ມາດຕະການຈຳເປັນໃຫ້ແກ່ການພົວພັນລະຫວ່າງຫວຽດນາມ-ຝລັ່ງ
Van - Huyen -
(vovworld) - ນອກຈາກການເຄື່ອນໄຫວຕ່າງໆໃນການຢ້ຽມຢາມຫວຽດນາມ ຢ່າງເປັນທາງການເຊິ່ງໄດ້ດຳເນີນໃນລະຫວ່າງວັນທີ 06 - 07/09 ຜ່ານມາ, ທ່ານປະທານາທິບໍດີຝລັ່ງ Francois Hollande ໄດ້ມີການພົບປະກັບປະຊາຄົມວິສາຫະກິດດຳເນີນອາຊີບຝລັ່ງ (French Tech Viet) ຢູ່ຫວຽດນາມ. ເຫດການນີ້ໄດ້ເປີດມາດຕະການແກ້ໄຂທີ່ຈຳເປັນໃຫ້ການຮ່ວມມືດ້ານເສດຖະກິດຫວຽດນາມ - ຝລັ່ງ, ຍົກສູງປະສິດທິຜົນການເຄື່ອນໄຫວຂອງບັນດາວິສາຫະກິດຝລັ່ງ ຢູ່ຫວຽດນາມ ທີ່ຂະຫຍັນຂັນເຄື່ອນ ແລະ ມີຫົວຄິດປະດິດສ້າງກວ່າ.
(ທ່ານປະທານປະເທດ ເຈີນດ້າຍກວາງ ແລະ
ທ່ານປະທານາທິບໍດີຝລັ່ງ Francois Hollande)
ບັນດາວິສາຫະກິດຂະໜາດກາງ ແລະ ນ້ອຍ ແລະ ບັນດາວິສາຫະກິດເລີ່ມດຳເນີນອາຊີບ ພວມແມ່ນທ່າອ່ຽງລວມ, ແມ່ນກຳລັງໜູນອັນໃຫຍ່ຫຼວງຂອງເສດຖະກິດທົ່ວໂລກ. ການດຳເນີນອາຊີບຍັງເອີ້ນວ່າ Start - up ອາດເຂົ້າໃຈໄດ້ວ່າ ນັ້ນແມ່ນຮູບແບບດຳເນີນທຸລະກິດຂະໜາດນ້ອຍ, ກະແຈກກະຈາຍ, ສະໜອງດ້ວຍຕົນເອງ ແລະ ພັດທະນາຜະລິດຕະພັນ ຫຼື ບໍລິການໃດໜຶ່ງ ຫຼື ຊື້, ຂາຍຄືນຜະລິດຕະພັນ ຫຼື ຮ້ານຂາຍສິນຄ້າທີ່ພວມເຄື່ອນໄຫວ ຫຼື ການເຄື່ອນໄຫວທີ່ສ້າງກຳໄລໃດໜຶ່ງ, ສ້າງມູນຄ່າທີ່ມີຜົນປະໂຫຍດໃຫ້ສັງຄົມ. ດ້ວຍການສ້າງຕັ້ງວິສາຫະກິດດຳເນີນອາຊີບ ປະກອບສ່ວນເຂົ້າໃນການສ້າງການເຕີບໂຕດ້ານເສດຖະກິດ.
