(vovworld) - ປີ 2016 ເຊິ່ງແມ່ນປີທີ່ລັດຖະບານຄັດເລືອກເປັນປີເລີ່ມທຸລະກິດແຫ່ງຊາດດ້ວຍແຜນຮ່າງ “ໜູນຊ່ວຍລະບົບຊີວະພາບເລີ່ມທຸລະກິດຢ່າງມີຫົວຄິດປະດິດສ້າງແຫ່ງຊາດເຖິງປີ 2025” ເຊິ່ງຄາດໝາຍແມ່ນສ້າງກະແສການລົງທຶນທີ່ 2. ຫວນຄືນປີຜ່ານມາ, ແຜນຮ່າງດັ່ງກ່າວບັນລຸໄດ້ຜົນງານເບື້ອງຕົ້ນ. ບັນດາວິສາຫະກິດເລີ່ມທຸລະກິດ, ປ່ຽນໃໝ່ຢ່າງມີຫົວຄິດປະດິດສ້າງ, ກອງທຶນເລີ່ມທຸລະກິດ, ອົງການ, ຊຸກຍູ້ການດຳເນີນທຸລະກິດ… ໄດ້ເພີ່ມຂຶ້ນນັບທັງທາງດ້ານຈຳນວນ ແລະ ຄຸນນະພາບ. ນັກຂ່າວ ເວີນແອງ ມີບົດຂຽນທີ່ພາດຫົວຂໍ້ວ່າ “ປຸກລຸກຈິດໃຈຫວຽດນາມ ເລີ່ມທຸລະກິດປ່ຽນໃໝ່ຢ່າງມີຫົວຄິດປະດິດສ້າງ”.
ປີ 2016 ເຊິ່ງແມ່ນປີເລີ່ມທຸລະກິດວິສາຫະກິດຂອງປະຊາຊົນທຸກຊັ້ນຄົນ, ພິເສດແມ່ນລຸ້ນໜຸ່ມ. ບັນດາວິສາຫະກິດເລີ່ມທຸລະກິດ, ປ່ຽນໃໝ່ຢ່າງມີຫົວຄິດປະດິດສ້າງບັນລຸໄດ້ຜົນສຳເລັດຄື Lozi - ແວັບໄຊສັງຄົມກ່ຽວກັບອາຫານການກິນ, ຊື້ຂາຍເຄື່ອງແຟຊັນ ແລະ ເຄື່ອງເອເລກໂຕນິກ, Beeketing ດ້ວຍມາດຕະການຕະຫຼາດ online, ລະບົບຈ່ອງຫ້ອງພັກຜ່ອນຜ່ານເຄືອຂ່າຍອີນເຕີແນັດ Vntrip.vn… ແວັບໄຊ Lozi ມີຜູ້ໃຊ້ປະມານ 400.000 ຄົນ ແລະ ມີລາຍຮັບກວ່າ 1 ຕື້ດົ່ງ/ເດືອນ ແລະ ໃນເດືອນ 11/2016, ໄດ້ຮັບບ້ວງເງິນລົງທຶນ 1 ລ້ານ USD ຈາກສ.ເກົາຫຼີ. Beeketing ໄດ້ຮັບທຶນ 150.000 USD ເງິນຈາກກອງທຶນ 500 startups ຢູ່ຮ່ອມພູ Silicon, ອາເມລິກາ ແລະ ໄດ້ຮັບການກຳນົດລາຄາແມ່ນ 2,5 ລ້ານ USD. ເມື່ອແບ່ງປັນບົດຮຽນກ່ຽວກັບຜົນສຳເລັດ, ອ້າຍ ຫງວຽນຮົ່ງທ໋າຍ, ຜູ້ອຳນວຍການເຕັກໂນໂລຊີລະບົບຈ່ອງຫ້ອງພັກຜ່ອນຜ່ານເຄືອຂ່າຍອີນເຕີແນັດ Vntrip.vn ໃຫ້ຮູ້ວ່າ.
“ສິ່ງສຳຄັນເຊິ່ງບັນດານັກລົງທຶນເອົາໃຈໃສ່ນັ້ນແມ່ນການກຳນົດທິດຂອງບໍລິສັດ. ບວກກັບຖັນແຖວພວມເຄື່ອນໄຫວ, ເຮັດວຽກພ້ອມກັບບໍລິສັດແມ່ນຄືແນວໃດ. ຕົວຢ່າງຄື: Vntrip.vn ມີຄວາມເອົາໃຈໃສ່ເຖິງຈຳນວນລູກຄ້າກັບຄືນມາ Vntrip ກວ່າເລື່ອງລະບົບມີຈຳນວນລູກຄ້າມາໃໝ່ແມ່ນເທົ່າໃດ”.
