(vovworld) - ໂຄງການຜະລິດກາເຟຮັບມືກັບການປ່ຽນແປງດິນຟ້າອາກາດຂອງສະຖາບັນ EDE ໄດ້ຮັບການຜັນຂະຫຍາຍຢູ່ແຂວງດັກລັກ ແລະ ບາງແຂວງໃນເຂດໄຕງວຽນ ເປັນເວລາ 2 ປີແລ້ວ. ຈຸດປະສົງຕົ້ນຕໍຂອງໂຄງການແມ່ນໜູນຊ່ວຍຊາວກະສີກອນ ໃນການຮັບມືກັບການປ່ຽນແປງຂອງດິນຟ້າອາ
ຜູ້ອຳນວຍການໂຄງການ EDEໂດແທ່ງຈູງໃນການຟຶກອົມຮົມ ໃຫ້ຊາວກະສີກອນ
ຢູ່ຕາແສງກວາງຕ໋ຽນ, ເມືອງກືມກາ, ແຂວງດັກລັກ
ກາດ ດ້ວຍເລື່ອງເພີ່ມທະວີການຖ່າຍທອດຄວາມກ້າວໜ້າດ້ານວິທະຍາສາດເຕັກນິກ, ຈາກນັ້ນຍົກສູງປະສິດທິຜົນການຜະລິດກາເຟຕາມທິດພັດທະນາແບບຍືນຍົງ. ຜ່ານວິວັດແຫ່ງການຜັນຂະຫຍາຍ, ໂຄງການປະກອບສ່ວນຢ່າງຕັ້ງໜ້າເຂົ້າໃນລາຍການກໍ່ສ້າງຊົນນະບົດໃໝ່ຢູ່ແຂວງດັກລັກ.
ເມືອງ ກືມກາ ແມ່ນໜຶ່ງໃນບັນດາເຂດປູກສະເພາະຕົ້ນໄມ້ອຸດສາຫະກຳ ແລະ ກາເຟທີ່ສຳຄັນຂອງທັງເຂດໄຕງວຽນ. ນີ້ກໍ່ແມ່ນແຫ່ງດຳລົງຊີວິດຂອງຊາວຊົນເຜົ່າຕ່າງໆຄື: ຊົນເຜົ່າເອເດ, ມນົງ... ທີ່ມີລະດັບການຜະລິດບໍ່ທັນສູງ. ກ່ອນນີ້ຫຼາຍປີ, ຊີວິດຂອງປະຊາຊົນປະສົບກັບຄວາມຫຍຸ້ງຍາກຫຼາຍ. ເມື່ອທ້ອງຖີ່ນນີ້ຜັນຂະຫຍາຍລາຍການຈຸດໝາຍແຫ່ງຊາດກໍ່ສ້າງຊົນນະບົດໃໝ່, ໂຄງການ EDE ໄດ້ໃຫ້ຄຳປຶກສາແກ່ປະຊາຊົນ ໃນການຖ່າຍທອດຄວາມກ້າວໜ້າດ້ານວິທະຍາ
ສາດເຕັກນິກເຂົ້າໃນການຜະລິດກາເຟ. ເປົ້າໝາຍຊົມໃຊ້ຜົນປະໂຫຍດຂອງໂຄງ
ການແມ່ນ 900 ກວ່າຄອບຄົວຊາວກະສີກອນໃນເຂດປູກກາເຟຂອງໂຄງການ, ເຊິ່ງລວມມີ 5 ຕາແສງຄື: ກວາງຕ໋ຽນ, ກືມກາ, ຈືເຊ, ແອອາກປາມ ແລະ ແອອາດິງ. ທ່ານ ໂດແທ່ງຈູງ, ຜູ້ອຳນວຍການໂຄງການ EDE, ໃຫ້ຮູ້ວ່າ: ຄາດໝາຍຂອງໂຄງການແມ່ນເໝາະສົມກັບນະໂຍບາຍຂອງພັກ, ລັດ ກ່ຽວກັບການກໍ່ສ້າງຊົນນະບົດໃໝ່, ດັ່ງນັ້ນໄດ້ປະກອບສ່ວນຍົກສູງປະສິດທິຜົນການເຄື່ອນໄຫວຜະລິດດຳເນີນທຸລະກິດຕາມທິດພັດທະນາແບບຍືນຍົງ, ເໝາະສົມກັບການປ່ຽນແປງຂອງດິນຟ້າອາກາດທີ່ນັບມື້ນັບກະທົບຢ່າງແຮງເຖິງເຂດນີ້.
