VOVWORLD_ភូមិបុរាណ Phuoc Tich មានចំងាយ៤០គីឡូម៉ែត្រ ពីខាងកើត
ក្រុង Hueដោយស្ថិតនៅក្បែរទន្លេ O Lauមានទឹកថ្លាយុងពេញមួយឆ្នាំ។ ភូមិ
Phuoc Tich មានលំហបរិយាកាសបរមបុរាណនិងស្ងប់ស្ងាត់។ ដើរលេងតាម
ផ្លូវក្រាលឥដ្ឋក្រហមក្នុងភូមិនេះវាធ្វើឲ្យភ្ញៀវទេសចរមានការចាប់អារម្មណ៍
យ៉ាងសុខសានត្រាន។
មកទស្សនាភូមិ Phuoc Tich ភ្ញៀវទេសចរ ហាក់ដូចជាវង្វេងក្នុងលំហ
បរិយាកាសបៃតងនៃចំការនិងដើមឈើធំៗ។ នៅផ្លូវចូលភូមិមានដើមច័នដ៏
ធំមួយដើមដែលមានអាយុជាង៥០០ឆ្នាំ។ក្រៅពីនោះនៅមានដើមចំប៉ាមាន
អាយុជាង១០០ឆ្នាំរួមជាមួយដើមអង្គារសីល ស្រល់ និងខ្នោរជាច្រើនទៀត
ដែលត្រូវបានអ្នកភូមិថែរក្សាដូចទ្រព្យសម្បតិ្តដែលមិនអាចកាត់ថ្លៃបានរបស់
សហគមន៍ប្រជាពលរដ្ឋក្នុងភូមិ។ អ្នកស្រី Bui Thi Hai Quyen ជាបុគ្គលិកក្រុម
ហ៊ុនទេសចរណ៍ Que Huongបានឲ្យដឹងថា
“ មកទស្សនាភូមិ Phuoc Tich មុនដំបូងភ្ញៀវទេសចរដើរជុំវិញភូមិដើម្បី
ស្ដាប់សំលេងមាន់រងាវនាពេលព្រឹក ហើយទីនេះទីនោះមានក្លិនឧសឆេះផង
។ នេះជាទិដ្ឋភាពថ្មីថ្មោងចំពោះពួកគេ។ គេទៅទស្សនាផ្ទះបុរណនានាដោយ
ចាប់អារម្មណ៍អំពីរបៀបស្ថាបត្យកម្ម។ ក្រៅពីនេះភ្ញៀវទេសចរក៏ទៅទស្សនា
ឡភាជន៍និងភ្លក់ម្ហូបអាហារនៅតាមផ្ទះបុរណផងដែរ។ ឃ្លាតឆ្ងាយពី
បរិយាកាសអ៊ូអរនៅទីក្រុងគេមកនេះនិងមានចំណាប់អារម្មណ៍ទៅលើ
ជីវភាពរស់នៅសុខសានត្រានរបស់ប្រជាជនក្នុងភូមិ“។
ភ្ញៀវទេសចរដែលមកទស្សនាភូមិ Phuoc Tich ជាលើដំបូងសុទ្ធតែមាន
ការឆ្ងល់ខណប្រទះឃើញផ្ទះបុរាណមួយភូមិរបស់ជនជាតិវៀតណាម។ នា
បច្ចប្បន្នក្នុងភូមិនៅតែមានផ្ទះ Ruong ចំនួនជាង៣០ខ្នងដែលមានអាយុជាង
១០០ឆ្នាំ។ ទឹកដី Hue មានភូមិជាច្រើនដែលល្បីឈ្មោះទៅដោយផ្ទះRuong
ដូចជាភូមិ Kim Long Nguyet Bieu Lai The Ban Mon Nam Pho Can
Te Xuan និង My Loi ក៏ប៉ុន្តែគ្មានភូមិណាដែលមានផ្ទះ Ruong បុរាណច្រើន
ដូចនៅភូមិ Phuoc Tich នេះឡើយ។ ចំណុចលេចធ្លោមួយទៀតនៅភូមិ Phuoc
Tich គឺផ្ទះRuong បុរាណនិមួយៗត្រូវបានសាងសង់ដាច់ដោយឡែកនៅទី
តាំងមួយដោយមានជួរដំណាំតែធ្វើជារបង។ អ្នកភូមិ Phuoc Tich ដាំដំណាំ
តែដើម្បីផ្ដាច់ផ្ទះទាំងឡាយកុំឲ្យនៅជិតគ្នាពេកប៉ុន្តែក៏ទុកចន្លោះសំរាប់បណ្ដា
