(vovworld)-ກັບຄືນເມືອປະເທດພາຍຫລັງເຂົ້າຮ່ວມສົງຄາມຢູ່ຫວຽດນາມ, ທະຫານຜ່ານເສິກອາເມລິກາຫລາຍຄົນຕ້ອງນຳໃຊ້ບັນດາມາດຕະການປິ່ນປົວເພື່ອໃຫ້ຈິດໃຈສະຫວາດສະເຫວີຍ. ແຕ່ຮູບພາບຈາກສົງຄາມຢູ່ຫວຽດນາມ ຍາມໃດກໍກະທົບເຖິງຈິດໃຈ,ຫລອກຫລອນໃນການດຳລົງຊີວິດຂອງເຂົາເຈົ້າ. ຜ່ານອົງການຂໍ້ລິເລີ່ມໝາກຫົວໃຈພົນທະຫານ(SHI), ບັນດາທະຫານຜ່ານເສິກອາເມລິກາ ມີກາລະໂອກາດກັບຄືນມາຢາມຫວຽດນາມ ແລະ ຄວາມເຈັບປວດນັ້ນຄ່ອຍໆຖືກຫາຍໄປ.
ອົງການຂໍ້ລິເລີ່ມໝາກຫົວໃຈພົນທະຫານ(SHI)ຢ້ຽມຢາມຫວຽດນາມ
ພາບ:vtv4.vn
|
ເປັນຄັ້ງທຳອິດກັບຄືນມາຢາມຫວຽດນາມພາຍຫລັງ 45 ປີ, ທະຫານຜ່ານເສິກອາເມລິກາ Howerd Harrison ແມ່ນທະຫານເສນາຮັກໃນກອງພົນໂດດຈ້ອງຂອງກອງທັບອາເມລິກາ ຢາກກັບຄືນຢ້ຽມຢາມສະຖານທີ່ຊື່ງກ່ອນນີ້ທ່ານໄດ້ຕັ້ງທັບ ແລະ ກໍແມ່ນແຫ່ງທີ່ເພື່ອນຂອງທ່ານຖືກເສຍຊີວິດໃນບັ້ນຮົບຢູ່ແຂວງ ບີງດີ້ງ. ກັບຄືນຢ້ຽມຢາມຫວຽດນາມ ຄັ້ງນີ້ ທ່ານໄດ້ພາເມຍຂອງຕົນມານຳ. ເມື່ອລົງຮອດສະຫນາມບິນຢູ່ ບີ່ງດີ້ງ ທ່ານ Howerd Harrison ບັງເອີນໄດ້ພົບກັບນັກຮົບດັກກົງ(ໝາຍເຖິງ
ທະຫານສັງກັດກຳລັງພິເສດ)ຂອງກຳລັງປົດປ່ອຍພາກໃຕ້ຫວຽດນາມ, ຊື່ງກ່ອນນີ້ໄດ້ບຸກໂຈມຕີເຂົ້າສະຫນາມບິນທີ່ທ່ານຕັ້ງທັບ ແລະ ນັກຮົບຜູ້ນີ້ກໍຖືກບາດເຈັບ. ທ່ານ Howerd Harrison ເວົ້າດ້ວຍຄວາມຕື້ນຕັນໃຈວ່າ:
“ສິ່ງທີ່ເຮັດໃຫ້ຂ້າພະເຈົ້າມີຄວາມຕື້ນຕັນໃຈຫລາຍນັ້ນແມ່ນ ພາຍຫລັງໄດ້ຮັບຟັງເລື່ອງລາວທີ່ນັກຮົບດັກກົງເລົ່າສູ່ຟັງ, ທັງສອງຄົນໄດ້ຈັບມື ແລະ ກອດກັນສະແດງຄວາມຮັກແພງສະຫນິດສະຫນົມ.”
