Poroshenko ແນ່ນອນວ່າຈະຖືກຄັດຄ້ານຢ່າງແຮງຈາກບັນດາຜູ້ສະຫນັບສະຫນູນແຜນນະໂຍບາຍຫັນເປັນສະຫະພັນ. ແຜນການເຮັດໃຫ້ປະເທດຊາດກັບຄືນສູ່ຄວາມເປັນປົກກະຕິຂອງອຳນາດການປົກຄອງ Kiev ຈະຖືກແຜນການເຊັນຂໍ້ຕົກລົງກັບ ເອີລົບ ທຳລາຍ.
ສຸດທ້າຍ, ຈິດຕະສາດເສຍຫວັງຂອງປະຊາຊົນ ຢູແກຼນ ກັບ ປະທານາທິບໍດີ Petro Poroshenko ກໍແມ່ນສາຍເຫດເຮັດໃຫ້ແຜນການສັນຕິພາບຂອງ ຢູແກຼນ ຍາກທີ່ຈະສຳເລັດໄດ້. ຄວາມເສຍຫວັງຂອງປະຊາຊົນນັບມື້ນັບສະແດງໃຫ້ເຫັນຢ່າງຈະແຈ້ງ. ທ່າທີຂັດເຄືອງຂອງປະຊາຊົນແມ່ນສະແດງຜ່ານການທຳລາຍຢູ່ນອກສະຖານທູດ ລັດເຊຍ ຢູ່ Kiev ຫວ່າງແລ້ວນີ້, ພາຍຫລັງ ເຮືອບິນລຳຫນຶ່ງຂອງກອງທັບລັດເຊຍຖືກກຳລັງທວງເອົາການແຍກຕົວອອກຍິງຕົກ. ໃນຂະນະນັ້ນ ມີປະຊາຊົນຫລາຍຄົນ ສະແດງຄວາມສົງໄສກ່ຽວກັບຄຳໝັ້ນສັນຍາຂອງ ປະທານາທິບໍດີ Petro Poroshenko ໃນບັ້ນຫາສຽງເລືອກຕັ້ງວ່າ ຈະສ້າງຄວາມເປັນລະບຽບຮຽບຮ້ອຍຄືນໃຫມ່ ແລະ ຟື້ນຟຸສັນຕິພາບ.
ທຸກບາດກ້າວປະຕິບັດຕ້ອງເລີ່ມຈາກເຈດຕະນາດີ
ຢຸດຕິການປະທະກັນໂດຍໄວ, ບັນດາພັກຝ່າຍພ້ອມກັນເຈລະຈາເພື່ຶອກ້າວໄປເຖິງການເຫັນດີເປັນເອກະສັນຊອກຫາມາດຕະການໃຫ້ແກ່ວິກິດການຢູ່ ຢູແກຼນແມ່ນສິ່ງທີ່ປະຊາຄົມໂລກພວມລໍຄອຍທີ່ສຸດໃນປະຈຸບັນ. ເລື່ຶອງທ່ານປະທານາທິບໍດີ ລັດເຊຍ Vladimir Putin ຖອນກຳລັງຄວາມສາມາດແຊກແຊງດ້ານການທະຫານເຂົ້າ ຢູແກຼນ ພວມເປັນສັນຍານຕັ້ງໜ້າໃຫ້ສັນຕິພາບຢູ່ປະເທດນີ້.
ເຖິງຢາງໃດກໍ່ຕາມ, ຫາງສຽງພວມຕັ້ງຄຳຖາມຂໍ້ຕົກລົງ ຖອນທະຫານຂອງ ມົດສກູໄດ້ເລີ່ມມາຈາກເຈດຕະນາດີຢ່າງແທ້ຈິງ ຫຼື ພຽງແຕ່ແມ່ນມາດຕະການແກ້ໄຂທີ່ຍົກອອກມາກ່ອນທີ່ຈັດກອງປະຊຸມສຸດຍອດ ອີຢູ ໃນວັນທີ 27/6, ເມື່ອບັນດາຄຳສັ່ງລົງໂທດດ້ານເສດຖະກິດໃໝ່ຂອງ ອາເມລິກາ ແລະ ຝ່າຍຕາເວັນຕົກພວມໄດ້ຮັບການຄິດໄລ່ຊັ່ງຊາ. ດ້ານໜຶ່ງ, ອາເມລິກາ ຊົມເຊີຍການກະທຳຂອງ ລັດເຊຍ, ແຕ່ຍັງຄົງເນັ້ນໜັກຄວາມສາມາດເພີ່ມທະວີຄຳສັ່ງລົງໂທດ ຖ້າຫາກ ລັດເຊຍ ສືບຕໍ່ມີບັນດາການກະທຳແຊກແຊງເຂົ້າ ຢູແກຼນ. ຈາກສະພາບການຜັນແປໃນປະຈຸບັນ, ວົງການນັກໄຈ້ແຍກຮັບຮູ້ວ່າ ສັນຕິພາບ ໃຫ້ຢູແກຼນ ໃນຊຸມວັນຈະມາເຖິງ ຍາກທີ່ຈະປະກົດຜົນເປັນຈິງ.