VOVWORLD_ខែតុលានៅភូមិភាគខាងជើងវៀតណាមជារដូវស្លឹកឈើជ្រុះ
ស្របពេលដែលផ្កា Tam giac mach ជាផ្កាស្រូវសាឡីម្យ៉ាងចាប់ផ្ដើមរីក។ នៅខេត្ត
Ha Giangផ្កា Tam giac mach ពណ៌ផ្កាឈូករីកស្គុះស្គាយនៅតាមជ្រលងភ្នំដែល
ធ្វើឲ្យភ្ញៀវទេសចរចាប់អារម្មណ៍យ៉ាងខ្លាំង។
ជនជាតិ H’mong នៅខេត្ត Ha Giang បានរៀបរាប់ថាផ្កា Tam giac mach បាន
ផ្សាភ្ជាប់ជាមួយជីវភាពរស់នៅរបស់ខ្លួនតាំងពីយូរមកហើយ។ មុននេះត្បិតប្រជា
ជនខ្វះស្បៀងគេបានទៅគ្រប់ទីកន្លែងហើយរកឃើញនៅជ្រលងភ្នំមានផ្កាមួយ
ប្រភេទដុះពេញវាល។ ផ្កានេះមានស្លឹករូបត្រីកោណហើយគ្រាប់មានរសជាតិឆ្ងាញ់
ដូចអង្ករពោត។ ប្រជាពលរដ្ឋប្រើប្រាស់គ្រាប់ Tam giac mach ជាស្បៀង។ គេយក
ម្សៅពីគ្រាប់ Tam giac mach ធ្វើនំឬលាយជាមួយពោតដើម្បីបិទស្រា។តាំងពីនោះ
មក Tam giac mach បានក្លាយទៅជាដំណាំមួយប្រភេទផ្សាភ្ជាប់ជាមួយប្រជាជនពី
ជំនាន់មួយទៅជំនាន់មួយនៅតំបន់ព្រៃភ្នំខេត្ត Ha Giang។
 |
| ជនជាតិ H’mong នៅខេត្ត Ha Giang បានរៀបរាប់ថាផ្កា Tam giac mach បានផ្សាភ្ជាប់ជាមួយជីវភាពរស់នៅរបស់ខ្លួនតាំងពីយូរមកហើយ |
ផ្កា Tam giac mach រីកស្គុះស្គាយនៅខែតុលានិងខែវិច្ឆកា។ រដូវនេះភ្ញៀវទេសចរ
មកកាន់ Ha Giang នឹងឃើញ ផ្កា Tam giac mach រីកពេញជ្រលងភ្នំដែលបង្កើតឡើង
បរិយាកាសដ៍រ៉ូមានទិក។ នៅក្នុងតំបន់ទូលំទូលាយមួយលាតត្រដាងពីស្រុកខ្ពង់រាប
Quan Ba ឆ្លងកាត់ស្រុក Yen Minh Meo Vac រហូតដល់ស្រុក Dong Van នោះនៅតាម
ជើងភ្នំសុទ្ធតែឃើញពណ៌ផ្កាឈូកនៃផ្កា Tam giac mach។ អ្នកស្រី Mai Huong ជាភ្ញៀវ
ទេសចរមកពីក្រុងហាណូយបានឲ្យដឹងថាមុននេះអ្នកស្រីគ្រាន់តែស្គាល់ដល់Ha
Giang មានខ្ពង់រាបថ្មដងទង់Lung Cu វិមានត្រកូល Vuong កំពូលភ្នំ Ma Pi Leng និង
ផ្លូវឈ្មោះសុភមង្គលប៉ុណ្ណោះ។ ឥឡូវនេះមកដល់ Ha Giang អ្នកស្រីមានការចាប់
អារម្មណ៍យ៉ាងខ្លាំងចំពោះសោភ័ណភាពនៃផ្កា Tam giac mach។ អ្នកស្រី Mai Huong
សំណេះសំណាលថា
“ បើមកទស្សនាខេត្ត Ha Giang អ្នកនឹងមានការចាប់អារម្មណ៍និងកោតសសើរ
យ៉ាងខ្លាំងចំពោះប្រជាជនតំបន់ដោយសារនៅទីនេះមានតែភ្នំថ្មហើយមានដីតិចតួច
