ເມື່ອມີໂອກາດລົງຢ້ຽມຢາມເຂດດິນດ້ຽນບຽນ, ນອກຈາກເຂດຮອງຮອຍສະຖານໄຊຊະນະດ້ຽນບຽນຝູ ແລ້ວ, ແຂກທ່ອງທ່ຽວທັງຫຼາຍຍັງຈະໄດ້ເຫັນບັນດາໝູ່ບ້ານ ທີ່ເຂັ້ມຂົ້ນໄປດ້ວຍສີສັນວັດທະນະທຳທີ່ເປັນເອກະລັກຂອງພໍ່ແມ່ປະຊາຊົນບັນດາເຜົ່າຢູ່ທ້ອງຖິ່ນ. ໃນຊຸມປີມໍ່ໆມານີ້, ແຂວງດ້ຽນບຽນໄດ້ພັດທະນາຮູບແບບທ່ອງທ່ຽວເຂດຊຸມຊົນຕິດພັນກັບສະຖານທີ່ແຫ່ງປະຫວັດສາດທີ່ລື່ຊື.
ຫໍວັດທະນະທຳບ້ານເມັ້ນ-ແຫ່ງຕ້ອນຮັບ ແລະ ຮັບໃຊ້ແຂກທ່ອງທ່ຽວ |
ໂດຍຖືກຕັ້ງຢູ່ໃນທ່າມກາງເຂດພູຜາປ່າໄມ້ ແລະ ບັນດາເນື້ອທີ່ໄຮ່ນາຮົ້ວສວນ, ບ້ານເມັ້ນໃນຕາແສງ ແທງເນືອ ເມືອງ, ແຂວງດ້ຽນບຽນເປັນທີ່ຮູ້ຈັກກັນດີດ້ວຍສະຖານທີ່ທ່ອງທ່ຽວເຂດຊຸມຊົນທີ່ດູດດື່ມ. ສຳລັບຊາວບ້ານເມັ້ນແລ້ວ, ຍອ້ນເຂົ້າໃຈໄດ້ເຖິງຄວາມໝາຍຂອງການພັດທະນາການທ່ອງທ່ຽວວັດທະນະທຳຕິດພັນກັບການພັດທະນາເສດຖະກິດ-ສັງຄົມ, ໃນຊຸມປີທີ່ຜ່ານມາ, ຫຼາຍຄອບຄົວໃນບ້ານໄດ້ລົງທຶນເພື່ອເປັນເຈົ້າການກໍ່ສ້າງຍົກລະດັບເຮືອນຢູ່, ສ້າງບັນດາຜະລິດຕະພັນທ່ອງທ່ຽວ. ທ່ານກວ່າງວັນເທືອງ ພະນັກງານ ບ້ານເມັ້ນ ໃຫ້ຮູ້ວ່າ :
“ ກ່ອນນີ້, ຂະນະທີ່ຍັງບໍ່ທັນກໍ່ສ້າງເປັນບ້ານວັດທະນະທຳທ່ອງທ່ຽວນັ້ນ, ບ້ານເມັ້ນ ບໍ່ມີທາງຄົມມະນາຄົມ, ເຮືອນຊານຄືໃນປະຈຸບັນ. ນັບຕັ້ງແຕ່ໄດ້ກໍ່ສ້າງເປັນບ້ານວັດທະນະທຳທ່ອງທ່ຽວ, ໄດ້ຮັບການຕ້ອນຮັບ ນັກທ່ອງທ່ຽວຕ່າງປະເທດຫຼາຍຄະນະ, ດັ່ງນັ້ນຊີວິດການເປັນຢູ່ຂອງຊາວທ້ອງຖິ່ນໄດ້ປ່ຽນແປງຢ່າງເຫັນໄດ້ຊັດ ”.
ຊີວິດການເປັນຢູ່ຂອງປະຊາຊົນໃນບ້ານຟຽງເລີຍ, ຕາແສງ ແທງມິນທີ່ນະຄອນດ້ຽນບຽນ ກໍໄດ້ປ່ຽນແປງຢ່າງເຫັນໄດ້ຊັດພາຍຫຼັງ 10 ປີແຫ່ງການຜັນຂະຫຍາຍຮູບແບບທ່ອງທ່ຽວເຂດຊຸມຊົນ. ອ້າຍ ກວ່າງວັນມວນ ຢູ່ບ້ານພຽງເລີຍໃຫ້ຮູ້ວ່າ :
“ ນັບແຕ່ເວລາໄດ້ຮັບການຮັບຮອງເປັນບ້ານວັດທະນະທຳ, ແຂກທ່ອງທ່ຽວໄດ້ເຂົ້າມາຢ້ຽມຢາມໝູ່ບ້ານ, ຊີວິດການເປັນຢູ່ຂອງຊາວທ້ອງຖິ່ນໄດ້ປ່ຽນແປງຢ່າງເຫັນໄດ້ຊັດ. ເພາະເມື່ອມີແຂກມາເຮືອນ, ເຂົາເຈົ້າກໍໄດ້ປຸງແຕ່ງອາຫານຮັບໃຊ້ແຂກ ”
ທ່ານ ດວານວັນຈີ, ຮອງຫົວໜ້າພະແນກວັດທະນະທຳ-ກິລາ ແລະ ທ່ອງທ່ຽວແຂວງດ້ຽນບຽນ ໃຫ້ຮູ້ວ່າ : ພ້ອມກັບການທ່ອງທ່ຽວຢູ່ເຂດຮອງຮອຍສະຖານປະຫວັດສາດນັ້ນ, ສາງມໍລະດົກວັດທະນະທຳທີ່ເປັນເອກະລັກສະເພາະຈາກບັນດາຊຸດອາພອນປະຈຳເຜົ່າ, ອາຊີບຫັດຖະກຳ, ຕະຫຼອດຮອດບັນດາງານບຸນປະເພນີອັນເປັນເອກະລັກສະເພາະຂອງຊາວທ້ອງຖິ່ນ ກໍໄດ້ປະກອບສ່ວນດຶງດູດແຂກທ່ອງທ່ຽວມາຢ້ຽມຢາມນັບມື້ນັບຫຼາຍຂຶ້ນ.