(vovworld) - ດົງຮ່າ ແມ່ນຕາແສງຢູ່ເຂດພູດອຍ, ທາງທິດເໜືອເມືອງ ກວານບ້າ, ແຂວງ ຮ່າຢາງ. ຈາກຕາແສງທີ່ຫຍຸ້ງຍາກ, ຈຳກັດດ້ານພັດທະນາເສດຖະກິດ, ສັງຄົມ, ທາງຄົມມະນາຄົມ… ແຕ່ຜ່ານ 4 ປີແຫ່ງການຜັນຂະຫຍາຍການກໍ່ສ້າງຊົນນະບົດໃໝ່, ມາຮອດປະຈຸບັນ, ດົງຮ່າ ໄດ້ປະຕິບັດສຳເລັດມາດຖານທັງໝົດ ແລະ ກາຍເປັນຕາແສງຊົນນະບົດໃໝ່ແຫ່ງທຳອິດຂອງແຂວງ ຮ່າຢາງ.
ຕາແສງດົງຮ່າ ກໍ່ສ້າງທາງໃນເຂດທົ່ງນາ
(ພາບ:baohagiang.vn)
ໃນຊຸມມື້ນີ້, ຊາວກະສິກອນຕາແສງ ດົງຮ່າ ເລີ່ມຕົ້ນລະດູການເກັບກ່ຽວເຂົ້າ… ບົນເສັ້ນທາງເບຕົງລະຫວ່າງບ້ານ, ກໍ່ເຫັນລົດກະບະ, ກວຽນມ້າຂົນສົ່ງເຂົ້າກັບເມືອບ້ານຢ່າງວ່ອງໄວ. ປີນີ້ການປູກຝັງໄດ້ຮັບຜົນດີ, ດັ່ງນັ້ນຜູ້ໃດກໍ່ເບີກບານມ່ວນຊື່ນ. ທ່ານ ເຢືອງດຶກທັ໋ງ, ບ້ານ ນ່າຊ່າຍ, ໃຫ້ຮູ້ວ່າ: ໃນຊຸມປີມໍ່ໆມານີ້, ຍ້ອນມີການຫັນປ່ຽນຜົນລະປູກ, ຄອງເໝືອງສະໜອງນຳ້ຢ່າງພຽງພໍ ແລະ ມີການລົງທຶນກ່ຽວກັບຝຸ່ນ ແລະ ແນວພັນປູກຂອງລັດອີກ, ດັ່ງນັ້ນປີໃດການປູກຝັງກໍ່ຮັບຜົນດີ. ການເກັບກ່ຽວກໍ່ໄວກວ່າຍ້ອນມີເສັ້ນທາງເບຕົງລະຫວ່າງບ້ານ, ຕາແສງ ແລະ ພາຍໃນເຂດທົ່ງນາ ອັນໄດ້ສ້າງເງື່ອນໄຂໃຫ້ລົດໂອໂຕເຂົ້າຂົນສົ່ງເຂົ້າ, ສາລີຈາກເຂດທົ່ງນາກັບເມືອບ້ານຢ່າງສະດວກສະບາຍ.
“ນັບແຕ່ກໍ່ສ້າງຊົນນະບົດໃໝ່ສຳເລັດ, ຊີວິດການເປັນຢູ່ຂອງປະຊາຊົນໄດ້ມີການປ່ຽນແປງຫຼາຍຢ່າງ. ເມື່ອທຽບໃສ່ກ່ອນນີ້, ທາງໄປມາກໍ່ສະດວກສະບາຍ, ປະຊາຊົນມີຫໍວັດທະນະທຳເພື່ອປະຊຸມ. ເສດຖະກິດຄອບຄົວກໍ່ໄດ້ຮັບການຍົກສູງເທື່ອລະກ້າວ. ກ່ອນນີ້, ເມື່ອບໍ່ທັນກໍ່ສ້າງຊົນນະບົດໃໝ່, ທັງບ້ານມີ 30 ກວ່າຄອບຄົວທຸກຍາກ, ປະຈຸບັນຍັງເຫຼືອພຽງ 6 ຄອບຄົວເທົ່ານັ້ນ. ລາຍຮັບສະເລ່ຍໃສ່ຫົວຄົນແມ່ນກວ່າ 18 ລ້ານດົ່ງ/ຄົນ/ປີ“.