ການຮ່ວມມືດ້ານເສດຖະກິດ, ການຄ້າ, ການລົງທຶນຫວຽດນາມ ແລະ ຝລັ່ງ, ເຖິງວ່າພວມພັດທະນາຢ່າງຕັ້ງໜ້າ, ແຕ່ຕາມການຕີລາຄາແລ້ວຍັງບໍ່ທັນມີປະສິດທິຜົນຢ່າງແທ້ຈິງ, ຍັງບໍ່ທັນເໝາະສົມກັບການພົວພັນອັນດີງາມກ່ຽວກັບທາງດ້ານການເມືອງລະຫວ່າງ 2 ປະເທດ. ສາຍເຫດສ່ວນໜຶ່ງແມ່ນໍຍ້ອນທັງ 2 ຝ່າຍ ຍັງບໍ່ທັນເອົາໃຈໃສ່ເຖິງບັນດາວິສາຫະກິດຂະໜາດກາງ ແລະ ນ້ອຍ ໃນການຮ່ວມມືດ້ານເສດຖະກິດ 2 ຝ່າຍ. ນັກຊ່ຽວຊານກ່ຽວກັບການພົວພັນຫວຽດນາມ - ຝລັ່ງ Pierre Journoud ຖືວ່າ, ປະຈຸບັນ ປະເທດຝລັ່ງ ບໍ່ພຽງແຕ່ເອົາໃຈໃສ່ເປັນພິເສດເຖິງບັນດາບໍລິສັດໃຫຍ່ຄື Airbus ຫຼື Areva, ຍ້ອນຕະຫຼາດມີຫຼາຍຮູບຫຼາຍແບບ. ນອກນັ້ນ, ໃນປະຈຸບັນຕະຫຼາດຫວຽດນາມ ພວມເຫັນປະຈັກຕາການແກ່ງແຍ້ງຢ່າງໃຫຍ່ຫຼວງ, ຮຽກຮ້ອງຕ້ອງມີການປ່ຽນແປງຈິນຕະນາການໃນການຊອກຫາຄວາມສາມາດຮ່ວມມືດ້ານເສດຖະກິດລົງທຶນໃໝ່ຈາກບັນດາວິສາຫະກິດຝລັ່ງ.
“ຝ່າຍຝລັ່ງ ໄດ້ເອົາໃຈໃສ່ເປັນພິເສດເຖິງບັນດາບໍລິສັດ, ກຸ່ມບໍລິສັດໃຫຍ່ ແລະ ບັນດາສັນຍາການຄ້າມີຂອບຂະໜາດໃຫຍ່. ກ່ຽວກັບດ້ານຍຸດທະສາດການທູດ ແມ່ນມີຄວາມໝາຍສຳຄັນທີ່ສຸດສຳລັບປະເທດຝລັ່ງ ຍ້ອນນັ້ນແມ່ນບັນດາບໍລິສັດໃຫຍ່, ພົ້ນເດັ່ນທີ່ສຸດຢູ່ຕ່າງປະເທດ ແລະ ຮັກສາບົດບາດສຳຄັນໃນບັນດາໂຄງການລົງທຶນ, ຮ່ວມມືຢູ່ຕ່າງປະເທດຂອງຝລັ່ງ, ໂດຍສະເພາະແມ່ນຢູ່ເຂດອາຊີຕາເວັນອອກສ່ຽງໃຕ້ ຫຼື ຢູ່ຫວຽດນາມ. ແຕ່ປະເທດຝລັ່ງ ຍັງມີພື້ນຖານເສດຖະກິດອື່ນມີຫຼາຍຮູບຫຼາຍແບບທີ່ສຸດ ແລະ ເຕັມໄປດ້ວຍການປະດິດຄິດສ້າງ, ນັ້ນແມ່ນບັນດາບໍລິສັດຂະໜາດກາງ ແລະ ນ້ອຍ, ຊ້ຳບໍ່ໜຳແມ່ນນ້ອຍທີ່ສຸດ ແຕ່ໜຸ່ມແໜ້ນ, ຂະຫຍັນຂັນເຄື່ອນ ແລະ ມີຫົວຄິດປະດິດສ້າງ, ແມ່ນບັນດາບໍລິສັດ start - up”.
(ທະນາຍຄວາມ Gerard Ngo,
ຜູ້ຄົ້ນຄວ້າກ່ຽວກັບການພົວພັນຫວຽດນາມ - ຝລັ່ງ)
ປະຈຸບັນ, ຢູ່ຝລັ່ງ, ມີກອງທຶນລົງທຶນວິສາຫະກິດດຳເນີນອາຊີບເຄື່ອນໄຫວເກືອບ 270 – 400 ແຫ່ງ ແລະ ມີລະດັບລົງທຶນສູງທີ່ສຸດ, ດ້ວຍມູນຄ່າປະມານ 3,5 ລ້ານເອີໂລ ເຂົ້າໃນ start – up. ປີ 2015, ຈຳນວນເງິນລົງທຶນເຂົ້າບັນດາ start – up ຢູ່ຝລັ່ງ ໄດ້ເພີ່ມຂຶ້ນຢ່າງແຮງ, ດ້ວຍລະດັບ 40% ເມື່ອທຽບໃສ່ປີ 2014, ບັນລຸ 2,6 ຕື້ເອີໂລ, ໃນນັ້ນການລົງທຶນເຂົ້າບັນດາ start – up ເຕັກນິກດີຈີຕອນ ບັນລຸ 1,8 ຕື້ເອີໂລ. ພົ້ນເດັ່ນມີວິສາຫະກິດດຳເນີນອາຊີບ Sigfox ໄດ້ຮັບຈຳນວນເງິນເຖິງ 100 ລ້ານເອີໂລ, ເຊິ່ງແມ່ນບ້ວງເງິນລົງທຶນໃຫຍ່ທີ່ສຸດເຂົ້າ start – up ໜຶ່ງ. ເຖິງຢ່າງໃດກໍ່ຕາມ, ຈຳນວນວິສາຫະກິດດຳເນີນອາຊີບບັນລຸຜົນສຳເລັດຢູ່ຝລັ່ງ ແມ່ນ 10%, ດ້ວຍເຫດນັ້ນ, ຝລັ່ງ ຈຶງກຳນົດເພດານໄດ້ສ້າງການລົງທຶນພື້ນຖານ ແລະ ຈຳກັດບ້ວງເງິນລົງທຶນສ່ວນບຸກຄົນເຂົ້າໃນບັນດາ start – up ເພື່ອຫຼີິກລ້ຽງຄວາມສ່ຽງດ້ານການເງິນ.
