(vovworld) - ແນະນຳພູມມີປະເທດແມ່ນຊັບສົມບັດດ້ານການຄ້າທີ່ມີຄ່າ ແລະ ປະກອບສ່ວນບໍ່ແມ່ນໜ້ອຍໃຫ້ແກ່ການພັດທະນາເສດຖະກິດສັງຄົມຂອງປະເທດຊາດ. ເຖິງຢ່າງໃດກໍ່ຕາມ, ປະຈຸບັນມີວິສາຫະກິດຫຼາຍແຫ່ງຍັງບໍ່ທັນຮັບຮູ້ໄດ້ໝົດຄວາມສຳຄັນຂອງການແນະນຳພູມມີປະເທດດັ່ງນັ້ນຫຼຼາຍເຄື່ອງໝາຍການຄ້າຖືກລັກລອບ, ກໍຄືຖືກປອມແປງຜະລິດຕະພັນເຊິ່ງໄດ້ກໍ່ຜົນທະທ້ອນບໍ່ແມ່ນໜ້ອຍເຖິງອິດທິພົນຊື່ສຽງ, ການພັດທະນາຂອງວິສາຫະກິດ. ບັນດາຜະລິດຕະພັນສົ່ງອອກຂອງຫວຽດນາມ ທີ່ມີການແນະນຳພູມມີປະເທດຢ່າງຈະແຈ້ງ ໄດ້ເພີ່ມກາລະໂອກາດໃນການສົ່ງອອກໄປຍັງບັນດາຕະຫຼາດສາກົນທີ່ທີ່ມີຊື່ສຽງຄື: ອາເມລິກາ, ຍີ່ປຸ່ນ, ພິເສດແມ່ນຕະຫຼາດ EU… ບົດຂຽນ “ແນະນຳພູມມີປະເທດສຳລັບສິນຄ້າ ແລະ ກາລະໂອກາດສົ່ງອອກໄປຍັງຕະຫຼາດ EU” ຂອງຈຸງຖຸຍ, ນັກຂ່າວ VOV.
ຫວຽດນາມ ມີ 43 ຜະລິດຕະພັນໄດ້ຮັບການປົກປ້ອງແນະນຳພູມມີປະເທດ
(ພາບ:vietq.vn)
ປະຈຸບັນ, ຢູ່ຫວຽດນາມ ມີ 43 ຜະລິດຕະພັນໄດ້ຮັບການປົກປ້ອງແນະນຳພູມມີປະເທດ. ອາດເວົ້າໄດ້ວ່າ, ບັນດາຜະລິດຕະພັນໄດ້ຮັບໃບຢັ້ງຢືນຈົດທະບຽນແນະນຳພູມມີປະເທດ ບໍ່ພຽງແມ່ນມີຫຼາຍຮູບຫຼາຍແບບກ່ຽວກັບຮູບແບບຜະລິດຕະພັນຄື: ດອກໄມ້, ໝາກໄມ້, ທັນຍາຫານ, ຜະລິດຕະພັນບໍລິໂພກ, ອຸປະໂພກເທົ່ານັ້ນ, ຫາກຍັງມີລັກສະນະເປັນຕົວແທນໃຫ້ບັນດາເຂດ, ພາກໃນທົ່ວປະເທດອີກດ້ວຍ: ຈາກເຂດພູດອຍທາງພາກເໜືອ, ທິດຕາເວັນອອກພາກເໜືອ (ກວາງນິງ) ເຖິງເຂດທິດເໜືອພາກກາງ, ຕະຫຼອດຮອດເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ. ເຖິງຢ່າງໃດກໍ່ຕາມ, ໃນຕົວຈິງ, ບັນດາການແນະນຳພູມມີປະເທດຂອງຫວຽດນາມ ຕາມປົກກະຕິແລ້ວ, ໄດ້ຮັບການອະນຸລັກຮັກສາ, ພັດທະນາ ແລະ ນຳໃຊ້ໃຫ້ແກ່ອົງການຈັດຕັ້ງໜຶ່ງ, ອົງການຢູ່ທ້ອງຖິ່ນ. ບັນດາການແນະນຳພູມມີປະເທດ ໄດ້ຂຸດຄົ້ນ ແລະ ບໍ່ໄດ້ຕິດຕາມກວດກາຢ່າງໃກ້ຊິດ ກໍຄືເຮັດໃຫ້ເກີດມີບັນດາສິນຄ້າປອມແປງໃຊ້ການແນະນຳພູມມີປະເທດເກີດຂຶ້ນຢູ່ຫຼາຍແຫ່ງ. ໄດ້ມີບັນດາບົດຮຽນກ່ຽວກັບການແນະນຳພູມມີປະເທດຂອງຫວຽດນາມ ຖືກລັກລອບຜະລິດຢູ່ຕ່າງປະເທດ, ໃນນັ້ນພົ້ນເດັ່ນແມ່ນເຄື່ອງໝາຍການຄ້ານ້ຳປາ ຟຸ໋ກ໋ວກ. ທ່ານ ຟ້າມຫງອກແທ່ງ, ຜູ້ອຳນວຍການບໍລິສັດຫຸ້ນສ່ວນໃຫ້ຄຳປຶກສາພັດທະນາ ແລະ ການຄ້າຟຸ໋ກເລີມ, ບໍລິສັດຈຳໜ່າຍນ້ຳປາ ຟຸ໋ກ໋ວກ ໃຫ້ຮູ້ວ່າ.