គ្រួសារអាចទំនាក់ទំនង់ជាមួយអ្នកជិតខាងបានយ៉ាងងាយស្រួល។ លោក
Le Trong Dien ជាម្ចាស់ផ្ទះRuong បុរាណមួយខ្នងក្នុងភូមិ Phuoc Tich បាន
ឲ្យដឹងថាមិនត្រឹមតែរបៀបស្ថាបត្យកម្មវិសេសវិសាលនៃផ្ទះប៉ុណ្ណោះទេថែម
ទាំងចំការក៏ទាក់ទាញទឹកចិត្តភ្ញៀវផងដែរ។
“អ្នកភូមិ Phuoc Tich រាប់អានភ្ញៀវខ្លាំងណាស់ហើយគេចង់ផ្សព្វផ្សាយឲ្យ
ភ្ញៀវដឹងនូវអ្វីៗដែលនៅភូមិដទៃអត់មាន។ ការខុសគ្នានោះគឺគ្រឿងភាជន៍
ចំការដំណាំ និងរបៀបរស់នៅរបស់អ្នកភូមិ“។
មកភូមិ Phuoc Tich ភ្ញៀវទេសចរក៏បានទៅទស្សនាក្រុមសិប្បករបង្ហាញ
នូវបចេ្ចកទេសធ្វើគ្រឿងភាជន៍ផងដែរ។ របរធ្វើគ្រឿងភាជន៍ត្រូវបានជំនាន់
ដូនតាថែរក្សាយ៉ាងហ្មត់ចត់រហូតដល់សម័យកាល។ អ្នកភូមិបានលៃទុកដី
សំរាប់កសាងសារមន្ទីរតាំងបង្ហាញនូវផលិផលថ្មីរួមទាំងបំណែកគ្រឿង
ភាជន៍តាំងពីសម័យមុនមកដោយចាត់ទុកជារបរប្រពៃណីរបស់ភូមិ។ យាយ
Luong Thi Be ជាសិប្បការិនីជើងចាស់មួយរូបបានឲ្យដឹងថា
“មុននេះយើងខ្ញុំធ្វើគ្រឿងភាជន៍គ្រប់មុខហើយលក់ដាច់ណាស់ដោយធ្វើ
ទំនិញមិនទាន់នឹងតម្រូវការឡើយ។ ជីវភាពរស់នៅរបស់អ្នកភូមិសំបូរធូធា
ណាស់ ផ្ទះសំបែងបានសាងសង់ជាច្រើន កូនចៅគ្រប់គ្នាបានរៀនសូត្រចប់
ចុងចប់ដើម។ តាំងពីដើមសតវត្សមុននាងខ្ញុំបានឃើញគេធ្វើគ្រឿងភាជន៍
ហើយចំណូលពីការលក់គ្រឿងភាជន៍គឺសំរាប់សាងសង់ផ្ទះ Ruong និង
សំណង់ផ្សេងៗ”។
មកទស្សនាភូមិបុរាណ Phuoc Tich ភ្ញៀវនឹងបានពិសារម្ហូបជាច្រើនមុខ
ធ្វើដោយបាទដៃប៉ិនប្រសពរបស់បងប្អូននារី។ អ្នកស្រី Nguyen Thi Thuy ឲ្យ
ដឹងថា ក្រុមនារីក្នុងភូមិបានបង្កើតក្លិបម្ហូបដើម្បីធ្វើម្ហូបបំរើភ្ញៀវទេសចរដែល
មកទស្សនាភូមិ។
“នៅនេះមានមុខម្ហូបជាច្រើនដូចជាញាំ សាច់ជ្រូកបីជាន់ញ៉ាំនឹងកាពិ
នុំបាញឆែវ បាញឡក។ សមាគមនារីមានសមាជិកា៧០នាក់គឺមាន១៦នាក់
ចូលរួមក្លិបនេះ។ បងប្អូននារីរួមដៃគ្នាធ្វើម្ហូបឲ្យភ្ញៀវដោយចាត់ចែងការងារ
ឲ្យសមស្រប”។
ម្ហូបឆ្ងាញ់ៗនៃក្លិបនេះក៏ដោយសារមានការចូលរួមណែនាំរូបមន្ត
ពិសេសរបស់តាយាយចាស់ទុំក្នុងភូមិដែរ។ទាំងអស់នេះនាំមកនូវលក្ខណ
ពិសេសដោយឡែកនៃភូមិបុរាណមួយនៅទឹកដីHue ដ៏ស្អាតបំព្រង៕