French Tech Viet ຫຼື ເອີ້ນວ່າ ປະຊາຄົມບັນດາວິສາຫະກິດດຳເນີນອາຊີບຂອງຝລັ່ງ ຢູ່ຫວຽດນາມ, ປະຈຸບັນມີສະມາຊິກເຂົ້າຮ່ວມກວ່າ 800 ແຫ່ງ, ໃນນັ້ນມີກວ່າ 120 ບໍລິສັດ ແລະ ບາງເຈົ້າຂອງວິສາຫະກິດຂະໜາດນ້ອຍ, ເຄື່ອນໄຫວໃນຂົງເຂດເຕັກໂນໂລຊີໃໝ່ຄື: ມາດຕະການດ້ານກອມພິວເຕີ, ໂທລະຄົມ, ລັດຖະບານເອເລັກໂຕນິກ, ຄວາມປອດໄພດ້ານເຄືອຂ່າຍອີນເຕີແນັດ… ຢູ່ຫວຽດນາມ, ທ່າອ່ຽງ start – up ກໍ່ພວມພັດທະນາຢ່າງແຮງ ແລະ ນີ້ແມ່ນເງື່ອນໄຂທີ່ດີເພື່ອໃຫ້ຫວຽດນາມ ແລະ ຝລັ່ງ ຊຸກຍູ້ການຮ່ວມມືດ້ານເສດຖະກິດ. ຄວາມເອົາໃຈໃສ່ຂອງປະທານາທິບໍດີຝລັ່ງ ຜ່ານການຢ້ຽມຢາມປະຊາຄົມບັນດາວິສາຫະກິດດຳເນີນອາຊີບຂອງຝລັ່ງ, ໃນຂອບເຂດການຢ້ຽມຢາມຫວຽດນາມ ຜ່ານມາໄດ້ນຳມາເຊິ່ງຄວາມໝັ້ນໝາຍຫຼາຍຢ່າງ. ທະນາຍຄວາມ Gerard Ngo, ຜູ້ຄົ້ນຄວ້າກ່ຽວກັບການພົວພັນຫວຽດນາມ - ຝລັ່ງ ໃນຫຼາຍປີຜ່ານມາ, ຖືວ່າ.
“ການມາຢ້ຽມຢາມຫວຽດນາມ ຂອງປະທານາທິບໍດີ Francois Hollande ຈະສ້າງກຳລັງໜູນໃໝ່ໃຫ້ການຮ່ວມມືດ້ານເສດຖະກິດລະຫວ່າງ 2 ປະເທດ, ໃນຂົງເຂດຂອງບັນດາວິສາຫະກິດຂະໜາດກາງ ແລະ ນ້ອຍ ແລະ ບັນດາບໍລິສັດດຳເນີນອາຊີບ ຍ້ອນຫວຽດນາມ ແມ່ນປະເທດທີ່ມີພົນລະເມືອງໜຸ່ມແໜ້ນ, ກ້າຫານ ແລະ ມີຫົວຄິດປະດິດສ້າງ, ສະນັ້ນຝລັ່ງ ແລະ ຫວຽດນາມ ມີຜົນປະໂຫຍດຢ່າງພຽງພໍເພື່ອຮ່ວມມືໃນຂົງເຂດໃໝ່ຢ່າງແຮງກວ່າ. ນັ້ນແມ່ນສິ່ງເພີ່ມເຕີ່ມທີ່ຈຳເປັນໃຫ້ບັນດາສັນຍາໃຫຍ່ ຫຼື ການຮ່ວມມືໃຫຍ່ລະຫວ່າງບັນດາບໍລິສັດຂອງ 2 ປະເທດ.”
