VOVWORLD_ភ្ញៀវទេសចរមកទស្សនាក្រុងហូជីមិញមានការ ចាប់​អារម្មណ៍​
ខ្លាំងជាមួយអគារច្រើនជាន់១ដែលមើលទៅដូចផ្កាឈូក១ទងកំពុង​រីកនៅកណ្តាល
ក្រុង។នោះគឺអគារ Bitexco Financial Tower ដែលបានវាយតំលៃជា សំណង់
ស្ថាបត្យកម្មដ៏វិសែសវិសាលនិងជានិមិត្តរូបឲ្យសេចក្តីសំបូររុងរឿង​របស់ទីក្រុង
ហូជីមិញ។

អគារ Bitexco Financial Towerជា សំណង់ស្ថាបត្យកម្មដ៏វិសែសវិសាលរបស់ទីក្រុងហូជីមិញ(រូបថតdiaocvietnam.org.vn)

        ត្រូវបានកសាងឡើងនៅខ័ណ្ឌទី១ក្រុងហូជីមិញលើផ្ទៃដីជាង៦០០០មែត្រ
ក្រឡាជាមួយទុនវិនិយោគចំនួន៤០០លានដុល្លារអាមេរិក។ អគារនេះបានគូប្លង់
កសាងដោយបេតុងឆ្អឹងដែកនិងកញ្ចក់។ នៅជាន់ទី៥០នៃអគារមានចំណត
ឧទ្ឋម្ភាកចក្រ។ គំនិតគូប្លង់ Bitexco Financial Tower ចេញមកពីរូបភាពល្អស្អាតនៃ​
ផ្កា​ឈូក​​​ដែលជានិមិត្តរូបវប្បធម៍ជាតិវៀតណាម។ តាមលោក Vu Quang Hoi ​ប្រធាន​​
សម្ព័ន្ឋក្រុមហ៊ុន Bitexco Financial Tower​ និងជាម្ចាស់វិនិយោគ​គំរោងការ​នេះ​ឲ្យ​ដឹង
ថា

        ប្រការដែលយើងខ្ញុំចាប់អារម្មណ៍ខ្លាំងបំផុតហើយក៏ជាចំណុចពិបាកបំផុតនោះ
គឺធ្វើយ៉ាងណាកសាងសំណង់នេះជាមណ្ឌលពាណិជ្ជកម្មផងព្រមទាំងមាន​ម៉ូត
ស្ថាបត្យកម្មប្រកបដោយលក្ខណៈវប្បធម៍ផង។ ដូច្នេះយើងខ្ញុំបានអញ្ចើញ​ក្រុមអ្នក
ជំនាញការសំណង់ល្អៗពីកូរ៉េមកអនុវត្តគំរោងការនេះ។ ឃុនដូនេះត្រូវ​បានប្រើត្រឹម
ត្រូវតាមបទដ្ឋានពិភពលោកដើម្បីបំរើអតិថិជននិងអ្នកទេសចរ។

មកទស្សនាឃុនដូនេះប្រព័ន្ឋជណ្តើរយន្តទំនើបនឹងលើកភ្ញៀវឡើងលើកន្លែងតាមដាន Saigon SkyDeck នៅជាន់ទី៤៩ដើម្បីគយគន់ទិដ្ឋភាពទីក្រុងទាំងនាពេលយប់និងពេលថ្ងៃ(រូបថតvietnamskyline.vn)