“ການປ່ຽນແປງຂອງດິນຟ້າອາກາດ ໄດ້ກາຍເປັນຫົວເລື່ອງທີ່ເຄັ່ງຮ້ອນ, ມັນໄດ້ກະທົບເຖິງແຕ່ລະຄອບຄົວ, ເຖິງບັນດາຄອບຄົວຜະລິດຢູ່ໄຕງວຽນ. ດັກລັກແມ່ນທ້ອງຖີ່ນປູກກາເຟເປັນຕົ້ນຕໍຂອງທົ່ວປະເທດ, ແຕ່ໃນຊຸມປີມໍ່ໆມານີ້ໄດ້ປະສົບກັບຄວາມຫຍຸ້ງຍາກຢ່າງລຽນຕິດ. ປີກາຍນີ້, ດັກລັກປະສົບກັບໄພແຫ້ງແລ້ງຢ່າງແຮງ, ໃນຂອບເຂດໂຄງການ, ພວກຂ້າພະເຈົ້າແກ້ໄຂບາງບັນຫາ, ໂດຍສະເພາະແມ່ນສະພາບນຳໃຊ້ຊັບພະຍາກອນນ້ຳ, ຝຸ່ນ, ຢາຂ້າສັດຕູພືດທີ່ບໍ່ທັນເໝາະສົມ,ເຊິ່ງສາມາດກະທົບເຖິງສິ່ງແວດລ້ອມ“.
ກ່ອນອື່ນໝົດ, ໂຄງການ EDE ໜູນຊ່ວຍຊາວກະສີກອນໃນການກໍ່ສ້າງຮູບ
ແບບສະຫະກອນຕາມມາດຖານກໍ່ສ້າງຊົນນະບົດໃໝ່. ດ້ວຍການໜູນຊ່ວຍນີ້, ຄະນະຄຸ້ມຄອງສະຫະກອນໄດ້ຮັບການຍົກສູງ ຄວາມສາມາດດ້ານຄຸ້ມຄອງ, ການເງິນ ແລະ ການເຄື່ອນໄຫວລວມໝູ່, ນຳມາເຊິ່ງຜົນປະໂຫຍດຢ່າງແທ້ຈິງໃຫ້ບັນດາສະມາຊິກສະຫະກອນ. ໂຄງການກໍ່ໜູນຊ່ວຍຊາວກະສີກອນເຕົ້າໂຮມໃນສະຫະກອນ, ພ້ອມກັນເຮັດສວນກ້າເບ້ຍ, ຈັດຕັ້ງການຊື້-ຂາຍ ຢາປ້ອງກັນພືດ, ຝຸ່ນ, ກາເຟ. ຍ້ອນເຫດນັ້ນປະກອບສ່ວນຫຼຸດຜ່ອນຄ່າສົ້ນເຂົ້າ, ຍົກສູງປະສິດທິຜົນການຜະລິດກາເຟ, ປັບປຸງຊີວິດການເປັນຢູ່ໃຫ້ດີຂຶ້ນ. ທ່ານ ໂດແທ່ງຈູງ, ໃຫ້ຮູ້ຕື່ມອີກວ່າ:
“ມາຮອດປະຈຸບັນ, ໃນ 5 ຕາແສງທີ່ຜັນຂະຫຍາຍການເຄື່ອນໄຫວຕ່າງໆຂອງໂຄງການໄດ້ຮັບຜົນງານຢ່າງຕັ້ງໜ້າ. ສະເພາະຕາແສງກວາງຕ໋ຽນ, ເຊິ່ງແມ່ນຕາແສງທຳອິດທີ່ຜັນຂະຫຍາຍໂຄງການໄດ້ສ້າງໃຫ້ມີສະຫະກອນໂດຍປະຊາຊົນເປັນເຈົ້າ ແລະ ປະຊາຊົນຄຸ້ມຄອງເອງ. ນອກນັ້ນໂຄງການຍັງປະສົບຜົນສຳເລັດໃນການແນະນຳຊາວກະສີກອນລົງທຶນຄືແນວໃດໃຫ້ເໝາະສົມ, ປະຢັດແຕ່ຍັງນຳມາເຊິ່ງປະສິດທິຜົນສູງສຸດ“.