ຕາແສງ ດົງຮ່າ ມີ 4 ບ້ານ ແລະ 10 ຊົນເຜົ່າດຳລົງຊີວິດຢູ່ຮ່ວມກັນ. ຈາກຕາແສງທີ່ປະສົບກັບຄວາມຫຍຸ້ງຍາກ, ແຕ່ຜ່ານ 4 ປີແຫ່ງການຜັນຂະຫຍາຍໂຄງການກໍ່ສ້າງຊົນນະບົດໃໝ່, ດົງຮ່າ ໄດ້ມີການປ່ຽນແປງຢ່າງບໍ່ຢຸດຢັ້ງ, ຊີວິດທາງດ້ານວັດຖຸ, ວັດທະນະທຳຂອງປະຊາຊົນບັນດາເຜົ່າຢູ່ທີ່ນີ້ນັບມື້ນັບໄດ້ຮັບການພັດທະນາ. ທ່ານ ຫງວຽນຫື້ວງຽບ, ປະທານຄະນະກຳມະການຕາແສງ ດົງຮ່າ, ໃຫ້ຮູ້ວ່າ: ວັນທີ 4/7 ຜ່ານມາ, ຕາແສງໄດ້ຮັບການຮັບຮອງວ່າເປັນຕາແສງບັນລຸມາດຖານຊົນນະບົດໃໝ່.
“ນັບແຕ່ວາງແຜນກຳນົດກໍ່ສ້າງຊົນນະບົດໃໝ່, ຕາແສງໄດ້ສ້າງຕັ້ງຄະນະຊີ້ນຳຈາກຕາແສງລົງແຕ່ລະບ້ານ, ເຜີຍແຜ່ບັນດາເນື້ອໃນ, ລາຍການເພື່ອໃຫ້ປະຊາຊົນເຂົ້າໃຈ. ຈາກນັ້ນ, ໄດ້ຮັບການສະໜັບສະໜູນ ແລະ ການເຂົ້າຮ່ວມຢ່າງຕັ້ງໜ້າຂອງປະຊາຊົນ, ດັ່ງນັ້ນໃນວິວັດແຫ່ງການກໍ່ສ້າງຊົນນະບົດໃໝ່, ຕາແສງ ດົງຮ່າ ຈຶ່ງມີຄວາມສະດວກຫຼາຍຢ່າງ“.
ສຳນັກງານບ້ານໃຫຍ່ກວ່າໝູ່ໃນຕາແສງດົງຮ່າ
(ພາບ:baohagiang.vn)
ຜ່ານ 4 ປີແຫ່ງການຜັນຂະຫຍາຍການກໍ່ສ້າງຊົນນະບົດໃໝ່, ນອກຈາກແຫຼ່ງລົງທຶນກວ່າ 8 ຕຶ້ດົ່ງຈາກງົບປະມານ, ປະຊາຊົນຕາແສງດົງຮ່າ ຍັງບໍລິຈາກທີ່ດິນເກືອບ 9.500 ຕາແມັດ, ແຮງງານກວ່າ 9.000 ວັນ. ທາງຕາແສງກໍ່ໄດ້ລະດົມແຫຼ່ງທຶນສັງຄົມຈາກບັນດາຫົວໜ່ວຍ, ວິສາຫະກິດ ແລະ ສ່ວນບຸກຄົນໄດ້ກວ່າ 270 ລ້ານດົ່ງ ເພື່ອຮ່ວມແຮງຮ່ວມໃຈກໍ່ສ້າງຊົນນະບົດໃໝ່.
