(vovworld) - ມາຢ້ຽມຢາມຮ່າໂນ້ຍໃນຊຸມມື້ນີ້, ທຸກຄົນສາມາດຮັບຮູ້ໄດ້ບັນຍາກາດຟົດຟື້ນມ່ວນຊື່ນໃນໂອກາດໄກ້ຈະຮອດງານບຸນຄຼິດສມາດ. ຢູ່ຕາມບັນດາຖະໜົນສາຍຕົ້ນຕໍ່ ໄດ້ຮັບການປະດັບປະດາດ້ວຍດອກໄຟນາໆສີ, ບົດເພງອວຍພອນບຸນຄຼິດສມາດ ດັງກ້ອງກັງວານຈາກໂບດ, ສູນການຄ້າໃຫຍ່… ອັນໄດ້ເຮັດໃຫ້ ຮ່າໂນ້ຍໃນຍາມຄຳ່ຄືນມີຄວາມຟົດຟື້ນຍິ່ງຂຶ້ນ
ພາບປະກອບ ອິນເຕີແນດ
ນັບແຕ່ຕົ້ນເດືອນ 12, ບັນດາຮ້ານອາພອນ, ຮ້ານຊັບພະສິນຄ້າຕາມຖະໜົນສາຍຕ່າງໆ ກໍ່ຄືສູນການຄ້າ ລ້ວນແຕ່ໄດ້ຮັບການປະດັບປະດາໃຫ້ສວຍງາມເພື່ອຕ້ອນຮັບງານບຸນຄຼິດສມາດ. ບັນດາສະຖານທີ່ຄື: ໂບດໃຫຍ່, ໂບດ ຮ່າມລອງ, ເຂດລະຫຼິ້ນບັນເທິງ, ສູນການຄ້າຄື Vincom, Parkson, ຕຶກອາຄານ Kaengnam… ຍາມໃດກໍ່ດຶງດູດໄວ້ໜຸ່ມມາຢາມເປັນຈຳນວນຫຼວງຫຼາຍ, ບັນດາເພື່ອນໜຸ່ມ, ບັນດາຄອບຄົວ, ນັບທັງນັກທ່ອງທ່ຽວຕ່າງປະເທດໄດ້ພາກັນມາຖ່າຍຮູບພ້ອມກັບຕົ້ນແປກ, ສັນເຕີໂຄດ (ພໍ່ເຖົ້າ Noen)… ບຸນຄຼິດສະມາດ ແມ່ນໂອກາດເພື່ອໃຫ້ທຸກຄົນຖ່າຍຮູບເພື່ອຮັກສາບັນດາອານຸສອນຢູ່ບ່ອນທີ່ສວຍງາມ ແລະ ມີຄວາມໝາຍໄວ້. ທູ໋ຍລິງ, ນັກສຶກສາມະຫາວິທະຍາໄລເສດຖະກິດ - ເຕັກນິກ - ອຸດສາຫະກຳແບ່ງປັນວ່າ:
”ປີໃດນ້ອງ ແລະ ພວກເພື່ອນກໍ່ຖ່າຍຮູບຢູ່ບັນດາສູນການຄ້າ, ຫຼືໜອງໂຮ່ເກືອມ, ເພາະວ່າຢູ່ທີ່ນີ້ໄດ້ຮັບການປະດັບປະດາຢ່າງສວຍງາມ, ແລະ ບັນຍາກາດກໍ່ຟົດຟື້ນມ່ວນຊື່ນທີ່ສຸດ”
ພາບປະກອບ ອິນເຕີແນດ
ເລາະຕາມບັນດາຖະໜົນຂາຍເຄື່ອງຂອງທີ່ຮັບໃຊ້ງານບຸນຄຼິດສມາດ ຢູ່ຮ່າໂນ້ຍຄື: ຖະໜົນຮ່າງມ້າ, ເລືອງວັນການ, ຕະຫຼາດດົ່ງຊວນ… ເຫັນວ່າເຕັມໄປດ້ວຍເຄື່ອງຂອງຮັບໃຊ້ງານບຸນທີ່ອຸດົມສົມບຸນ ແລະ ມີສີສັນຫຼາກຫຼາຍ. ເອື້ອຍ ຫງວຽນທິແທງ, ເຈົ້າຂອງຮ້ານໜຶ່ງຢູ່ຖະໜົນ ຮ່າງມ້າ, ໃຫ້ຮູ້ວ່າ:
”ປີນີ້ສິນຄ້າພາຍໃນປະເທດຂາຍໄດ້ຫຼາຍ: ຕົ້ນແປກ, ລະຄັງ, ເຄື່ອງຂອງທີ່ແຂວນເທິງຕົ້ນແປກ… ຫຼື້ເຄື່ອງຂອງອື່ນໆຫຼາຍປະເພດລ້ວນແຕ່ໂດຍຜູ້ທີ່ມີສີມືດີຢູ່ຖະໜົນ ຮ່າງມ້າເຮັດເອງ, ທັງງາມ ແລະ ໄດ້ຮັບຄວາມນິຍົມທີ່ສຸດຈາກຜູ້ບໍລິໂພກ”
ພາບປະກອບ ອິນເຕີແນດ
ບຸນຄຼິດສມາດ ເຮັດໃຫ້ ຮ່າໂນ້ຍ ໃນຍາມຄໍ່າຄືນສວຍງາມກວ່າ ເຮັດໃຫ້ນັກທ່ອງທ່ຽວຕ່າງປະເທດມາ ຮ່າໂນ້ຍ ຮູ້ສຶກວ່າພວມໄດ້ຕ້ອນຮັບບຸນຄຼິດສມາດ, ບຸນປີໃໝ່ຢູ່ບ້ານເກີດເມືອງນອນຂອງຕົນແທ້ໆ. ອ້າຍ Oli, ນັກທ່ອງທ່ຽວມາຈາກເຢຍລະມັນ, ໃຫ້ຮູ້ວ່າ:
”ຂ້າພະເຈົ້າເຫັນວ່າ ບຸນຄຼິດສມາດ ຢູ່ທີ່ນີ້ມັນຕ່າງກັບຢູ່ເອີລົບ. ເພາະວ່າຢູ່ປະເທດຂອງພວກຂ້າພະເຈົ້າເຄີຍມີຫິມະຕົກ, ມີສັນເຕີໂຄດ (ພໍ່ເຖົ້າ Noen) ແລະ ມີໄຟຟ້າປະດັບປະດາດ້ວຍສີສັນຫຼາກຫຼາຍ. ສ່ວນຢູ່ຫວຽດນາມ ອາກາດບໍ່ໜາວປານໃດ. ແຕ່ຂ້າພະເຈົ້າມັກເຂົ້າຮ່ວມງານບຸນ ຄຼິດສມາດ ຕາມແບບສະເພາະຂອງຫວຽດນາມ”
ພາບປະກອບ ອິນເຕີແນດ
ປະຈຸບັນ, ບຸນ ຄຼິດສມາດບໍ່ແມ່ນສະຫງວນສະເພາະໃຫ້ແກ່ຜູ້ເຊື່ອຖືສາສະໜາ ຄິຼດເທົ່ານັ້ນ, ຫາກໄດ້ກາຍເປັນວັນບຸນລວມຂອງທຸກຄົນ, ແມ່ນໂອກາດເພື່ອໃຫ້ທຸກຄົນລະຫຼິ້ນ, ສະແດງຄວາມຮັກແພງພ້ອມກັບເພື່ອນມິດ, ຍາດຕິພີ່ນ້ອງຂອງຕົນ. ເອື້ອຍ ຫງວຽນທິເວິນແອງ, ຢູ່ ຮ່າໂນ້ຍ ແບ່ງປັນວ່າ:
”ພວກຂ້າພະເຈົ້າພາພວກຫຼານໄປຊື້ເຄື່ອງຂອງປະດັບ ແລະ ຂອງຕ້ອນໃນບຸນຄຼິດສມາດ. ຄອບຄົວຂ້າພະເຈົ້າຖືສາສະໜາຄິຼດ ດັ່ງນັ້ນປີໃດກໍ່ຊື້ຕົ້ນແປກມາປະດັບປະດາໃນເຮືອນເພື່ອສ້າງບັນຍາກາດໃຫ້ວັນບຸນ. ແລະ ໃນໂອກາດນີ້, ຄອບຄົວຂ້າພະເຈົ້າເຄີຍຈັດພາເຂົ້າເພື່ອໃຫ້ທຸກຄົນເຕົ້າໂຮມກັນໃນຄວາມເບິກບານມ່ວນຊື່ນ ແລະ ອົບອຸ່ນ”.
ໃນຊຸມມື້ນີ້, ຢູ່ຮ່າໂນ້ຍ ມີອາກາດໜາວຢູ່ ແຕ່ບໍ່ເຮັດໃຫ້ບັນຍາກາດຟົດຟື້ນຂອງວັນບຸນຄຼິດວມາດ ຫຼຸດລົງເທື່ອ. ບຸນ ຄິດສມາດ ໄກ້ຈະມາຮອດແລ້ວ, ປີເກົ່າກໍ່ໄກ້ຈະສິນສຸດໄປ, ທຸກຄົນພວມລໍຖ້າຈຸດເວລາຕ້ອນຮັບປີໃໝ່ 2013 ດ້ວຍຄວາມຫວັງວ່າປີໃໝ່ເຕັມໄປດ້ວຍຄວາມຜາສຸກ.