ບັນຍາກາດຕ້ອນຮັບວັນບຸນຄິດສມາດ ພວມຟົດຟື້ນໄປທົ່ວທຸກຫົນແຫ່ງໃນນະຄອນໂຮ່ຈິມິນ. ບັນດາຕຶກອາຄານ, ສູນການຄ້າໃຫຍ່ ແລະຮ້ານຄ້າຫຼາຍແຫ່ງລ້ວນແຕ່ຖືກປະດັບປະດາດ້ວຍຕົ້ນແປກ, ສັນເຕີໂຄດ ພ້ອມດ້ວຍລະບົບດອກໄຟສີຫຼາກຫຼາຍ ເພື່ອຕ້ອນຮັບວັນບຸນຄິດສມາດ ຊຶ່ງແມ່ນວັນເບີກບານມ່ວນຊືນຂອງທັງພໍ່ແມ່ພີນ້ອງຜູ້ເຊື່ອຖືສາສະໜາຄິດ ແລະ ພໍ່ແມ່ພີນ້ອງຜູ້ເຊື່ອຖືສາສະໜາອື່ນໆ.
ໃນການຕ້ອນຮັບວັນບຸນຄິດສມາດປີນີ້, ເຂດຊາວຄິດ ເວືອນສວ່າຍ ຢູ່ເມືອງ 3 ຊຶ່ງແມ່ນເຂດຊາວຄິດໃຫຍ່ໃນນະຄອນດ້ວຍຈຳນວນຊາວຄິດ 5000 ກ່ວາຄົນ, ໄດ້ຈັດບັນດາພິທີສອນສາສະໜາໃຫ້ແກ່ຜູ້ໃຫຍ່, ຊາວໜຸ່ມເຍົາວະຊົນ. ຜ່ານການສອນສາສະໜາ, ຊາວຄິດສາມາດເຂົ້າໃຈກ່ຽວກັບຄວາມໝາຍຂອງວັນບຸນຄິດສມາດ ແລະ ຈະສ້າງການດຳລົງຊີວິດໃຫ້ນັບມື້ນັບດີກ່ວາ. ນອກຈາກຈັດການຕ້ອນຮັບວັນບຸນຄິດສມາດ້ວຍການລະຫຼິ້ນມ່ວນຊື່ນ, ເຂດຊາວຄິດຍັງຈັດລາຍການວັດທະນະທຳການກິນດື່ມ ດ້ວຍບັນດາເຍື່ອງອາຫານພິເສດຂອງ 3 ພາກໃນປະເທດ ແລະ ມອບຂອງຂວັນ 200 ພູດຕົກເປັນມຸນຄ້ານັບຮ້ອຍລ້ານດົງໃຫ້ແກ່ຄົນທຸກຍາກ. ທ່ານ ຫງວຽນວັນຕຽນ ປະທານສະພາບໍລິຫານງານ ເຂດຊາວຄິດ ເວືອນສ່ວາຍ ໃຫ້ຮູ້ວ່າ :“ຂ້າພະເຈົ້າເຫັນວ່າຊາວຄິດຢູ່ແຫ່ງນີ້ຕ້ອນຮັບວັນບຸນຄິດສມາດ ດ້ວຍການກະກຽມຢ່າງລອບຄອບຖີ່ຖ້ວນ. ເຂົາເຈົ້າໄດ້ເຂົ້າຮ່ວມການດຳເນີນຊີວິດພາຍໃນເຂດຊາວຄິດ. ພິເສດມີລາຍການເຄື່ອນໄຫວຕ່າງໆຄືມອບທຶນສຶກສາໃຫ້ນັກຮຽນທຸກຍາກໃນ ໂອກາດ ວັນບຸນຄິດສມາດ, ການຈັດງານບຸນເພື່ອສ້າງບັນຍາກາດຢ່າງຟົດຟື້ນມ່ວນຊື່ນເນື່ອງໃນໂອກາດ ຕ້ອນຮັບ ວັນບຸນຄິດສມາດ ”