“ປະຈຸບັນ, ໃນຕະຫຼາດມີບັນດາຜະລິດຕະພັນໃສ່ຊື່ຟຸ໋ກ໋ວກ, ຄວາມຈິງນັ້ນແມ່ນບັນດາວິສາຫະກິດມີຜະລິດຕະພັນທີ່ບໍ່ໄດ້ຮັບອະນຸຍາດນຳໃຊ້ຈາກນ້ຳປາ ຟຸ໋ກ໋ວກ ໃນສະແຕມສິນຄ້າຕົ້ນຕໍ. ໃນແງ່ມູມຜູ້ບໍລິໂພກ ຍັງບໍ່ທັນຮັບຮູ້ຢ່າງຖືກຕ້ອງໄດ້ວ່າ ນ້ຳປາ ຟຸ໋ກ໋ວກ ໄດ້ຮັບການປົກປ້ອງແນະນຳພູມມີປະເທດ ແລະ ໃສແມ່ນນ້ຳປາປອມ. ສະນັ້ນຈຶງພາໄປເຖິງເກີດມີຄວາມສັບສົນໃນການຕັດສິນໃຈບໍລິໂພກ”.
ຕາມກົມຊັບສິນທາງປັນຍາແລ້ວ, ກະຊວງວິທະຍາສາດ ແລະ ເຕັກໂນໂລຊີ ແລ້ວ, ເມື່ອເຈລະຈາຂໍ້ຕົກລົງສັນຍາການຄ້າເສລີຫວຽດນາມ - EU, ບັນຊີລາຍຊື່ທີ່ຫວຽດນາມ ສະເໜີໄດ້ມີ 41 ການແນະນຳພູມມີປະເທດ, ແຕ່ EU ພຽງແຕ່ຕົກລົງປົກປ້ອງ 39 ການແນະນຳພູມມີປະເທດເທົ່ານັ້ນ. ຜະລິດຕະພັນໄດ້ຮັບການປົກປ້ອງຕົ້ນຕໍແມ່ນ: ຜັກ, ໝາກໄມ້, ສິນໃນນ້ຳ ແລະ ຜະລິດຕະພັນທີ່ປຸງແຕ່ງຈາກສິນໃນນ້ຳກວມເອົາ 13%. ຕໍ່ໜ້າຄວາມຕ້ອງການບໍລິໂພກອາຫານສະອາດ, ກໍຄືຄວາມຮຽກຮ້ອງຕ້ອງການສິນຄ້າມີຄຸນນະພາບສູງຂອງຜູ້ບໍລິໂພກ, ອຸປະໂພກ EU, ເລື່ອງໄດ້ຮັບການຮັບຮອງ ແລະ ປົກປ້ອງການແນະນຳພູມມີປະເທດ ພວມແມ່ນກາລະໂອກາດທີ່ໃຫຍ່ຫຼວງເພື່ອໃຫ້ຜະລິດຕະພັນກະເສດຂອງຫວຽດນາມ ໄດ້ສົ່ງອອກ.
ນ້ຳປາ ຟຸ໋ກ໋ວກ
(ພາບອິນເຕີແນັດ)
ປະຈຸບັນ, ເລື່ອງປົກປ້ອງຢູ່ຫວຽດນາມ ປະສົບກັບຄວາມຫຍຸ້ງຍາກຫຼາຍຢ່າງໃນການເຕົ້າໂຮມບັນດານັກຜະລິດນຳກັນ. ບັນດາວິສາຫະກິດ, ຄົນງານຜະລິດອອກຜະລິດຕະພັນ, ຍ້ອນຍັງບໍ່ທັນເຂົ້າໃຈຄຸນຄ່າຂອງການປົກປ້ອງນຳມາໃຫ້ໄດ້ໝົດເທື່ອ, ຈຶ່ງສົ່ງຜົນສະທ້ອນເຖິງການສ້າງຕັ້ງບັນດາຜະລິດຕະພັນທີ່ມີລັກສະນະເປັນເອກະລັກສະເພາະເຂດ. ຍິ່ງກວ່ານັ້ນ, ເລື່ອງຮັບຮູ້ ແລະ ຄຸ້ມຄອງການແນະນຳພູມມີປະເທດຖືກດຳເນີນຢູ່ຫຼາຍແຫ່ງ. ທ່ານ ຫງວຽນກ໋ວກທິ້ງ, ອາຈານຢູ່ມະຫາວິທະຍາໄລການຄ້າ ຖືວ່າ.