ສຳລັບທະຫານຜ່ານເສິກ ອາເມລິກາ William, 45 ປີຜ່ານມາແມ່ນໄລຍະແຫ່ງການຫລອກຫລອນຈາກສົງຄາມ ຊື່ງບໍ່ສາມາດຫລົງລືມໄດ້. ທ່ານໃຫ້ຮູ້ວ່າ:
“ເຂົ້າຮ່ວມການຢ້ຽມຢາມຫວຽດນາມຄັ້ງນີ້, ຂ້າພະເຈົ້າ ແລະ ບັນດາເພື່ອນມິດໃນອົງການ SHI ຢາກເຮັດສິ່ງໃດຫນຶ່ງໃຫ້ແກ່ຫວຽດນາມ ຕົວຢ່າງຄື: ກໍ່ສ້າງເຮືອນແຫ່ງສາຍຈິດມິດໃຈໃຫ້ແກ່ປະຊາຊົນ, ມອບງົວຄວາຍ, ຊ່ວຍເຫລືອຜູ້ປະສົບເຄາະຮ້າຍຈາກທາດພິດສີສົ້ມ. ນີ້ເປັນຄັ້ງທຳອິດທີ່ຂ້າພະເຈົ້າກັບຄືນມາຢ້ຽມຢາມຫວຽດນາມ”
ທະຫານຜ່ານເສີກ Howerd ຫລື Willam ແມ່ນບັນດາຜູ້ໃນຈຳນວນທະຫານຜ່ານເສີກອາເມລິກາຄົນອື່ນໆ ບໍ່ຮັບຜົນກະທົບດ້ານຈິດຕະສາດຍ້ອນຄວາມຫລອກຫລອນຈາກສົງຄາມອີກແລ້ວ ເມືອ່ໄດ້ກັບຄືນມາຢ້ຽມຢາມຫວຽດນາມໂດຍຜ່ານອົງການ SHI. ທ່ານ Edward Bryan Tick ປະທານອົງການ SHI ບໍ່ແມ່ນທະຫານຜ່ານເສີກ ແຕ່ທ່ານເປັນຜູ້ຄັດຄ້ານສົງຄາມ. ປີ 1970 ເມື່ອພົບປະກັບທະຫານຜ່ານເສິກອາເມລິກາກັບຄືນເມືອຈາກຫວຽດນາມ, ທ່ານເຫັນວ່າ ເຂົາເຈົ້າລ້ວນແຕ່ຖືກຫລອກຫລອນຈາກສົງຄາມ. ທ່ານ Edward Bryan Tick ເວົ້າວ່າ:
“ຄາວນັ້ນ ມີຊາວອາເມລິກາບໍ່ເທົ່າໃດຄົນສົນໃຈເຖິງທະຫານຜ່ານເສິກ ແລະ ເຂົາເຈົ້າຄິດວ່າ ພະຍາດທີ່ທະຫານຜ່ານເສິກຖືກຕິດນັ້ນຈະຮັບການປິ່ນປົວດ້ວຍຢຸກຢາຫລືຄຳປຶກສາຈິດຕະສາດ. ຄວາມຈິງໃນຈິດໃຈຂອງເຂົາເຈົ້າມາດຕະການດັ່ງກ່າວບໍ່ສາມາດປິ່ນປົວໄດ້. ຂ້າພະເຈົ້າຄິດວ່າ ມາດຕະການດີສຸດແມ່ນສົ່ງເຂົາເຈົ້າມາຢ້ຽມຢາມຫວຽດນາມເພື່ອໃຫ້ເຂົາເຈົ້າພົບປະກັບປະຊາຊົນຫວຽດນາມ, ເຫັນໄດ້ສະພາບປະເທດຫວຽດນາມປ່ຽນແປງຄືແນວໃດ, ພັດທະນາຄືແນວໃດແລະໃຫ້ເຂົາເຈົ້າເຫັນວ່າ ປະຊາຊົນຫວຽດນາມອະໄພໃຫ້ເຂົາເຈົ້າຄືແນວໃດ.”
