(vovworld) - ໂດຍນອນໃນເຂດເສດຖະກິດຈຸດສຸມທາງພາກໃຕ້, ແຂວງລອງອານ ແມ່ນຂົວເຊື່ອມຕໍ່ລະຫວ່າງນະຄອນໂຮ່ຈິມິນ ກັບບັນດາແຂວງເຂດທົ່ງພຽງແມ່ນ້ຳຂອງ. ແຂວງມີເສັ້ນຊາຍແດນແຫ່ງຊາດຕິດກັບປະເທດກຳປູເຈຍ, ມີດ່ານຊາຍແດນໃຫຍ່. ດ້ວຍທ່າແຮງນີ້, ແຂວງລອງອານ ຈຶ່ງມີຍຸດທະສາດດຶງດູດການລົງທຶນຢູ່ພາຍໃນ ແລະ ຕ່າງປະເທດ; ນຳໃຊ້ບັນດາມາດຕະການສົ່ງເສີມການລົງທຶນ, ປັບປຸງສະພາບແວດລ້ອມແຫ່ງການລົງທຶນຢ່າງມີປະສິດທິຜົນ, ດ້ວຍຄາດໝາຍພັດທະນາເສດຖະກິດ, ສັງຄົມແບບຍືນຍົງ. ບົດຂຽນ “ແຂວງລອງອານ ມານະພະຍາຍາມດຶງດູດການລົງທຶນ ເພື່ອກໍ່ສ້າງ, ພັດທະນາເສດຖະກິດສັງຄົມ”, ຂອງ ວູຢຸງ, ນັກຂ່າວ VOV.
ປະຈຸບັນ, ແຂວງລອງອານມີເຂດອຸດສາຫະກຳ 28 ແຫ່ງ, ດ້ວຍເນື້ອທີ່ກວ່າ 10.000 ເຮັກຕາ. ປະຈຸບັນມີ 37 ປະເທດ ແລະ ເຂດແຄ້ວນມາລົງທຶນໂດຍກົງເຂົ້າແຂວງລອງອານ ດ້ວຍເກືອບ 1.300 ໂຄງການ, ຍອດເງິນລົງທຶນຈົດທະບຽນເກືອບ 140.000 ຕື້ດົ່ງ. ປະຈຸບັນ, ແຂວງລອງອານ ພວມນຳໜ້າບັນດາແຂວງເຂດທົ່ງພຽງແມ່ນ້ຳຂອງ ໃນການດຶງດູດເງິນລົງທຶນຕ່າງປະເທດ ແລະ ຢືນອັນດັບທີ 12/63 ແຂວງ, ນະຄອນຂອງທົ່ວປະເທດກ່ຽວກັບການດຶງດູດທຶນ FDI. ສາຍເຫດທີແຂວງລອງອານ ໄດ້ຮັບຖືວ່າແມ່ນສະຖານທີ່ຈຸດສຸມເພື່ອໃຫ້ບັນດານັກລົງທຶນຢູ່ພາຍໃນ ແລະ ຕ່າງປະເທດເຂົ້າມາລົງທຶນ ຍ້ອນໃນໄລຍະຜ່ານມາ, ແຂວງມີນະໂຍບາຍຫຼາຍຢ່າງເພື່ອປັບປຸງລະບຽບການບໍລິຫານ, ສ້າງທຸກເງື່ອນໄຂສະດວກທີ່ສຸດເພື່ອໃຫ້ນັກລົງທຶນມີຄວາມອຸ່ນອ່ຽນໃຈລົງທຶນທຳການຜະລິດ, ດຳເນີນທຸລະກິດ. ພ້ອມກັນນັ້ນ, ດ້ວຍທີ່ຕັ້ງພູມສາດທີ່ສະດວກ, ລອງອານ ແມ່ນທ້ອງຖິ່ນມີເງື່ອນໄຂພັດທະນາອຸດສາຫະກຳ, ການບໍລິຫານ ດ້ວຍເນື້ອທີ່ດິນທີ່ສະຫງວນໃຫ້ການພັດທະນາອຸດສາຫະກຳແມ່ນໃຫຍ່ພໍສົມຄວນ, ຂຶ້ນເຖິງ 13.500 ເຮັກຕາ ຮອດປີ 2020 ແລະ ພື້ນຖານໂຄງລ່າງໄດ້ຮັບການກໍ່ສ້າງຢ່າງຮອບດ້ານພໍສົມຄວນ.