សំរាប់ដាំដុះដំណាំពោតតែគេបានខំប្រឹងប្រែងឆ្លងកាត់ការលំបាកដើម្បីជីវភាពរស់
នៅ។ នៅជ្រលងភ្នំមានដីរាបស្មើហើយប្រជាជនឆ្លៀតយកដាំផ្កា Tam giac mach។
ឈរនៅចន្លោះរវាងម្ខាងជាភ្នំម្ខាងទៀជាវាលស្រែផ្កានោះអ្នកនឹងឃើញទិដ្ឋភាពស្អាត
ចំលែករបស់ធម្មជាតិនិងមនុស្ស”។
ក្នុងមួយរយៈពេលវែងផ្កា Tam giac mach រស់ជាធម្មជាតិនៅជើងភ្នំដោយមិនសូវ
ធ្វើឲ្យភ្ញៀវទេសចរក្នុងស្រុកចាប់អារម្មណ៍ខ្លាំងឡើយ។ តែក្នុងប៉ុន្មានឆ្នាំកន្លងទៅនេះ
ជាងថតរូបនិងអ្នកកាសែតជាច្រើនបានផ្សព្វផ្សាយអំពីផ្កាប្រភេទនេះតាមរយៈរូបភាព
ដ៏រស់រវើកលើគ្រប់មធ្យោបាយផ្សាយព័ត៌មាន។ ការប្រើបណ្តាញសង្គម Facebook ក៏
ជួយផ្សព្វផ្សាយរូបភាពផ្កាប្រភេទមួយនេះដែរដោយទាក់ទាញយុវជនមកដល់ Ha
Giang ដើម្បីថតរូបផ្កា Tam giac mach កាន់តែច្រើនឡើងៗពីមួយថ្ងៃទៅមួយថ្ងៃ។
ដោយសង្កេតឃើញនូវសក្ដានុពលនៃផ្កា Tam giac machខេត្ត Ha Giang បាន
វិនិយោគប្រាក់និងលើកទឹកចិត្តប្រជាពលរដ្ឋឲ្យពង្រីកការដាំបន្ថែមផ្កានេះក្នុងគោល
បំណងទាក់ទាញភ្ញៀវទេសចរមកទស្សនា។ ឥឡូវនេះនៅវាលស្រែខ្លះគេដាំផ្កា Tam
giac mach តាមរូបភាពផ្កាយ បេះដូង និងរលកដែលធ្វើឲ្យវាលស្រែផ្កាកាន់តែស្រស់
ស្អាតនិងរ៉ូមានទិកថែមទៀត។
បុណ្យផ្កា Tam giac machនឹងត្រូវបានខេត្ត Ha Giang ប្រារព្ធឡើងនាពាក់
កណ្ដាលខែវិច្ឆកាខាងមុខ។តាមលោក Nguyen Van Tai នាយកក្រុមហ៊ុនទេសចរណ៍
VIETSENCE TRAVELឲ្យដឹងថាព្រឹតិ្តការណ៍នេះបានទាក់ទាញការចាប់អាម្មណ៍របស់
ភ្ញៀវទេសចរដែលមក Ha Giang ក្នុងរដូវស្លឹកឈើជ្រុះដើម្បីគយគន់ផ្កា Tam giac
mach រីក។ លោកមានប្រសាសន៍ថា
"ក្រុមហ៊ុនទេសចរណ៍របស់យើងខ្ញុំដើរមុនគេក្នុងការបើកទួរទៅខេត្ត Ha Giang។ VIETSENCEមានបន្ទប់សណ្ឋាគារជាច្រើនរាប់ទាំងសេវាកម្មល្អៗដើម្បីបំរើភ្ញៀវនាខែ
វិច្ឆកាខាងមុខនេះ។ព្រឹតិ្តការណ៍បុណ្យផ្កា Tam giac mach នឹងជួយពង្រីកផ្នែក
ទេសចរណ៍របស់ខេត្ត Ha Giang ជាមិនខាន"។
វាលស្រែផ្កា Tam giac mach ស្រស់បំព្រងរួមជាមួយអត្តសញ្ញាណវប្បធម៌ដ៏សំបូរ
បែបរបស់គ្រប់ជនជាតិនៅខេត្ត Ha Giang កំពុងរង់ចាំលោកអ្នកក្នុងខែតុលានេះនិង
ខែវិច្ឆកាខាងមុខ៕