ក្នុងចំណោមនិស្សិតអន្តរជាតិជាង២០០នាក់នៅក្នុងអន្តេវាសិកដ្ឋាន My Dinh
ដែលកំពុងបំពេញការសិក្សានៅសាកលវិទ្យាលជាតិហាណូយ ទាំងនោះមាននិស្សិត
ថៃចំនួន១០នាក់មកពីមហាវិទ្យាល័យ Ubon Ratchathani។ ជីវភាពរស់នៅរបស់និស្សិត
ថៃនៅទីក្រុងហាណូយ បានប្រព្រឹត្តទៅយ៉ាងម៉េចដែរ? សូមអញ្ជើញលោកអ្នកនាងជួប
ប្រាស្រ័យជាមួយ Kanchariya Putjun, Duangkamon Duangmanee និង ក្រុមមិត្តមួយចំ
នួនដើម្បីស្ដាប់ការចែករំលែករបស់ពួកគេ។
 |
| និស្សិតថៃនៅហាណូយ |
នាម៉ោង៦ព្រឹក នៅក្នុងបន្ទប់មានទំហំជាង៤០ម៉ែត្រក្រឡា នៅជាន់ទី១៨ អន្តរ
វាសិកដ្ឋាន My Dinh Kanchariya Putjun មានឈ្មោះវៀតណាមគឺ Ninhកំពុងត្រៀមរៀប
ចំទៅសាលារៀន។ បន្ទប់របស់ Ninh មានគ្រែពីរជាន់ចំនួន៣ ហើយក្នុងបន្ទប់មាន
បន្ទប់ទឹក និងសម្ភារះគ្រប់គ្រាន់សំរាប់មនុស្សចំនួន៦នាក់។ នេះជាកន្លែងរស់នៅនិង
សិក្សារបស់ Ninh, Duangkamon Duangmanee - ឈ្មោះវៀតណាមគឺ Mai និងនិស្សិតថៃ
ម្នាក់ទៀត ក្នុងរយៈពេល៥ខែកន្លងទៅ៖
“ មានឡានរបស់សាលាមកទទួលនាម៉ោង៧ព្រឹក។ យើងខ្ញុំចូលរៀនម៉ោង៨។ រៀនចប់ មានឡានជូនយើងខ្ញុំវិលត្រឡប់មកអន្តេវាសិកដ្ឋានវិញ។ជាធម្មតា យើង
ខ្ញុំតែងតែហូបបាយនៅសាលាឬនៅកាំងទីនក្នុងអន្តេវាសិកដ្ឋាន។”
 |
| និស្សិតថៃនៅហាណូយ |
មុនពេលមកដល់វៀតណាម នាខែកញ្ញាឆ្នាំ២០១៦កន្លងទៅ Ninh និងមិត្តបាន
រៀនភាសាវៀតណាមនៅមហាវិទ្យាល័យ Ubon Ratchathani។ ឆ្នាំនេះជាឆ្នាំទី៤ និងក៏ជា
ឆ្នាំចុងក្រោយដែរ Ninh និងមិត្តភក្តិបានរៀន ហើយប្រឡងបញ្ចប់ការសិក្សានៅវៀត
ណាម។
“ យើងខ្ញុំទិញសំបុត្រឡានក្រុងចាប់ពីខែធ្នូ នៅសាលា ដោយមានតំលៃ ១០ហ្មឺន
ដុង/ខែ។ ក្រៅពីម៉ោងរៀនយើងខ្ញុំតែងតែទៅដើរលេងនៅបឹង Hoan Kiem ផ្សារទំនើប
Aeon Mart, Eco park និងបឹងលិចជាដើម។”
ប្រសិនបើជីវភាពរស់នៅរបស់ Ninh គឺ ពេលព្រឹកទៅរៀន រសៀលរំលឹកមេរៀន
ឡើងវិញ និងចុងសប្ដាហ៍ទៅដើរលេងនៅទីក្រុងហាណូយ ។ រីឯ មិត្ត Duangkamon
Duangmanee ឈ្មោះជាភាសាវៀតណាមគឺ Mai ចូលចិត្តស្វែងយល់ទឹកដីនិងមនុស្ស
វៀតណាម តាមរបៀបផ្សេងទៅវិញ៖