“ຂ້າພະເຈົ້າຖືວ່າ, ໜຶ່ງໃນບັນດາສາຍເຫດສຳຄັນແມ່ນ ວຽກງານຄຸ້ມຄອງຕະຫຼາດຂອງພວກເຮົາຍັງຈຳກັດຢູ່. ບັນຫາທີ 2 ແມ່ນບັນດາເຂດຜະລິດຜະລິດຕະພັນກະເສດເອງຍັງບໍ່ທັນຮ່ວມສຳພັນນຳກັນ ເພື່ອຄວບຄຸມສິນຄ້າປອມແປງ. ບັນດາການຮ່ວມສຳພັນຢູ່ຫວຽດນາມ ຕ້ອງມີການປຶກສາຫາລື. ໃນຫຼາຍປີມານີ້, ບັນດາຮາກຖານຜະລິດຂອງພວກເຮົາເບິ່ງຄືວ່າ ພຽງແຕ່ຮູ້ຈັກຕົນເອງເທົ່ານັ້ນ, ຫາກຍັງບໍ່ມີການຮ່ວມສຳພັນ, ເຮັດໃຫ້ຜະລິດຕະພັນກະເສດຂອງຫວຽດນາມ ໃນປະຈຸບັນບໍ່ມີຈຸດຢືນໃນຕະຫຼາດ”.
ເມື່ອສັນຍາການຄ້າເສລີຫວຽດນາມ - EU ມີຜົນສັກສິດໃນປີ 2018, EU ຈະຕົກລົງປົກປ້ອງ 39 ການແນະນຳພູມມີປະເທດຂອງຫວຽດນາມ. ຕາມນັ້ນແລ້ວ, ນອກຈາກນ້ຳປາ ຟຸ໋ກ໋ວກ, ບັນດາຜະລິດຕະພັນທີ່ມີທ່າແຮງຂອງຫວຽດນາມ ຈະມີໂອກາດເພື່ອຂຸດຄົ້ນ, ຊົມໃຊ້ຜົນປະໂຫຍດຈາກການຈົດທະບຽນແນະນຳພູມມີປະເທດ. ເຖິງຢ່າງໃດກໍ່ຕາມ, ເພື່ອໃຫ້ບັນດາຜະລິດຕະພັນມີການແນະນຳພູມມີປະເທດຂອງຫວຽດນາມ ອາດສາມາດຜ່ານຜ່າບັນດາຮົ້ວກີດຂວາງດ້ານເຕັກນິກເພື່ອນຳເຂົ້າຕະຫຼາດ EU, ຫວຽດນາມ ຕ້ອງສ້າງຕັ້ງລະບົບກວດກາຄຸນນະພາບແຫ່ງຊາດ ເມື່ອພິຈາລະນາ ແລະ ຮັບຮອງເອົາການປົກປ້ອງແນະນຳພູມມີປະເທດ. ທ່ານ ເຈີນວັນຕຸ່ງ, ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ຖືວ່າ.
“ຕ້ອງມີບັນດາໜ່ວຍຕິດຕາມກວດກາ, ກຸ່ມຕິດຕາມກວດກາ ເພື່ອຮັບປະກັນຄຸນນະພາບຜະລິດຕະພັນໃຫ້ສະໜຳສະເໝີໃນວິວັດການຜະລິດ, ບໍ່ນຳເຂົ້າບັນດາຜະລິດຕະພັນອື່ນ. ໃນການຈຳໜ່າຍອອກສູ່ຕະຫຼາດ, ຕ້ອງເອົາໃຈໃສ່ເຖິງຮູບແບບການຫຸ້ມຫໍ່, ຮັກສາຜະລິດຕະພັນ, ຈຳໜ່າຍພ້ອມກັບສະມາຄົມ, ພ້ອມກັບກຸ່ມນຳກັນ ເພື່ອຫຼີກລ້ຽງສິນຄ້າປອມແປງແຊກແຊງເຂົ້າຕະຫຼາດນີ້.”
ເລື່ອງການຈົດທະບຽນແນະນຳພູມມີປະເທດ ບໍ່ພຽງແຕ່ “ອະນຸຍາດ” ເພື່ອໃຫ້ບັນດາຜະລິດຕະພັນຂອງຫວຽດນາມ ປະກົດຕົວຢູ່ບັນດາຕະຫຼາດທີ່ມີຄວາມຕ້ອງການດ້ານຄຸນນະພາບສູງເທົ່ານັ້ນ, ຫາກຍັງແມ່ນໂອກາດເພື່ອໂຄສະນາຜະລິດຕະພັນ, ພັດທະນາການຜະລິດ, ຈຳກັດສະພາບການນຳໃຊ້ເຄື່ອງໝາຍການຄ້າປອມແປງ. ສະນັ້ນ, ເລື່ອງເປີດກວ້າງບັນດາຜະລິດຕະພັນ, ພິເສດແມ່ນຜະລິດຕະພັນກະເສດມຸ່ງໄປເຖິງການຈົດທະບຽນແນະນຳພູມມີປະເທດ ພວມແມ່ນທິດທາງທີ່ຖືກຕ້ອງເພື່ອເພີ່ມກາລະໂອກາດການສົ່ງອອກໄປຍັງ EU.