ໄລ່ຮອດຈຸດເວລານີ້, ໃນທົ່ວປະເທດມີວິສາຫະກິດເລີ່ມທຸລະກິດປະມານ 1800 ແຫ່ງ, ມີ 21 ຮາກຖານເຮັດກ້າເບ້ຍ ແລະ 7 ອົງການຊຸກຍູ້ການດຳເນີນທຸລະກິດ. ບັນດາຮູບແບບນີ້ນັບມື້ນັບສະແດງໃຫ້ເຫັນບົດບາດສຳຄັນໃນການບຳລຸງລ້ຽງການສ້າງຕັ້ງ ແລະ ພັດທະນາໃຫ້ວິສາຫະກິດເລີ່ມທຸລະກິດຢູ່ຫວຽດນາມ. ຢືນອັນດັບທີ 3 ໃນບັນຊີລາຍຊື່ບັນດາປະເທດດີທີ່ສຸດໃນໂລກທີ່ຄວນລົງທຶນ, ຫວຽດນາມ ພວມດຶງດູດບັນດາກອງທຶນສ່ຽງໄພໃນທົ່ວໂລກ. ເດືອນ 02 Triipme ດຶງດູດເງິນລົງທຶນໄດ້ 10 ຕື້ດົ່ງ; MoMo ໂດຍບໍລິສັດຫຸ້ນສ່ວນ M_Service ກຳມະສິດ ໄດ້ຮັບບ້ວງເງິນລົງທຶນຂຶ້ນເຖິງ 600 ກວ່າຕື້ດົ່ງ ແລະ ເດືອນ 05 Gotlt ໄດ້ຮັບບ້ວງເງິນ 200 ຕື້ດົ່ງ ແລະ ຖືກຈັດເຂົ້າ Top 2 ໃນການໝູນໃຊ້ Apple Store… ເຖິງຢ່າງໃດກໍ່ຕາມ, ນີ້ພຽງແຕ່ແມ່ນໝາກຜົນໃນເບື້ອງຕົ້ນເທົ່ານັ້ນ. ປະຈຸບັນ, ບັນດາພາກສ່ວນຂອງລະບົບຊີວະພາບເລີ່ມທຸລະກິດຢູ່ຫວຽດນາມ ໄດ້ມີຢ່າງຄົບຖ້ວນແລ້ວ, ແຕ່ການເຄື່ອນໄຫວຍັງກະແຈກກະຈາຍໃນຂອບຂະໜາດນ້ອຍຢູ່, ສະນັ້ນຍັງບໍ່ທັນຕອບສະໜອງໄດ້ຄວາມຕ້ອງການຂອງປະຊາຄົມເລີ່ມທຸລະກິດ. ບັນດາວິສາຫະກິດເລີ່ມທຸລະກິດຍັງປະສົບກັບຄວາມຫຍຸ້ງຍາກຫຼາຍຢ່າງ, ໂດຍສະເພາະແມ່ນການປັບປຸງກ່ຽວກັບລະບຽບການສະໜອງໜັງສືອະນຸຍາດດຳເນີນທຸລະກິດ.