“ ក្រៅពីម៉ោងរៀននៅក្នុងបន្ទប់នេះ ខ្ញុំតែងតែទៅដើរលេងតាមដងវិថី ឬទៅផ្សារ។
ខ្ញុំចូលចិត្តនិយាយលេងជាមួយអ្នកលក់។ប្រសិនបើនិយាយមិនបានច្បាស់ឬនិយាយ
គេមិនយល់ គឺខ្ញុំត្រូវនិយាយឡើងវិញ។ ក្រៅពីនោះ ខ្ញុំក៏ធ្វើបន្ថែមម៉ោងនៅក្រុមហ៊ុន
បៀសិង្ហបុរីនៅផ្សារណាត់ថៃ។ខ្ញុំទៅធ្វើការដោយឡានក្រុង។ខ្ញុំចង់ធ្វើការច្រើន ពីព្រោះ
វានឹងនាំមកនូវអត្ថប្រយោជន៍សំរាប់ការងារក្នុងអនាគត។”
 |
| និស្សិតថៃនៅហាណូយ |
ជីវភាពរស់នៅនិងសិក្សានៅវៀតណាមបានជួយអោយ Ninh និង Mai សិក្សារៀន
សូត្របានច្រើនផង និងស្គាល់មិត្តភក្តិថ្មីច្រើនទៀតផង ជាពិសេសគឺមិត្តវៀតណាម។
Tung និស្សិតនៅសាកលវិទ្យាល័យជាតិហាណូយ ដែលកំពុងរស់នៅក្នុងអគារជាមួយ
Ninh បានអោយដឹងថា៖
“ ក្នុងពេលដែល មិត្តថៃជួបការលំបាកក្នុងមេរៀន មិត្តតែងតែសួរយើងខ្ញុំ។ពាក្យណា
ដែលមិត្តមិនយល់ គឺខ្ញុំអត្ថាធិប្បាយ ឬជួយឧបត្ថម្ភមិត្តបើកវចនានុក្រម។ នៅមិត្ត
ចេញទៅខាងក្រៅ មិត្តមិនស្គាល់ផ្លូវ ខ្ញុំអាចណែនាំ ឬទៅជាមួយ។ ចុង សប្ដាហ៍ ខ្ញុំតែង
តែនាំមិត្តទៅពិសារម្ហូបវៀតណាម ដូចជា៖ ហ្វើ នំបញ្ចុក…លៗ”
ដោយមានការយកចិត្តទុកដាក់ និងជួយឧបត្ថម្ភពីលោកគ្រូ អ្នកគ្រូ និងមិត្តវៀត
ណាម ក្រុមនិស្សិតថៃបានឆ្លងកាត់ការលំបាកក្នុងជីវភាពរស់នៅ និងសម្របខ្លួនចូល
ក្នុងជីវភាពរស់នៅ នៅវៀតណាម។ Mai ចែករំលែកអំពីអនុស្សាវរីយ៍មួយក្នុងឱកាស
ទៅទទួលបុណ្យចូលឆ្នាំថ្មីវៀតណាម នៅផ្ទះមិត្តនៅខេត្ត Thanh Hoa៖
“ នេះជាលើកដំបូងខ្ញុំបានទទួលបុណ្យចូលឆ្នាំនៅវៀតណាម។ចាប់ពីពេលព្រឹក ឪពុក
ម្តាយរបស់មិត្តបាននាំខ្ញុំទៅដើរលេងនៅផ្ទះរបស់ពូ មីញ។ ខ្ញុំឃើញថាបុណ្យចូលឆ្នាំថ្មី
វៀតណាមសប្បាយរីករាយជាងបុណ្យចូលឆ្នាំថ្មីថៃ។ ប្រជាជននៅខេត្ត Thanh Hoa គួរ
អោយស្រឡាញ់ណាស់។ គេចូលចិត្តថៃចូលចិត្តប្រជាជនថៃ និងចូលចិត្តមើលរឿងថៃ។”
នៅសល់តែមួយខែទៀត Ninh និង Mai នឹងបញ្ចប់ការសិក្សានៅវៀតណាម ដើម្បីវិល
ត្រឡប់ទៅថៃវិញ។ ប៉ុន្តែ មិត្តទាំងពីរនាក់សុទ្ធតែមានគោលបំណងបានបន្តការសិក្សា
នៅវៀតណាម។ ទោះបីជាលក្ខណះនៅថៃល្អក្តី ប៉ុន្តែ ជីវភាពរស់នៅរបស់វៀតណាម ក៏
នាំមកនូវឱកាសថ្មីគួរអោយចាប់អារម្មណ៍ដែរ៕