ໃນການດຳລົງຊີວິດ, ການອະນຸລັກຮັກສາ, ເສີມຂະຫຍາຍບັນດາມໍລະດົກວັດທະນະທຳທີ່ມີມາແຕ່ດົນນານຈະປະສົບກັບຄວາມຫຍຸ້ງຍາກຖ້າຫາກບໍ່ມີການຮ່ວມແຮງຮ່ວມໃຈຈາກວົງຄະນະຍາດ. ໃນສະພາບຕົວຈິງໄລຍະທີ່ຜ່ານມາດ ໄດ້ສະແດງໃຫ້ເຫັນວ່າ ມີຫຼາຍມໍລະດົກໄດ້ຮັບການໂຄສະນາ, ເຂົ້າສູ່ຊີວິດຕົວຈິງ, ນັ້ນແມ່ນຍ້ອນມີຄວາມມານະພະຍາຍາມຂອງບັນດາສ່ວນບຸກຄົນ, ບັນດາອົງການຈັດຕັ້ງທີ່ສຸມຈິດສຸມໃຈກັບ ມໍລະດົກວັດທະນະທຳຂອງຄົນລຸ່ນກ່ອນ. ສະມາຄົມມໍລະດົກວັດທະນະທຳຮ່າໂນ້ຍ, ຊຶ່ງແມ່ນອົງການເຕົ້າໂຮມຫຼາຍນັກປັນຍາຊົນໜຸ່ມນະຄອນຮ່າໂນ້ຍ ກໍແມ່ນແຫ່ງເຊັ່ນນັ້ນ.
ນັກຈິດຕະກອນ ເຈີນແທງຕຸ່ງ ແລະ ນັກຄົ້ນຄ້ວາປະຫວັດສາດ ເຢືອງຈຸງກວັກ (ພາບ: http://thanglong.chinhphu.vn/)
|
ສະມາຄົມມໍລະດົກວັດທະນະທຳຮ່າໂນ້ຍ ແມ່ນອົງການເຄື່ອນໄຫວບໍ່ເພື່ອຜົນກຳໄລ, ເຕົ້າໂຮມຫຼາຍນັກປັນຍາຊົນໜຸ່ມສຸມຈິດສຸມໃຈອຸທິດສ່ວນໃນການອະນຸລັກຮັກສາ, ໂຄສະນາ ແລະ ພັດທະນາວັດທະນະທຳຫວຽດນາມດ້ວຍຄວາມເອກອ້າງທະນົງໃຈຕໍ່ມູນເຊື້ອຫວຽດນາມ, ເຊີດຊູສີສັນວັດທະນະທຳຫວຽດນາມ. ນັກຈິດຕະກອນ ເຈີນແທງຕຸ່ງ ເປີດເຜີຍ ວ່າ :
“ ຫວຽດນາມແມ່ນປະເທດທີ່ມີໄລຍະປະຫວັດສາດວັດທະນະທຳມາແຕ່ດົນນານ, ພິເສດພວກເຮົາພວມມີຫຼາຍ ມໍລະດົກວັດທະນະທຳທີມີຮູບຮ່າງ ແລະ ບໍ່ມີຮູບຮ່າງ ແລະ ພວກເຮົາໄດ້ມີຖັນແຖວນັກຄົ້ນຄ້ວາ, ໃນນັ້ນມີໄວໜຸ່ມຫຼາຍຄົນຢາກຊອກຮູ້ຄວາມເຂົ້າໃຈກ່ຽວກັບວັດທະນະທຳຂອງລຸ່ນປູລຸ່ນພໍ່. ນີ້ແມ່ນບັນດາເຫດຜົນທີ່ພາໃຫ້ພວກຂ້າພະເຈົ້າສ້າງຕັ້ງ ສະມາຄົມມໍລະດົກວັດທະນະທຳ ເພື່ອເປັນຂົວເຊື່ອມຕໍ່ລະຫວ່າງອະດີດ, ປະຈຸບັນ ແລະ ອະນາຄົດ. ໂດຍຜ່ານ ສະມາຄົມມໍລະດົກວັດທະນະທຳ, ພວກຂ້າພະເຈົ້າມີໂອກາດໄດ້ສຳພັດບັນດາ ມໍລະດົກວັດທະນະທຳອັນລ້ຳຄ່າຂອງຄົນລຸ່ນກ່ອນ, ພ້ອມກັນນັ້ນ ກໍໂຄສະນາໃຫ້ຄົນລຸ່ນຫຼັງ”
ດ້ວຍທິດນຳການເຄື່ອນໄຫວເຊັ່ນນັ້ນ, ສະເພາະປີ 2013, ສະມາຄົມມໍລະດົກວັດທະນະທຳຮ່າໂນ້ຍໄດ້ຈັດຕັ້ງ 23 ເຫດການວັດທະນະທຳສິລະປະ, ໃນນັ້ນມີຫຼາຍເຫດການທີ່ໜ້າສົນໃຈ ແລະ ໄດ້ສ້າງຄວາມປະທັບໃຈໃຫ້ຜູ້ຊົມທັງຫຼາຍ.
ດ້ວຍຈຸປະສົງນຳຄວາມເມົາມົວກັບມໍລະດົກວັດທະນະທຳຂອງຄົນລຸ່ນກ່ອນມາສູ່ມວນຊົນ, ການເຄື່ອນໄຫວຂອງສະມາຄົມມໍລະດົກວັດທະນະທຳໄດ້ຮັບການສະໜັບສະໜູນຈາກນັກວິທະນາສາດທີ່ມີຊື່ສຽງຫຼາຍຄົນ. ນັກຈິດຕະກອນ ເຈີທແທງຕຸ່ງໃຫ້ຮູ້ວ່າ :
“ ມີສັນຍານທີ່ເປັນໜ້າພູມໃຈ ນັ້ນແມ່ນຈຳນວນຜູ້ສົນໃນຕໍ່ການເຄື່ອນໄຫວຂອງສະມາຄົມມໍລະດົກວັດທະນະທຳ ນັບມື້ນັບຫຼາຍຂຶ້ນ. ເຂົາເຈົ້າມີຄວາມປິຕິຊົມຊື່ນຍ້ອນວ່າ ສາມາດຊອກຫາໄດ້ທຸກສິ່ງທຸກຢ່າງທີ່ກ່ອນນັ້ນເຂົາເຈົ້າຍັງບໍ່ທັນເຂົ້າໃຈຫຼືບໍ່ທັນມີໂອກາດໄດ້ເຫັນຄືນ”
ໄລຍະຕໍ່ມາ, ບັນດາເຫດການໂດຍສະມາຄົມມໍລະດົກວັດທະນະທຳຈັດຂຶ້ນ ແມ່ນນັບມື້ນັບເປີດກ້ວາງ, ສາມາດດຶງດູດມວນຊົນມາສຳພັດກັບວັດທະນະທຳມໍລະດົກ. ໃນນັ້ນ, ມີບັນດາເຫດການໃຫຍ່ຄື : ໝູ່ບ້ານເຄື່ອງປັ້ນດິນເຜົາ ບາດຈ່າງ, ວັດທະນະທຳການອ່ານ ແລະ ໄວໜຸ່ມ….ນັ້ນແມ່ນຄວາມພະຍາຍາມຂອງທາງສະມາຄົມເພື່ອນຳ ມໍລະດົກວັດທະນະທຳເຂົ້າສູ່ຊີວິດຕົວຈິງ.