VOVWORLD_Ba Be ជាបឹងទឹកសាបស្ថិតនៅក្នុងឧទ្យានជាតិBa Be ខេត្ត
Bac Kan ភាគខាងជើងវៀតណាម។នេះជាបឹងទឹកសាបធម្មជាតិធំបំផុតនៅ
ប្រទេសវៀតណាមហើយជាបឹងមួយក្នុងចំណោមបឹង១០០ដែលធំបំផុតលើ
ពិភគលោក។បឹង Ba Beចែក​ជា៣ចំណែកដែលមានឈ្មោះPe Lam ​ Pe Lu និង
Pe Leng។តំលៃធំបំផុតនៃបឹង Ba Beគឺ​លើវិស័យភូគព្ភសាស្រ្ត​ ភូមិសាស្រ្តនិង
ជីវចម្រុះ។

        បឹង Ba Beស្ថិតនៅកណ្ដាលស្រុក២គឺ ស្រុកBa Be និងស្រុកCho Don
ខេត្តBac Kan។​តាមមជ្ឈដ្ឋានអ្នកភូគព្ភសាស្រ្តបានឲ្យដឹងថា បឹងនេះមាន
កំពស់១៤៥ម៉ែត្រពីនីវ៉ូទឹកសមុទ្រហើយកកើតឡើងមុននេះប្រមាណ២០០
លានឆ្នាំ។ព័ទ្ធជំវិញបឹងគឺភ្នំថ្មកំបោរដែលមានអាយុកាល៤៥០លានឆ្នាំ។នា
ឆ្នាំ១៩៩៥ សន្និសីទបឹងទឹកសាបអន្តរជាតិបើកនៅប្រទេសអាមេរិកបាន
ទួលស្គាល់បឹង Ba Beជាបឹងទឹកសាបមួយក្នុងចំណោម​បឹងទឹកសាប​ពិសេស
ចំនួន២០លរបស់ពិភពលោកដែលគប្បីការពារ។ដល់ឆ្នាំ២០១១អង្គការអប់រំ
វិទ្យាសាស្រ្តនិងវប្បធម៌របស់អង្គការសហប្រជាជាតិ(យូណេស្កូ)បានទទួលស្គាល់
បឹង Ba Be​ជា​តំបន់Ramsar(តំបន់ដីលិចទឹកមានសារៈសំខាន់ថ្នាក់អន្តរជាតិ)
ទី៣របស់វៀត​ណាម​។​ទឹកបឹងBa Beនេះប្រែប្រួលតាមរដូវវស្សានិងរដូវប្រាំង។
តាមលោកAu Dinh Huong នៅ​ឃុំ​Khang Ninh ស្រុកBa Beប្រកបរបរបើក
កាណូតដឹកភ្ញៀវទេសចរនៅបឹងនេះ​ឲ្យដឹង​ថា

  “ ទឹកបឹងBa Beមានពណ៌ខៀវ។នៅរដូវទឹកជន់ស្លឹកឈើនៅតាម​ច្រាំង​
ជ្រុះមក​លើផ្ទៃទឹកបឹង​រួមជាមួយ​ទឹកពីទន្លេហូរចូលដែល​ធ្វើ​ឲ្យទឹកក្នុងបឹង​
ល្អក់​បន្តិចបន្តួច។​តែក្រោយរយៈ​ពេល២ថ្ងៃ​មកទឹកបឹងថ្លាឡើងវិញ ”។

    មកទស្សនា បឹងBa Be ភ្ញៀវទេសចរអាចជិះទូកទៅគយគន់ទេសភាព
ធម្មជាតិ​លើបឹង ទស្សនាគុហានិងល្បាក់ទឹកធំៗនៅជាប់បឹង។លោកAu Dinh
 Huongបានឲ្យដឹងទៀតថា

“ ភ្ញៀវទេសចរមកនេះសុទ្ធតែសរសើរទេសភាពបឹងBa Be ស្រស់ស្អាត​ 
ពិសេស​គឺនៅពេលជិះទូកទស្សនាបឹង។ប្រសិនបើទៅមួយជុំលើបឹងគឺចំណាយ
អស់រយៈពេល១ម៉ោងកន្លះ។រីឯទៅទស្សនាគ្រប់កន្លែងគឺចំណាយពេលអស់
៤-៥ម៉ោង។បឹងBa Beមានបណ្ដោយប្រវែង៩គីឡូម៉ែត្រនិងទទឹង១០០០ម៉ែត្រ​”។

បឹង Ba Beមានអាកាសធាតុត្រជាក់ស្រួលនៃតំបន់ព្រៃភ្នំ

នៅកណ្ដាលបឹងមានកោះ២ឈ្មោះAn Ma និង​ Ba Goa។នៅជំវិញបឹងមាន
ស្រះ Ao Tien គុហា Puong និងល្បាក់ទឹកDau Dang។  បឹងBa Be ជាទីជម្រកនៃ
ពពួកមច្ឆារួមមាន​អំបូរត្រីប្រមាណ៥០ រួមជាមួយរុក្ខជាតិកម្រគ្រប់ប្រភេទទៀត
ផង។ប្រជាពលរដ្ឋរស់នៅជំវិញបឹងក៏ទទួលបាននូវផលប្រយោជន៍ដែរ។តាម
លោកស្រី Ma Thi Thinh ជន​រួម​ជាតិដើមភាគតិច Tayឲ្យដឹងថា ភ្ញៀវទេសចរ
ពេលមកទស្សនាបឹងBa Be ម្ដងៗតែង​តែទិញរបស់អនុស្សាវរីយ៍និងទំនិញនៅ
នឹងតំបន់យកទៅជូនក្រុមគ្រួសារ។

  “ នៅក្នុងបឹងសម្បូរត្រី បង្កង ងាវ​ លៀសនិងក្រពិសណាស់។ភ្ញៀវមករក​
ទិញ​ ជា​ច្រើន។​ក្រៅពីនោះនៅមានផ្សិត ត្រចៀកកណ្តុរ និងក្រឡានដែលជាម្ហូប
 ពិសេស នៅស្រុក Ba Beខេត្តBac Kan ”។

បឹង Ba Beមានអាកាសធាតុត្រជាក់ស្រួល​នៃតំបន់ព្រៃភ្នំ។ ភ្ញៀវទេសចរអាច
មក​ទស្សនា​នៅគ្រប់រដូវក្នុងមួយឆ្នាំ។ថ្វីបើដូច្នេះក្តី រដូវកាលសមស្របបំផុតសំរាប់
មក​លេងសំរាកលំហែកាយនៅឧទ្យានជាតិនេះគឺនារដូវស្លឹកឈើជ្រុះនិងរដូវផ្ការីក៕