ໂຄງການ EDE ກໍ່ໄດ້ເອົາໃຈໃສ່ເປັນພິເສດເຖິງການກະທົບຂອງສັງຄົມໃນການພັດທະນາຊົນນະບົດຢ່າງໝັ້ນຄົງ. ພິເສດ, ເມື່ອເປົ້າໝາຍຂອງໂຄງການແມ່ນຊາວເຜົ່າ ມນົງ, ເອເດ... ເຂົ້າຮ່ວມຊຸດຝຶກອົບຮົມເຂົາເຈົ້າຈະມີໂອກາດສຳຜັດກັບວິທະຍາສາດເຕັກນິກ, ທຳຄວາມຊິນເຄີຍກັບວິທີການຄຸ້ມຄອງໃນການກໍ່ສ້າງຊົນນະບົດໃໝ່. ເອື້ອຍ ເຮມາຍເນຍ, ຊົນເຜົ່າເອເດ ຢູ່ຕາແສງກວາງຕ໋ຽນ, ຜູ້ທີ່ໄດ້ເຂົ້າຮ່ວມຊຸດຝຶກອົບຮົມ, ແບ່ງປັນວ່າ:
“ປະຊາຊົນມັກບັນດາລາຍການຄືແນວນີ້ທີ່ສຸດ. ພິເສດຜູ້ອາຍຸສູງກໍ່ມີຄວາມເອົາໃຈໃສ່ເຖິງລາຍການ. ນ້ອງເຂົ້າຮ່ວມຊຸດຝຶກອົບຮົມເພື່ອແນໃສ່ຊ່ວຍເຫຼືອພໍ່ແມ່ປະຊາຊົນ, ມີບັນຫາໃດເຂົາເຈົ້າບໍ່ທັນເຂົ້າໃຈ, ບໍ່ທັນຮູ້ນ້ອງກໍ່ແນະນຳຢ່າງລະອຽດເພື່ອໃຫ້ເຂົາເຈົ້ານຳໃຊ້ວິທະຍາສາດເຕັກນິກເຂົ້າໃນການຜະລິດ. “
ໂຄງການ EDE ກໍ່ໄດ້ແນະນຳປະຊາຊົນຜັນຂະຫຍາຍບັນດາມາດຕະການປະຢັດນຳ້, ປູກຕົ້ນກາເຟສະຫຼັບກັບຕົ້ນໄມ້ກິນໝາກ, ຈາກນັ້ນຍົກສູງປະສິດທິຜົນເສດຖະກິດໃນເນື້ອທີ່ດຽວກັນ. ພາຍຫຼັງ 2 ປີແຫ່ງການຜັນຂະຫຍາຍໂຄງການ, ມາຮອດປະຈຸບັນມີບາງຕາແສງຂອງເມືອງ ກືມກາ, ໄດ້ມີ 5 ຕາແສງບັນລຸໄດ້ແຕ່ 9-15 ມາດຖານກໍ່ສ້າງຊົນນະບົດໃໝ່. ບັນດາການເຄື່ອນໄຫວໃນຂອບເຂດໂຄງການ EDE ກໍ່ໄດ້ຕັ້ງໜ້າຖ່າຍທອດຄວາມກ້າວໜ້າດ້ານວິທະຍາສາດເຕັກນິກ, ປະກອບສ່ວນເຂົ້າໃນລາຍການກໍ່ສ້າງຊົນນະບົດໃໝ່ຢູ່ແຂວງດັກລັກ.