ឃុនដូ Bitexco Financial Tower ​ត្រូវបានដាក់ឲ្យប្រើប្រាស់នាថ្ងៃទី​៣១​ខែ​តុលា​ឆ្នាំ
២០១០។ សំណង់នេះមានកំពស់ចូលក្នុងលំដាប់ថ្នាក់ទី១១០​លើ​ពិភព​លោក។​ 
ស្ថាបត្យករមេនៃឃុនដូ Bitexcoជន ជាតិអាមេរិកលោក Zapata ​បាន​ថ្លែង​ថាឃុនដូនេះ
ត្រូវបានគូប្លង់មិនមែនដើម្បីប្រកួតប្រជែងអំពីកំពស់ទេ​តែ​សំខាន់​គឺសំដែងនូវភាព
អមតៈនៃសំណង់តាមរយៈរូបភាពផ្កាឈូកកំពុងរីកលើ​ផ្ទៃមេឃនិងរូបភាពចំណត
ឧទ្ថម្ភាកចក្រមើលទៅដូចដួនផ្កាប់ពីលើដែលជាចំណុចវិសែសវិសាលមួយក្នុងខឿនវប្បធម៍វៀតណាមទៅវិញ។ តាមការគូប្លង់ឃុនដូ Bitexco Financial Tower មាន​៦៨​
ជាន់។ កំពស់គិតពីដីឡើងដល់កំពូលឃុនដូគឺ​២៦២​ម៉ែត្រ។​កញ្ចក់លំអរាប់ពាន់ផ្ទាំង
នាំចូលពីប្រទេសបែលហ្ស៊ីកនិងកែឆ្នៃនៅកូរ៉េ​ខាង​ត្បូងហើយកញ្ចក់និមួយៗមានម៉ូត
ខុសពីគ្នា។នៅក្នុងឃុនដូគេលៃទុកផ្ទៃ៣៧៧០០ម៉ែត្រការ៉េសំរាប់ការិយាល័យ 
១១០០០ម៉ែត្រក្រឡាជាមជ្ឈមណ្ឌលពាណិជ្ជកម្មសេវាកម្មនិងលេងកំសាន្ត។មក
ទស្សនាឃុនដូនេះប្រព័ន្ឋជណ្តើរយន្តទំនើបនឹងលើកភ្ញៀវឡើងលើកន្លែងតាមដាន 
Saigon SkyDeck នៅជាន់ទី៤៩ដើម្បីគយគន់​ទិដ្ឋភាពទីក្រុងទាំងនាពេលយប់​និង​ពេល
ថ្ងៃ។ លោកDo Quoc Le ​ជាបុគ្គលិក​ម្នាក់​នៃឃុនដូ Bitexco Financial Tower ​បានឲ្យដឹង
ថារួមជាមួយកំពស់គួរឲ្យចាប់អារម្មណ៍របស់ឃុនដូគឺកន្លែងតាមដាននៅទីនេះក៏ត្រូវ
បានកត់ត្រាក្នុងសៀវភៅទេសចររណ៍នៃប្រទេសជាច្រើនលើសកលលោក។តាម
រយៈនោះភ្ញៀវអន្តរជាតិស្គាល់ដឹងក្រុងហូជីមិញនិងប្រទេសវៀតណាមច្បាស់ថែម
ទៀត។ សំណង់នេះបង្ហាញឲ្យឃើញថាជនជាតិវៀតណាមមានបញ្ញាវៀងវៃ​និង
កំលាំងគ្រប់គ្រាន់ដើម្បីសក្តិសមនឹងការអភិវឌ្ឍន៏នៅកំរិតអន្តរជាតិ។

ក្នុងប៉ុន្មានឆ្នាំកន្លងទៅនេះឃុនដូ Bitexco Financial Tower ជាកន្លែងបាញ់កាំជ្រួចផ្កាសារទឆ្នាំថ្មី(រូបថតnewszing)

ក្រឡែកមើលពីចំងាយទោះបីឈរនៅជ្រុងជ្រោយណាក៏ដោយអ្នកផងនឹងឃើញឃុន
ដូ Bitexco Financial Tower មានរូបរាងដូចផ្កាឈូកក្រពុំមួយទង​ដុះ​លើផ្ទៃមេឃ។ ​ក្នុង
​ឱកាសបុណ្យទាននានាពន្លឺ Laser ​ឆ្លុះបញ្ចាំងលើជញ្ជាំងកញ្ចក់​ព័ទ្ឋជុំវិញឃុនដូនោះ
បានបង្កើតឡើងនូវគំនូពណ៌ចំរុះដ៏ល្អស្អាតនៅកណ្តាលទី​ក្រុង។ ក្នុងប៉ុន្មានឆ្នាំកន្លង
ទៅនេះឃុនដូ Bitexco Financial Tower ជាកន្លែង​បាញ់​កាំជ្រួចផ្កាសារទ​ឆ្នាំថ្មី។​
ទិដ្ឋភាពនេះនឹងដក់ជាប់ក្នុង​អារម្មណ៏​​​ភ្ញៀវអំពីការរិកចំរើន​ខ្លាំង​និងភាព​សំបូររុងរឿង
របស់ទីក្រុង​ហូ​ជីមិញក្នុងដំណើ​សមាហរ​ណកម្ម​អន្តរជាតិ​៕​​