(ທ່ານປະທານສະມາຄົມນັກທຸລະກິດຫວຽດນາມ
ປະຈຳຝລັ່ງ ຫງວຽນຫາຍນາມ)
ປະຈຸບັນ, ຍັງມີຫຼາຍຂົງເຂດຮ່ວມມືລະຫວ່າງຫວຽດນາມ - ຝລັ່ງ ບໍ່ທັນໄດ້ຮັບການຂຸດຄົ້ນ ແລະ ບັນດາວິສາຫະກິດຂະໜາດກາງ ແລະ ນ້ອຍກ9ມີກາລະໂອກາດຫຼາຍຢ່າງ ຖ້າເປັນເຈົ້າການສຳພັດກັບຕະຫຼາດ. ສ່ວນບັນດາວິສາຫະກິດຫວຽດນາມ, ທ່ານປະທານສະມາຄົມນັກທຸລະກິດຫວຽດນາມ ປະຈຳຝລັ່ງ ຫງວຽນຫາຍນາມ, ໄດ້ຍົກອອກຄຳຕັກເຕືອນວ່າ.
“ທີ່ໜຶ່ງແມ່ນຕ້ອງມີເວລາຊອກຮູ້ຄູ່ຮ່ວມມືທີ່ມີຄວາມສາມາດບົ່ມຊ້ອນຂອງຝລັ່ງ, ຊອກຮູ້ຕະຫຼາດຜ່ານບັນດາອົງການຕາງໜ້າດ້ານການຄ້າຢູ່ປະເທດປະຈຳຖິ່ນ, ຜ່ານບັນດາສະມາຄົມ, ຫຼັງຈາກນັ້ນຈຶ່ງແມ່ນບັນຫາຜະລິດຕະພັນ. ກ່ອນອື່ນໝົດຕ້ອງແມ່ນການສຳພັດ, ຕ້ອງໄປຝລັ່ງ ແລະ ເອີລົບ, ໄປຢ້ຽມຢາມບັນດາເຂດນ້ອຍໆ ເພື່ອສາມາດຮູ້ຈັກວິທີສຳພັດ, ວີທີລາຍງານ, ການຫຸ້ມຫໍ່, ໃຫ້ຖືກຕາມການກຳນົດມາດຕະຖານຂອງຕົນ. ແລະນັບທັງວິສາຫະກິດຝລັ່ງ, ພວກຂ້າພະເຈົ້າກໍ່ເວົ້າໄດ້ວ່າ ຕ້ອງຊອກຫາຢູ່ກັບທີ. ແລະສຳລັບບັນດາວິສາຫະກິດ, ນັບທັງວິສາຫະກິດໃຫຍ່ຂອງຫວຽດນາມ, ການສຳພັດກັບຕະຫຼາດຝລັ່ງ, ມີຜະລິດຕະພັນແລ້ວ, ແມ່ນຕ້ອງມີຖັນແຖວບຸກຄະລາກອນ, ພົວພັນແລກປ່ຽນດ້ວຍພາສາຝລັ່ງໄດ້”.
ນ້ອຍ, ກະທັດລັດ, ຂະຫຍັນຂັນເຄື່ອນແມ່ນບັນດາທ່າແຮງຂອງບັນດາວິສາຫະກິດຂະໜາດກາງ ແລະ ນ້ອຍ ແລະ ມີລັກສະນະປະດິດຄິດສ້າງຕື່ມອີກຂອງບັນດາ start – up. ນີ້ຈະແມ່ນບັນດາກຳລັງໜູນສຳຄັນ ແລະ ແມ່ນມາດຕະການແກ້ໄຂທີ່ຈຳເປັນເພື່ອເພີ່ມປະສິດທິຜົນຂອງການພົວພັນດ້ານເສດຖະກິດ, ການຄ້າ, ການລົງທຶນຫວຽດນາມ - ຝລັ່ງ.
Van - Huyen