ເພື່ອສ້າງສະພາບແວດລ້ອມແຫ່ງການພັດທະນາໃຫ້ໃຫຍ່ຫຼວງກວ່າ, ດຶງດູດນັກລົງທຶນໄດ້ຫຼາຍກວ່າອີກ, ທ່ານປະລິຍາເອກ ໂດ້ທຽນແອງຕ໋ວນ, ມະຫາວິທະຍາໄລ Fulbright ຫວຽດນາມ ຖືວ່າ: ລອງອານ ຕ້ອງຍູ້ແຮງການພັດທະນາພື້ນຖານໂຄງລ່າງບັນດາເຂດອຸດສາຫະກຳໃຫ້ດີ, ສ້າງສຳເລັດພື້ນຖານໂຄງລ່າງຄົມມະນາຄົມເຊື່ອມຕໍ່ກັບນະຄອນໂຮ່ຈິມິນ ແລະ ບັນດາທ້ອງຖິ່ນໃກ້ຄຽງ. ແຂວງລອງອານ ຕ້ອງມີຈີນຕະນາການພັດທະນາ ຕິດພັນກັບການພັດທະນາຂອງເຂດ ແລະ ອຳນາດການປົກຄອງແຂວງ ຕ້ອງຮ່ວມເດີນທາງພ້ອມກັບນັກລົງທຶນຢ່າງແທ້ຈິງ.
“ພື້ນຖານໂຄງລ່າງກ່ຽວກັບຖະໜົນຫົນທາງຂອງລອງອານ ຍັງອ່ອນດ້ອຍຢູ່ ແລະ ນີ້ແມ່ນສິ່ງກີດຂວາງ, ເຮັດໃຫ້ລອງອານ ບໍ່ສາມາດເຊື່ອມຕໍ່ກັບນະຄອນໂຮ່ຈິມິນ ໄດ້, ບໍ່ສາມາດກາຍເປັນເຂດພົວພັນແລກປ່ຽນດ້ານການຄ້າລະຫວ່າງ 2 ເຂດເສດຖະກິດກະສິກຳ ແລະ ອຸດສາຫະກຳໄດ້ຢ່າງແທ້ຈິງ. ຕ້ອງເຮັດໃຫ້ແນວຄິດຂອງປະຊາຄົມວິສາຫະກິດ ແລະ ປະຊາຊົນກ່ຽວກັບພູມສາດລະຫວ່າງລອງອານ ແລະ ນະຄອນໂຮ່ຈິມິນ ຈຶ່ງບັນລຸຜົນສຳເລັດ”.
ແຂວງລອງອານ ໄດ້ ແລະ ພວມມານະພະຍາຍາມດຶງດູດການລົງທຶນດ້ວຍຄຳໝັ້ນສັນຍາປັບປຸງສະພາບແວດລ້ອມແຫ່ງການຜະລິດ, ດຳເນີນທຸລະກິດຢ່າງແຮງ; ຖືສ່ວນວິສາຫະກິດ, ນັກທຸລະກິດແມ່ນພາກສ່ວນສຳຄັນຂອງພື້ນຖານເສດຖະກິດ, ກໍຄືໃນວິວັດການທີ່ແຂວງ ລອງອານ ປະຕິບັດການສ້າງໂຄງປະກອບເສດຖະກິດຄືນໃໝ່ໃນຂົງເຂດອຸດສາຫະກຳ. ແຂວງ ລອງອານ ຈະຄັດເລືອກບັນດາວິທີການລົງທຶນຢ່າງມີປະສິດທິຜົນ, ເອົາໃຈໃສ່ເປັນພິເສດເຖິງການດຶງດູດບັນດາຂະແໜງການຮັບໃຊ້ໃຫ້ການພັດທະນາອຸດສາຫະກຳ ດ້ວຍບັນດາແຫຼ່ງກຳລັງທີ່ແຕກຕ່າງກັນ. ກ່າວຄຳເຫັນທີ່ກອງປະຊຸມສົ່ງເສີມການລົງທຶນຢູ່ແຂວງລອງອານປີ 2016 ຫວ່າງແລ້ວນີ້, ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຂໍ້ສັງເກດວ່າ: ໂດຍນອນໃນເຂດ ດົ່ງທາບເມື່ອຍ ທີ່ກວ້າງໃຫຍ່, ແຂວງ ລອງອານ ຍັງມີທ່າແຮງກ່ຽວກັບການພັດທະນາກະສິກຳ. ດ້ວຍບັນດາທ່າແຮງນັ້ນ, ລອງອານ ຈະບືນຕົວໃຫ້ກາຍເປັນໜຶ່ງໃນບັນດາແຂວງນຳໜ້າເສດຖະກິດຢ່າງແຮງທີ່ສຸດໃນທົ່ວປະເທດ.
