ການກະທົບໃສ່ກະດູກສັນຫຼັງ ແມ່ນວິທີປິ່ນປົວພະຍາດແບບພື້ນເມືອງຂອງຊາວຫວຽດນາມໂດຍໃຊ້ມືບີບ ແລະ ຄັ້ນບົນຈຸດປະສາດ. ເມື່ອເຫັນໄດ້ເຖິງປະສິດທິຜົນຂອງວິທີປິ່ນປົວແບບນີ້, ທ່ານໝໍ ຫງວນຫງອກເຮືອງໄດ້ສ້າງຕັ້ງສະໂມສອນ “ປິ່ນປົວພະຍາດດ້ວຍ ການກະທົບໃສ່ກະດູກສັນຫຼັງ” . ຍ້ອນມີສະໂມສອນແຫ່ງນີ້, ມີຄົນເຈັບຫຼາຍຄົນໄດ້ມີອາການສຸຂະພາບດີຂຶ້ນ.
ການກະທົບໃສ່ກະດູກສັນຫຼັງ ແມ່ນວິທີປິ່ນປົວພະຍາດແບບພື້ນເມືອງຂອງຊາວຫວຽດນາມໂດຍໃຊ້ມືບີບ ແລະ ຄັ້ນບົນຈຸດປະສາດ |
ທັງບີບ ແລະ ຄັ້ນບົນຈຸດປະສາດ, ທັງໃຫ້ຄຳແນະນຳໃຫ້ນັກຂ່າວ ຮັ່ງຈີຢູ່ຮ່າໂນ້ຍກ່ຽວກັບວິທີປິ່ນປົວສຳລັບອາການເຈັບບ່າ ແລະ ສັນຫຼັງ. ທ່ານໝໍ ຫງວນຫງອກເຮືອງ ໃຫ້ຮູ້ວ່າ ວິທີປິ່ນປົວແບບນີ້ ສາມາດຫຼຸດຜ່ອນອາການເຈັບປ່ວຍຕ່າງໆ ແລະ ຖ້າຫາກວິທີປິ່ນປົວແບບນີ້ຂະຫຍາຍຕົວໃນວົງກ້ວາງ ກໍອາດຈະຊ່ວຍຄົນເຈັບໄດ້ຮັບການປິ່ນປົວຢູ່ກັບທີ່ ບໍ່ສິ້ນເປືອງເງິນທອງ. ທ່ານໝໍ ຫງວນຫງອກເຮືອງ ເວົ້າວ່າ :
“ ຂ້າພະເຈົ້າໄດ້ສ້າງຕັ້ງສະໂມສອນແຫ່ງນີ້ ແລະ ໄດ້ຖ່າຍທອດບັນດາຄວາມຮູ້ໂດຍຜ່ານການສຶກສາຄົ້ນຄ້ວາ ແລະ ຖອດຖອນມາໄດ້ຈາກຕົວຈິງ. ກໍເຊັ່ນດຽວກັນນັ້ນ, ເພື່ອໃຫ້ທຸກຄົນຍົກສູງສີມືອາຊີບ, ຜູ້ມາແຕ່ນານ ກໍຖ່າຍທອດໃຫ້ຜູ້ມາໃໝ່. ຂ້າພະເຈົ້າກໍໄດ້ດຳເນີນການໄປປິ່ນປົວເພື່ອການກຸສົນ, ທັງນີ້ກໍເປັນການສົ່ງເສີມສຸຂະພາບ ແລະ ເພີ່ມຍົກສູງສີມືອາຊີບໃຫ້ສະມາຊິກມະໂມສອນຜູ້ມາໃໝ່ ”
