ນາຍົກລັດຖະມົນຕີ 2 ທ່ານເປັນສັກຂີພິຍານພິທີລົງນາມຫຼາຍສະບັບ
|
(vovworld) - ວັນທີ 26/4, ຫວຽດນາມ ແລະ ລາວ ໄດ້ອອກຖະແຫຼງການຮ່ວມເນື່ອງໃນໂອກາດການໄປຢ້ຽມຢາມ ສປປ ລາວ ຂອງທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແຕ່ວັນທີ 26 -27/4/2017. ຫວຽດນາມ ແລະ ລາວ ເຫັນດີເພີ່ມທະວີການພົບປະ, ແລກປ່ຽນຄະນະຜູ້ແທນຂັ້ນສູງຂອງ 2 ປະເທດພາຍໃຕ້ຫຼາຍຮູບການ, ຍູ້ແຮງບັນດາການເຄື່ອນໄຫວພົບປະແລກປ່ຽນ, ການຮ່ວມມືມີປະສິດທິຜົນລະຫວ່າງບັນດາກະຊວງ, ຂະແໜງການ, ທ້ອງຖິ່ນແຮກສ່ຽວ, ພິເສດ ແມ່ນບັນດາທ້ອງຖິ່ນມີຊາຍແດນຕິດຈອດກັນຂອງ 2 ປະເທດ. 2 ຝ່າຍເຫັນດີຜັນຂະຫຍາຍວຽກງານໂຄສະນາ, ເຜີຍແຜ່ຢ່າງກ້ວາງຂວາງ ແລະ ມີອະນຸສັນຍາກ່ຽວກັບເສັ້ນຊາຍແດນ, ຫຼັກໝາຍຊາຍແດນ, ສັນຍາກ່ຽວກັບກົດລະບຽບການຄຸ້ມຄອງຊາຍແດນ ແລະ ດ່ານຊາຍແດນທາງບົກລະຫວ່າງ 2 ປະເທດຢ່າງມີປະສິດທິຜົນ…
ສອງຝ່າຍໄດ້ຢັ້ງຢືນເຖິງຄວາມສຳຄັນ ແລະ ເຫັນດີພ້ອມກັນມະນາພະຍາຍາມເພື່ອຊຸກຍູ້, ເປີດກ້ວາງ ແລະ ຍົກສູງປະສິດທິຜົນການຮ່ວມມືໃນຂົງເຂດເສດຖະກິດ, ລົງທຶນ, ການຄ້າ, ຄົມມະນາຄົມ - ຂົນສົ່ງ…; ສົມທົບກັນຜັນຂະຫຍາຍມີສັນຍາການຄ້າລະຫວ່າງລັດຖະບານ 2 ປະເທດທີ່ລົງນາມໃນວັນທີ 3/3/2015 ແລະ ສັນຍາການຄ້າຊາຍແດນລະຫວ່າງ 2 ລັດຖະບານລົງນາມໃນວັນທີ 27/6/2015 ຢ່າງປະສິດທິຜົນ, ສູ້ຊົນນຳວົງເງິນສົ່ງອອກນຳເຂົ້າຂອງ 2 ປະເທດໃຫ້ເພີ່ມ 10%ເມື່ອທຽບໃສ່ປີ 2016… 2 ຝ່າຍເອົາໃຈໃສ່ເປັນພິເສດເຖິງການຮ່ວມມືດ້ານການສຶກສາ - ບຳລຸງສ້າງ ແລະ ການພັດທະນາແຫຼ່ງຊັບພະຍາກອນມະນຸດ…
ສອງຝ່າຍຢັ້ງຢືນສືບຕໍ່ສົບທົບກັນຢ່າງແໜ້ນແຟ້ນຢູ່ບັນດາເວທີປາໄສສາກົນ ແລະ ພາກພື້ນ, ພິເສດແມ່ນ ສປຊ, ອາຊຽນ ແລະ ບັນດາກົນໄກຮ່ວມມືອະນຸພາກພື້ນ, ສືບຕໍ່ປະກອບສ່ວນສ້າງປະຊາຄົມ ອາຊຽນ ໃຫ້ໝັ້ນຄົງ, ເຂັ້ມແຂງ…
ສອງຝ່າຍສືບຕໍ່ເນັ້ນໜັກຄວາມສຳຄັນຂອງການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພຢູ່ທະເລຕາເວັນອອກ, ເຫັນດີຊຸກຍູ້ແກ້ໄຂບັນດາການຂັດແຍ້ງກັນຢູ່ທະເລຕາເວັນອອກໂດຍສັນຕິວິທີບົນພື້ນຖານກົດໝາຍສາກົນ.