ໃນ 10 ປີມານີ້, SHI ເຄີຍຈັດຕັ້ງການເດີນທາງມາຢ້ຽມຢາມຫວຽດນາມໃຫ້ແກ່ ບັນດາຄະນະທະຫານຜ່ານເສິກອາເມລິກາ ແລະ ຍາດຕິພີ່ນ້ອງຂອງເຂົາເຈົ້າ, ໂດຍມີການສົມທົບກັບບັນດາຂໍ້ລິເລີ່ມຊຸກຍູ້ການເຄື່ອນໄຫວຕ່າງໆເພື່ອຮຳບາດແຜສົງຄາມ ແລະ ປອງດອງໄກ່ເກຍລະຫວ່າງສອງປະເທດເວົ້າລວມ ແລະ ທະຫານຜ່ານເສິກອາເມລິກາ ເວົ້າສະເພາະ. ບັນດາທະຫານຜ່ານເສີກອາເມລິກາ ໄດ້ບໍລິຈາກເງິນເພື່ອຫນູນຊ່ວຍຢຸກຢາ, ກວດ,ປິ່ນປົວພະຍາດ, ພົບປະແລກປ່ຽນວັດທະນະທຳ. ການເຄ່ືອນໄຫວທັງໝົດເຫລົ່ານັ້ນ ໄດ້ຊ່ວຍໃຫ້ອາການສຸຂະພາບຂອງທະຫານຜ່ານເສິກອາເມລິກາ ຄ່ອຍໆກັບຄືນສູ່ຄວາມເປັນປົກກະຕິ. ທ່ານ Edward Bryan Tick ໃຫ້ຮູ້ວ່າ:
“ເມື່ອຂ້າພະເຈົ້າສົ່ງທະຫານຜ່ານເສິກອາເມລິກາ ມາຢ້ຽມຢາມຫວຽດນາມ, ໃນເວລາພຽງ 3 ອາທິດເທົ່ານັ້ນ ເຂົາເຈົ້າລ້ວນແຕ່ຮູ້ສຶກສະຫວາດສະເຫວີຍກວ່າ ແລະ ພະຍາດດັ່ງກ່າວໄດ້ຄ່ອຍໆຫາຍໄປ.. ໃນຂະນະນັ້ນ ໃນຕະຫລອດ 40 ປີດຳລົງຊີວິດຢູ່ ອາເມລິກາ ເຂົາເຈົ້າໄດ້ນຳໃຊ້ຢຸກຢາຫລາຍຊະນິດແຕ່ບໍ່ສາມາດຊ່ວຍເຂົາເຈົ້າໄດ້. ”
ທ່ານ Edward Bryan Tick ໃຫ້ຮູ້ວ່າ: ຍັງມີຊາວອາເມລິກາຫລາຍຄົນ ບໍ່ທັນເຂົ້າໃຈປານໃດກ່ຽວກັບຊາວຫວຽດນາມ, ປະຫວັດສາດ, ພື້ນຖານວັດທະນະທຳຂອງປະເທດຫວຽດນາມ. ສະນັ້ນ ສິ່ງທີ່ SHI ປະຕິບັດໃນໄລຍະຜ່ານມາລ້ວນແຕ່ປາດຖະຫນາວ່າຢາກຊ່ວຍ ຊາວອາເມລິກາ ຊອກຮູ້ກ່ຽວກັບປະເທດຊາດ ແລະ ຊາວຫວຽດນາມ ຢ່າງເລິກເຊິ່ງກວ່າ ກໍຄືການປ່ຽນແປງ ແລະ ສິ່ງທ້າທາຍໃນໄລຍະຈະມາເຖິງ ເພື່ອຮຳບາດແຜສົງຄາມ ແລະ ແກ້ໄຂຜົນຮ້າຍຢ່ອນຫຼັງໂດຍສົງຄາມກໍ່ຂຶ້ນ.