ສະໂມສອນປິ່ນປົວພະຍາດດ້ວຍການກະທົບໃສ່ກະດູກສັນຫຼັງ ໄດ້ດຳເນີນການລົງໄປປິ່ນປົວພະຍາດໃຫ້ແກ່ປະຊາຊົນໃນຂອບເຂດທົ່ວປະເທດ. ໃນການເດີນທາງໄປປິ່ນປົວແຕ່ລະຄັ້ງ, ມີຄົນເຈັບນັບຮ້ອຍຄົນໄດ້ຮັບການປິ່ນປົວ. ທ່ານໝໍ ເລແອງນາມ ເປີດເຜີຍວ່າ :
“ ໃນເບື້ອງຕົ້ນ, ພໍ່ແມ່ພີນ້ອງ ກໍມີຄວາມສົງໄສ, ເພາະວ່າ ດ້ວຍການປິ່ນປົວພະຍາດໂດຍໃຊ້ 2 ຝາມື ແລະ ບໍ່ຕ້ອງໃຊ້ຢຸກຢາ ແຕ່ພັດສາມາດປິ່ນປົວໄດ້ 600 ພະຍາດ. ເລື່ອງນີ້ແມ່ນຄວາມຈິງແທ້. ພາຍຫຼັງປິ່ນປົວເປັນເວລາ 1-2 ມື້, ມີຫຼາຍຄົນຮູ້ສຶກປະຫຼາດໃຈຍ້ອນວ່າ ໂດຍໃຊ້ວິທີປິ່ນປົວແບບງ່າຍດາຍເຊັ່ນນັ້ນ ແຕ່ສາມາດນຳມາເຊິ່ງປະສິດທິຜົນສູງ, ຄ່າບໍລິການກໍບໍ່ຫຼາຍປານໃດ. ສິ່ງທີ່ສຳຄັນແມ່ນບໍ່ຕ້ອງນອນໂຮງໝໍ ແລະ ກິນຢາເພື່ອປິ່ນປົວ ”
ໃນມໍ່ໆມານີ້, ສະໂມສອນໄດ້ລົງໄປປິ່ນປົວພະຍາດເພື່ອການກຸສົນໃຫ້ປະຊາຊົນຕາແສງມາຍເລີມ, ເມືອງດົງແອງ. ທັງຜູ້ປິ່ນປົວ ແລະ ຄົນເຈັບຕ່າງກໍຕື້ນຕັນໃຈເມື່ອເຫັນຄົນເຈັບ ທີ່ເປັນລອຍ ທ່ານຝ້າມຮີທົງ ອາຍຸ 62 ປີ ສາມາດຍ່າງໄປມາໄດ້. ເມຍຂອງທ່ານທົງ ໃຫ້ຮູ້ວ່າ ການປິ່ນປົວແບບກະທົບໃສ່ກະດູກສັນຫຼັງກໍແມ່ນສິ່ງທີ່ປະຕິຫານ, ມາຮອດຈຸດເວລານີ້, ນາງກໍບໍ່ສາມາດເຊື່ອວ່າ ນີ້ແມ່ນຄວາມຈິງແທ້. ເມຍຂອງທ່ານທົງ ເວົ້າວ່າ :
“ ກ່ອນກນີ້ 6 ປີ, ຜົວຂ້າພະເຈົ້າຖືກເສັ້ນເລືອດຂຶ້ນສະໝອງແຕກ, ເມື່ອສົ່ງໄປໂຮງໝໍປິ່ນປົວ, ສຸດທ້າຍກໍເປັນລອຍທັງຕົນໂຕ, ປາກກໍບໍ່ໄດ້ອີກ. ແຕ່ເມື່ອໄດ້ຮັບການປິ່ນປົວແບບນີ້, ນັບແຕ່ມື້ທຳອິດ ກໍສາມາດເວົ້າໄດ້ 2-3ຄຳ , ຮອດມື້ທີ 2 ກໍສາມາດເວົ້າໄດ້ລຽນໄຫຼ ແລະ ຮອດມື້ທີ 3 ກໍສາມາດຍໍແຂນຂຶ້ນໄດ້” .