(ພາບປະກອບ)
(vovworld) - ວັນບຸນ “ສີສັນເຂດພູດອຍຢູ່ ຮ່າໂນ້ຍ ປີ 2016“ ຈະດຳເນີນແຕ່ວັນທີ 21-23/11, ຢູ່ ຮ່າໂນ້ຍ, ເນື່ອງໃນໂອກາດວັນມໍລະດົກວັດທະນະທຳ ຫວຽດນາມ (23/11), ເພື່ອແນໃສ່ໂຄສະນາ, ເຊີດຊູບັນດາມໍລະດົກວັດທະນະທຳຂອງປະຊາຄົມບັນດາເຜົ່າຢູ່ເຂດພູດອຍທາງພາກເໜືອ. ເຂົ້າຮ່ວມງານບຸນມີ 10 ແຂວງ, ນະຄອນຢູ່ພາກເໜືອ. ໃນຂອບເຂດງານບຸນຈະດຳເນີນການເຄື່ອນໄຫວຕ່າງໆເຊັ່ນ: ງານວາງສະແດງ “ສີສັນວັດທະນະທຳບັນດາເຜົ່າເຂດພູດອຍທາງພາກເໜືອ“, ງານດອງບັນດາຂອງຊົນເຜົ່າຢ້າວແດງ; ພິທີຮັບຮອງຜູ້ທີ່ໄດ້ເຕີບໃຫຍ່ຂອງຊາວເຜົ່າ ຊ໋ານຢີ່ວ… ທ່ານ ເວືອງຢູຍບຽນ, ຮອງລັດຖະມົນຕີກະຊວງວັດທະນະທຳ-ກິລາ ແລະ ການທ່ອງທ່ຽວ, ໃຫ້ຮູ້ວ່າ:
“ປີນີ້ພວກຂ້າພະເຈົ້າແນະນຳວັດທະນະທຳຂອງປະຊາຄົມບັນດາເຜົ່າເຂດພາກເໜືອ. ດ້ວຍບັນດາວັດຖຸພັນ ແລະ ງານບຸນທີ່ເປັນເອກະລັກສະເພາະທີ່ສຸດ.ນີ້ແມ່ນໂອກາດເພື່ອໃຫ້ຊາວນະຄອນຫຼວງ ຮ່າໂນ້ຍ ຊອກຮູ້ ວັດທະນະທຳທີ່ເປັນມູນເຊື້ອຂອງບັນດາແຂວງເຂດພູດອຍທາງພາກເໜືອ ຫວຽດນາມ.“