“ແຂວງຕ້ອງຕັ້ງໜ້າປັບປຸງສະພາບແວດລ້ອມແຫ່ງການລົງທຶນ, ດຳເນີນທຸລະກິດ, ຍູ້ແຮງການເຈລະຈາກັບວິສາຫະກິດ; ປະຕິບັດລັດຖະບານແຫ່ງການກໍ່ສ້າງດ້ານຄຸນນະທາດ ແມ່ນເພື່ອແນໃສ່ຮັບໃຊ້ໃຫ້ການພັດທະນາ, ຮັບໃຊ້ປະຊາຊົນ ແລະ ວິສາຫະກິດ, ປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ. ຖ້າສະພາບແວດລ້ອມແຫ່ງການລົງທຶນຢູ່ທີ່ນີ້ໄດ້ດີ, ບັນດາວິສາຫະກິດກໍ່ຈະເຂົ້າມາແຂວງນີ້ເພື່ອທຳມາຫາກິນ. ສະພາບແວດລ້ອມແຫ່ງການລົງທຶນຢູ່ລອງອານ ໃນເບື້ອງຕົ້ນໄດ້ດີ. ທາງແຂວງຄວນສືບຕໍ່ເພີ່ມທະວີການເຈລະຈາດ້ານນະໂຍບາຍ ກັບ ປະຊາຄົມວິສາຫະກິດ ເພື່ອແກ້ໄຂຄວາມຫຍຸ້ງຍາກ, ສິ່ງຄ້າງຄາໃຫ້ບັນດານັກລົງທຶນ”.
ລອງອານ ມີບັນດາເງື່ອນໄຂສະດວກສ້າງເປັນບາດກ້າວບຸກທະລຸ ເພື່ອຮອດປີ 2020, ແຂວງ ລອງອານ ກາຍເປັນແຂວງອຸດສາຫະກຳຕາມທິດທັນສະໄໝໂດຍພື້ນຖານ, ແຕ່ຍາມໃດແຂວງກໍ່ຢືນຢັນຮັກສາທັດສະນະເດີມ ນັ້ນແມ່ນໂຄງການຕ້ອງຮັບປະກັນສິ່ງແວດລ້ອມຂຽວ, ສະອາດ, ເຕັກໂນຊີໃນການແກ້ໄຂສິ່ງແວດລ້ອມຕ້ອງບັນລຸມາດຕະຖານ. ຕາມທ່ານນາຍົກລັດຖະມົນຕີ ຫງວຽນຊວນຟຸກ ແລ້ວ, ແຂວງຕ້ອງເອົາໃຈໃສ່ການວາງແຜນຜັງພັດທະນາຢ່າງຮຽບຮ້ອຍ ແລະ ຕິດພັນກັບການພັດທະນາເສດຖະກິດເຂດ.
“ກ່ອນອື່ນໝົດ, ການຮ່ວມສຳພັນພັດທະນາກັບນະຄອນໂຮ່ຈິມິນ ພວມແມ່ນໜ້າທີ່ຈຸດສຸມສຳຄັນ. ການນຳແຂວງ ລອງອານ ຕ້ອງສົ່ງເສີມວິວັດທະນາການນີ້. ກົງກັນຂ້າມ, ນະຄອນໂຮ່ຈິມິນ ກໍ່ຕ້ອງເປັນເຈົ້າການຮ່ວມມືກັບແຂວງລອງອານ. ເພາະນັ້ນແມ່ນທາງອອກຂອງນະຄອນໂຮ່ຈິມິນ. ບັນຫາທີ່ໄດ້ວາງອອກໃຫ້ແຂວງ ລອງອານ ນັ້ນແມ່ນຕ້ອງມີລະບົບທາງບົກ ທີ່ເຊື່ອມຕໍ່ກັບນະຄອນໂຮ່ຈິມິນ ແລະ ບັນດາແຂວງເຂດທົ່ງພຽງແມ່ນ້ຳຂອງ, ທ່າກ່ຳປັ່ນ ລອງອານ”.
ດ້ວຍບັນດາຄຳໝັ້ນສັນຍາກ່ຽວກັບສະພາບແວດລ້ອມແຫ່ງການລົງທຶນດຳເນີນທຸລະກິດທີ່ສະດວກ, ມີຄວາມປອດໂປ່ງ ພ້ອມກັບຄວາມເອົາໃຈໃສ່ເຖິງການພັດທະນາຂອງວິສາຫະກິດ… ແຂວງ ລອງອານ ພວມກາຍເປັນຈຸດນັດພົບອັນດູດດື່ມສຳລັບວິສາຫະກິດຢູ່ພາຍໃນ ແລະ ສາກົນ. ຍາມໃດແຂວງ ລອງອານ ກໍຢືນຢັນຈະຮ່ວມເດີນທາງ, ແບ່ງປັນ ແລະ ສ້າງເງື່ອນໄຂສະດວກທີ່ສຸດໃຫ້ບັນດານັກລົງທຶນ ແລະ ພ້ອມກັນສ້າງທິດທາງທີ່ໝັ້ນຄົງໃຫ້ຜົນສຳເລັດຂອງວິສາຫະກິດ ກໍຄືການພັດທະນາເສດຖະກິດ, ສັງຄົມຂອງແຂວງ.