ផ្ទាំងគំនូរដែលបានគូរលើជញ្ជាំងដ៏ស្រស់ស្អាត ដែលឆ្លុះបញ្ជាំងអំពីជីវភាពរស់នៅប្រចាំថ្ងៃរបស់ប្រជាជនតាមឆ្នេរសមុទ្រ

នាប៉ុន្មានថ្ងៃកន្លងទៅ ប្រជាជននៅឃុំ Canh Duong ហាក់ដូចជាសប្បាយរីករាយជាងព្រោះថាភូមិស្រុកត្រូវបានរំលេច ដោយផ្ទាំងគំនូរ ឆើយឆាយចម្រុះពណ៌។ ក្រុមវិចិត្រ ករបានព្យាយាមគូរគំនូរលើជញ្ជាំងនិងរបងនានា។ ខ្លឹមសារនៃផ្ទាំងគំនូរទាំងនេះ គឺបាន ពិពណ៌នាអំពីដំណើការបង្កើតនិងអភិវឌ្ឍន៍ ក៏ដូចជាប្រពៃណីអង់អាចក្លាហានក្នុងគ្រា សង្គ្រាមរបស់ភូមិឆ្នេរសមុទ្រដ៏សម្បូរដោយធនធាននេះ។ តាមកំណាត់ផ្លូវដែលមាន ផ្ទាំងគំនូរលើជញ្ជាំងនោះ ភ្ញៀវទេសចរអាចមានឱកាសគយគន់ផ្ទះបុរាណនិងជញ្ជាំង បុរាណធ្វើពីផ្កាថ្មនិងស្វែងយល់អំពីជីវ ភាពរស់នៅរបស់ប្រជានេសាទនៅភូមិឆ្នេរសមុទ្រ Canh Duong នេះតែម្តង។

        លោក Nguyen Ngoc Linh ប្រជាជនម្នាក់នៅឃុំ Canh Duong បានចែករំលែកថា គំនូរលើជញ្ជាំងទាំងនេះបានឆ្លុះបញ្ជាំងនូវជីវភាពរស់នៅតាមឆ្នេរសមុទ្ររួមទាំងទំនៀម ទម្លាប់ពេញនិយមរបស់ប្រជាជននៅទីនេះ។ លោក Linh ឲ្យដឹងថា ក្រៅពីចេញទៅ លំហសមុទ្រនេសាទត្រីមក ប្រជានេសាទនៅទីនេះថែមទាំងប្រកបមុខរបរមួយទៀតគឺ ជាមគ្គុទេសទេសចរណ៍ឧទ្ទេសនាមអំពីស្រុកកំណើតរបស់ខ្លួនជូនភ្ញៀវ ទសន្សនា៖

        “ផ្ទាំងគំនូរលើជញ្ជាំងដូចជាមុខមាត់ថ្មីមួយរបស់ឃុំ Canh Duong អញ្ជឹងដែរ ដែលបានប្រជាជនគាំទ្រនិងមានអារម្មណ៍សប្បាយក្រៃលែងដោយឃើញថា ភូមិស្រុកហាក់ដូចជាបានពាក់អាវថ្មីដ៏ស្រស់ស្អាត។ ផ្ទះ របស់ខ្ញុំក៏មានផ្ទាំងគំនូរមួយនៅខាងក្រៅដែរ”។

ផ្ទាំងគំនូរតាមជញ្ជាំង

        ខេត្ត Quang Binh បានជ្រើសរើសវិស័យទេសចរណ៍ជាវិស័យមុខព្រួញ ហើយ ឃុំ Canh Duong ត្រូវបានរៀបចំឲ្យក្លាយទៅជាទីមកដល់ទេសចរណ៍ ដោយមានទាំង មណ្ឌលផ្នូរសពនាយឧត្តមសេនីយ៍ Vo Nguyen Giap នៅ Vung Chua កោះ Yen ទៀតផង។ លោក Cao Quy Ha អនុប្រធានគណៈកម្មាធិការប្រជាជនឃុំ Canh Duong បានឲ្យដឹងថា មានផ្ទាំងគំនូរចំនួន១៦ដែលបានគូលើជញ្ជាំងតាមកំណាត់ផ្លូវទៅកាន់ សមុទ្រ៖