ແລະກໍ່ໃນປີ 2016, ທ່ານນາຍົກລັດຖະມົນຕີ ໄດ້ອະນຸມັດຜ່ານແຜນຮ່າງ “ໜູນຊ່ວຍລະບົບຊີວະພາບເລີ່ມທຸລະກິດຢ່າງມີຫົວຄິດປະດິດສ້າງແຫ່ງຊາດຮອດປີ 2025”, ສຸມໃສ່ໜູນຊ່ວຍບັນດາວິສາຫະກິດເລີ່ມທຸລະກິດຄື: ສ້າງປະຕູຖານຂໍ້ມູນລະບົບຊີວະພາບເລີ່ມທຸລະກິດປ່ຽນໃໝ່ຢ່າງມີຫົວຄິດປະດິດສ້າງແຫ່ງຊາດ; ເຂດເຕົ້າໂຮມການບໍລິການໜູນຊ່ວຍການເລີ່ມທຸລະກິດຢູ່ບັນດາກະຊວງ, ຂະແໜງການ, ທ້ອງຖິ່ນຕ່າງໆ; ເຊື່ອມຕໍ່ເຄືອຂ່າຍເລີ່ມທຸລະກິດ, ໜູນຊ່ວຍ, ລົງທຶນສ່ຽງໄພຂອງຫວຽດນາມ ກັບສາກົນ. ລັດຖະບານກໍ່ປະກາດໃຊ້, ປັບປຸງ, ເພີ່ມເຕີ່ມບັນດາເອກະສານດ້ານກົດໝາຍ ເພື່ອຊຸກຍູ້ສະພາບແວດລ້ອມແຫ່ງການເລີ່ມທຸລະກິດ, ປ່ຽນໃໝ່ຢ່າງມີຫົວຄິດປະດິດສ້າງ… ຜ່ານນັ້ນ, ໃນເບື້ອງຕົ້ນໄດ້ສ້າງຕັ້ງ ແລະ ພັດທະນານັບທັງດ້ານຮູບການ ແລະ ເນື້ອໃນການເຄື່ອນໄຫວຂອງຕະຫຼາດວິທະຍາສາດ ແລະ ເຕັກໂນໂລຊີພາຍໃນປະເທດ ຜ່ານບັນດາການເຄື່ອນໄຫວຄື: ຕະຫຼາດເຕັກໂນໂລຊີ, ເຄື່ອງອຸປະກອນ, ເຊື່ອມຕໍ່ການສະໜອງ - ຄວາມຕ້ອງການດ້ານເຕັກໂນໂລຊີ ແລະ ວັນບຸນເລີ່ມທຸລະກິດເຕັກໂນໂລຊີ. ທ່ານ ເຈີ່ນວັນຕຸ່ງ, ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ໃຫ້ຮູ້ວ່າ.
“ພວກເຮົາຕ້ອງຮັບປະກັນສະພາບແວດລ້ອມດ້ານກົດໝາຍ, ໃຫ້ມີຄວາມເປີດເຜີຍ ກະຈ່າງແຈ້ງ ໃນວິວັດການສະໜອງຂໍ້ມູນຂ່າວສານຈາກບັນດາລະບຽບການສ້າງຕັ້ງ, ບັນດາການເຄື່ອນໄຫວທີ່ກ່ຽວຂ້ອງເຖິງການເລີ່ມທຸລະກິດໃຫ້ບັນດານັກລົງທຶນ, ນັກເລີ່ມທຸລະກິດຮູ້ຈັກເຖິງ ເພື່ອແຊກຊຶມເຂົ້າສາງຂໍ້ມູນຢ່າງງ່າຍດາຍ. ນອກນັ້ນ, ບັນດາເອກະສານນະໂຍບາຍທີ່ກ່ຽວຂ້ອງເຖິງການລົງທຶນຢູ່ຫວຽດນາມ ກໍຕ້ອງໄດ້ຮັບການກຳນົດຢ່າງຈະແຈ້ງ ເພື່ອໃຫ້ບັນດານັກລົງທຶນມີຄວາມອຸ່ນອ່ຽນໃຈເມື່ອລົງທຶນເຂົ້າຫວຽດນາມ”.
ດ້ວຍຈິດໃຈໜູນຊ່ວຍການເລີ່ມທຸລະກິດ ແລະ ການຊີ້ນຳຂອງລັດຖະບານ, ກະຊວງແຜນການ ແລະ ການລົງທຶນ ເມື່ອສ້າງກົດໝາຍວ່າດ້ວຍການໜູນຊ່ວຍວິສາຫະກິດຂະໜາດນ້ອຍ ແລະ ກາງ ໄດ້ມີພາກໜຶ່ງທີ່ສະຫງວນໃຫ້ວິສາຫະກິດເລີ່ມທຸລະກິດ, ໃນນັ້ນການເຄື່ອນໄຫວເລີ່ມທຸລະກິດນຳເຂົ້າໃນກົດໝາຍ ແລະ ສ້າງເປັນຂໍ້ກຳນົດຢ່າງລະອຽດ. ຄຽງຂ້າງນັ້ນ, ກົດໝາຍດັ່ງກ່າວ ກໍມີບັນດາຂໍ້ມາດຕານະໂຍບາຍສະເພາະໃຫ້ແຕ່ລະຮູບການເລີ່ມທຸລະກິດ. ສິ່ງດັ່ງກ່າວຈະສືບຕໍ່ປຸກລຸກຈິດໃຈເລີ່ມທຸລະກິດ, ປ່ຽນໃໝ່ຢ່າງມີຫົວຄິດປະດິດສ້າງໃຫ້ປະຊາຄົມວິສາຫະກິດຫວຽດນາມ.