ໃນປີ 2011, ຜ່ານບັນດາຂະບວນການແຂ່ງຂັນ “ ສ້າງການດຳລົງຊີວິດ ແລະ ສ້າງ ສາສະໜາໃຫ້ດີງາມ”, “ສາມັກຄີກັນສ້າງຊີວິດວັດທະນະທຳຢູ່ເຂດຊຸມຊົນ”…ພໍ່ແມ່ພີນ້ອງຊາວ ຄິດຢູ່ເຂດຊາວຄິດຕ່າງໆໃນນະຄອນ ໄດ້ປະ ກອບສ່ວນເປັນຈຳນວນເງິນ 55 ຕື້ກ່ວາດົງເຂົ້າໃນບັນດາການເຄື່ອນໄຫວເພື່ອການກຸສົນໃນສັງຄົມ, ການສຶກສາ ແລະ ຊ່ວຍເຫຼືອຜູ້ຮັບເຄາະຮ້າຍຈາກໄພທຳມະຊາດ. ທ່ານ ຫງວຽນແທງລອງ ຢູ່ເຂດຊາວຄິດ ແທງມິງ ຕາແສງ 13 ເມືອງ 4 ໃຫ້ຮູ້ວ່າ : “ ທຸກໆຄົນຕ່າງກໍ່ເຫັນວ່າ ນັບຕັ້ງແຕ່ມີກິດຈະການປ່ຽນແປງໃໝ່, ຊີວິດການເປັນຢູ່ຂອງປະຊາຊົນໄດ້ດີຂຶ້ນກ່ວາເກົ່າ. ດັ່ງນັ້ນ ຂ້າພະເຈົ້າດີໃຈຫຼາຍ. ວັນບຸນຄິດສມາດ ກໍ່ຄືວັນບຸນຕ່າງໆລ້ວນແຕຟົດຟື້ນ ມ່ວນຊື່ນກ່ວາເກົ່າ ”
ກໍ່ເຊັ່ນ ດຽວກັນກັບເຂດຊາວຄິດອື່ນໆ, ເຂດຊາວຄິດ ດາມິງ-ບາຈວງ ດວຍຈຳນວນຊາວຄິດ 2000 ຄົນ ກໍ່ໄດ້ຈັດການເຄື່ອນໄຫວຫຼາຍຢ່າງເນື່ອງໃນໂອກາດວັນບຸນຄິສມາດ. ຄຸນພໍ່ ດິງກວາງແມງຮຸງ ຫົວໜ້າເຂດຊາວຄິດ ດາ ມິງ-ບາຈວງ ໃຫ້ຮູ້ວ່າ : “ ທາງດ້ານສັງຄົມ, ຂ້າພະເຈົ້າໄດ້ຮຽກຮ້ອງໃຫ້ສະມາຄົມຂຶ້ນຕ່າງໆລົງໄປຢ້ຽມຢາມບັນດາຜູ້ ທຸກຍາກ, ພິເສດໃນຄ່ຳຄືນວັນບຸນຄິດສມາດ, ຈະມີກຸ່ມ ຄົນຕ່າງໆລົງໄປຊ່ວຍເຫຼືອຄົນທຸກຍາກບໍ່ວ່າຜູ້ໃດຢູ່ຕາມຖະໜົນສາຍ ຕ່າງໆ. ສຳລັບທາງດ້ານຈິດວິນຍານ, ຂ້າພະເຈົ້າຈະສ້າງທຸກເງື່ອນໄຂເພື່ອໃຫ້ທຸກໆຄົນຄຳຊນຶງເຖິງຕົນເອງ, ມີອັນໃດດີ, ອັນໃດບໍ່ທັນໄດ້ດີ ແລະຜ່ານວັນຄິດສມາດ ຈະແກ້ໄຂໃຫ້ດີຂຶ້ນ ”.