        “ផ្ទាំងគំនូរលើជញ្ជាំងទាំងនេះត្រូវឆ្លងតាមកំណាត់ផ្លូវទេសចរណ៍។ គំនូរបានឆ្លុះបញ្ជាំងអំពីជីវភាពខាងផលិតកម្ម និងខាងជីវភាពរស់នៅរបស់អ្នកស្រុក។ យើងខ្ញុំក៏បាន ធ្វើការផ្សព្វផ្សាយឲ្យប្រជាជន គេយល់អំពីភូមិទេសចរណ៍។ ហើយតាមរយៈការផ្លាស់ប្តូរ ជាមួយគ្រួសារដែលមានផ្ទាំងគំនូរគូលើជញ្ជាំងនោះ គឺពួកគេពេញចិត្តណាស់ សម្រាប់គម្រោងការនេះ”។

        ភូមិសមុទ្រ Canh Duong ជាភូមិមួយក្នុងចំណោមភូមិសមុទ្រល្បីឈ្មោះទាំង៨ របស់ខេត្ត Quang Binh ដែលជាភូមិមានលក្ខណៈសម្បត្តិគ្រប់គ្រាន់ដើម្បីក្លាយទៅជាទី មកដល់ទេសចរណ៍សហគមន៍តាមឆ្នេរសមុទ្រ។ លោក Ho An Phong នាយកមន្ទីរ ទេសចរណ៍ខេត្ត Quang Binh ឲ្យដឹងថា នាពេលកន្លងទៅ គ្រួសារជាច្រើនគ្រួនៅឃុំ Canh Duong ត្រូវបានបញ្ចូនដល់រមណីដ្ឋាន Phong Nha-Ke Bang ដើម្បីរៀនអំពីរបៀបធ្វើសេវាកម្ម Homestay ។ បច្ចុប្បន្ន មន្ទីរទេសចរណ៍ក៏បាន ជួលជំនាញការបរទេសមក អនុវត្តន៍ផែនការរៀបចំសហគមន៍ទេសចរ ណ៍ភូមិឆ្នេរសមុទ្រ Canh Duong៖

        “ភូមិ Canh Duong មានប្រវត្តិជាង៤០០ឆ្នាំដែលជាភូមិមានលក្ខណៈសម្បត្តិ គ្រប់គ្រាន់ដើម្បីក្លាយទៅជាទីមកដល់ទេសចរណ៍ សហគមន៍ឆ្នេរសមុទ្រ។ ម្យ៉ាងវិញ ទៀត ភូមិមានកម្រាស់ប្រវត្តិសាស្ត្រទាំងពីភាសាតំបន់ផងនិងមានទំនៀមទម្លាប់សែន ត្រីផ្សោតដ៏វិសេសវិសាលបំផុតនៅវៀតណាមទៀតផង”។

        យោងតាមមន្ទីរទេសចរណ៍ខេត្ត Quang Binh ផ្ទាំងគំនូរលើជញ្ជាំងនៅភូមិ Canh Duong មិនដូចទៅនឹងភូមិឆ្នេរសមុទ្រ Tam Thanh របស់ខេត្ត Quang Nam ឬទីតាំង ដទៃដែរ។ រឿងរ៉ាវនៅទីនេះជារឿងរ៉ាងដោយឡែកដែលពោរពេញទៅដោយលក្ខណៈ មនុស្សសាស្ត្រអំពីមនោសញ្ចេតនារវាងអ្នកនេសាទ Canh Duong ជាមួយត្រីផ្សោត ដែលចេះសង្គ្រោះមនុស្ស។ត្រីផ្សោតជាប្រភេទត្រីដែលត្រូវបានប្រជានេសាទ នៅ Canh Duong សែនព្រេនដោយការគោរពបំផុត។

        ក្រៅពីផ្ទាំងគំនូរលើជញ្ជាំងដ៏វិសេសវិសាលមក មកទស្សនាភូមិ Canh Duong ក្នុងឱកាសនេះ ភ្ញៀវទេសចរអាចបានទស្សនានិងចូលរួមនូវសកម្មភាពវប្បធម៌ កីឡា និងសិល្បៈប្រពៃណីរបស់ភូមិនេសាទភាគកណ្តាលវៀតណាម។ មិនត្រឹមតែប៉ុណ្ណោះ ភូមិ Canh Duong កំពុងត្រៀមកសាងលំហរតាំងបង្ហាញឆ្អឹងត្រីតំរី ដើម្បីភ្ញៀវទេសចរ អាចគយគន់ឆ្អឹងត្រីតំរីពីរឈុតគ៏ធំបំផុតនិងយូរបំផុតវៀតណាមក្រោមរូបភាពបុរេប្រវត្តិ៕