ໄດ້ຮັບຜົນງານຄືດັ່ງກ່າວ, ແມ່ນມີຄວາມມານະພະຍາຍາມຂອງພະນັກງານ ແລະ ປະຊາຊົນຕາແສງ ດົງຮ່າ, ພິເສດແມ່ນຕາແສງໄດ້ປະຕິບັດວຽກງານໂຄສະນາ, ຂົນຂວາຍ ເພື່ອໃຫ້ປະຊາຊົນເຂົ້າໃຈ ແລະ ມີຄວາມຮັບຮູ້ສູງກ່ຽວກັບການກໍ່ສ້າງຊົນນະບົດໃໝ່. ທ່ານ ຫງວຽນຫື້ວງຽບ, ແບ່ງປັນວ່າ, ພະນັກງານຕາແສງ ແລະ ບ້ານລ້ວນແຕ່ເຂົ້າໃຈແຜນນະໂຍບາຍ, ນະໂຍບາຍຂອງພັກ, ລັດໃນການກໍ່ສ້າງຊົນນະບົດໃໝ່ ແລະ ຜັນຂະຫຍາຍຢູ່ທຸກບ້ານຢ່າງຄົບຊຸດ. ເມື່ອເຂົ້າໃຈໄດ້ວ່າ, ຕົນເອງແມ່ນເປົ້າໝາຍໄດ້ຊົມໃຊ້ຜົນທີ່ໄດ້ຮັບຈາກໂຄງການກໍ່ສ້າງຊົນນະບົດໃໝ່, ປະຊາຊົນກໍ່ສະໝັກໃຈບໍລິຈາກທີ່ດິນ, ປະກອບວັດຖຸ, ແຮງງານໃຫ້ປະຊາຄົມເພື່ອກໍ່ສ້າງທາງຄົມມະນາຄົມ, ຫໍວັດທະນະທຳ.
“ຕ້ອງຢືນຢັນໄດ້ວ່າ, ຄວາມເຫັນດີເຫັນພ້ອມ ແລະ ການສະໜັບສະໜູນຂອງປະຊາຊົນ ກໍ່ຄືການເຂົ້າຮ່ວມຢ່າງຕັ້ງໜ້າຂອງພະນັກງານຕາແສງ, ບ້ານ… ໄດ້ຊ່ວຍໃຫ້ ດົງຮ່າ ປະຕິບັດສຳເລັດໂຄງການຈຸດໝາຍແຫ່ງຊາດ ກໍ່ສ້າງຊົນນະບົດໃໝ່. ພາຍຫຼັງພິທີຮັບຮອງເປັນຕາແສງບັນລຸມາດຖານກໍ່ສ້າງຊົນນະບົດໃໝ່, ພວກຂ້າພະເຈົ້າໄດ້ກໍ່ສ້າງລາຍການດຳເນີນງານເພື່ອຮັກສາ 19 ມາດຖານທີ່ໄດ້ຮັບການຮັບຮອງໄວ້ຢ່າງໝັ້ນຄົງ, ກໍ່ຄືພັດທະນາເສດຖະກິດສັງຄົມ, ເພີ່ມລາຍຮັບໃຫ້ປະຊາຊົນ. ຕາແສງສືບຕໍ່ຂົນຂວາຍປະຊາຊົນປະຕິບັດບັນດາຮູບແບບລ້ຽງສັດ, ຫັນປ່ຽນໂຄງປະກອບຜົນລະປູກ“.
ໃນຍຸດທະສາດພັດທະນາເສດຖະກິດສັງຄົມໄລຍະຈະມາເຖິງ, ຕາແສງ ດົງຮ່າ ມຸ່ງໄປສູ່ການພັດທະນາການທ່ອງທ່ຽວ. ພ້ອມກັບການພັດທະນາຊົນນະບົດ, ການລ້ຽງສັດ, ປູກຝັງຕົ້ນໄມ້ຜະລິດເປັນຢາ… ຫວັງ