(VOV)_ បណ្ដាប្រទេសជា​សមាជិកអាស៊ានកំពុងខិត​ខំប្រឹងប្រែង​ត្រៀមរៀប​ចំ​អោយការបង្កើតសហគមន៍​សេដ្ឋកិច្ចអាស៊ាន គូសសញ្ញាអំពីការធ្វើស​មាហរណ​កម្មលើគ្រប់វិស័យ នៃបណ្ដាខឿនសេដ្ឋកិច្ចតំបន់អាស៊ីអាគ្នេយ៍ ក្នុងការខំប្រឹង​ប្រែង កសាងសហគមន៍អាស៊ានរួមនាឆ្នាំ២០១៥។ ដូច្នេះ នេះនឹងជារបតសំខាន់​ក្នុង​ការ​អភិវឌ្ឍន៍សេដ្ឋកិច្ចរបស់អាស៊ាន។ ​

សហគមន៍សេដ្ឋកិច្ចអាស៊ានក្រោយឆ្នាំ២០១៥

          គិតរហូតមកដល់ពេលនេះ គំរោងផែនការកសាងសហគមន៍សេដ្ឋកិច្ចអាស៊ាន​សម្រេចបានជាង៨០%ហើយ។ នាបច្ចុប្បន្ន បណ្ដាប្រទេសជាសមាជិកអាស៊ាន​កំពុងពិភាក្សាអំពីកិច្ចព្រមព្រៀងផ្លាស់ប្តូរទំនិញអាស៊ានសំរាប់បណ្ដាសមាជិក​ដែលកំពុងអភិវឌ្ឍន៍យឹតយ៉ាវជាងគេក្នុងប្លុក ដូចជា÷ កម្ពុជា ឡាវ មីយ៉ាន់ម៉ា និង
វៀត​ណាម លុបបំបាត់ចោលរបងក្រៅពន្ធនិងរដ្ឋាការ ​បង្កលក្ខណះងាយស្រួល
ដល់ការ​ផ្លាស់ប្តូរពាណិជ្ជកម្មនៅក្នុងអាស៊ាន…លៗ។ តាមផែនការ នាចុងឆ្នាំ
 ២០១៥ ​សហគមន៍អាស៊ាននឹងបានបង្កើតឡើង ដោយឈរលើសរសរសំខាន់
ចំនួន៤  គឺ÷ បង្កើតទីផ្សារ​ និងមូលដ្ឋានផលិតកម្មរួម១ កសាងមណ្ឌលសេដ្ឋកិច្ច
ប្រកួតប្រ​ជែង បណ្ដាសមាជិកអភិវឌ្ឍន៍សេដ្ឋកិច្ចប្រហាក់ប្រហែលគ្នា និងធ្វើស
មាហរណ​កម្មចូលក្នុងខឿនសេដ្ឋកិច្ចសកល។ ប្រការទាំងនេះ នឹងជួយអាស៊ាន
អោយ កាន់តែសកម្មជាង ទិន្នផលខ្ពស់ជាង និងមានកម្លាំងប្រកួតប្រជែងខ្លាំង
ជាង បើប្រៀបនឹង​​មណ្ឌលសេដ្ឋកិច្ចផ្សេងៗទៀតលើពិភពលោក។ សាស្ត្រាចារ្យ
 Hidetoshi Nishimura នាយកប្រតិបត្តិ​ នៃវិទ្យាស្ថានស្រាវជ្រាវសេដ្ឋកិច្ចអាស៊ាន  និងអាស៊ីអាគ្នេយ៍ បានអះអាងថា ការធ្វើសមាហរណកម្មសេដ្ឋកិច្ចក្នុងអាស៊ាន
 នឹងត្រូវបានជំរុញដោយសកម្មភាពសេដ្ឋកិច្ចជាក់ស្ដែង÷

          “ សហគមន៍សេដ្ឋកិច្ចអាស៊ាន មានគោលដៅសំខាន់ចំនួន២ នោះគឺសេរី​ភាវូបនីយកម្មពាណិជ្ជកម្ម និងបង្កើតមូលដ្ឋានផលិតកម្មតែមួយគត់។ ប្រការនេះ
ត្រូវ បានផ្សាភ្ជាប់ជាមួយបណ្ដាញផលិតកម្មជឿនលឿនដែលបានបង្កើតឡើង នៅក្នុងតំបន់ក្នុងរយៈពេល​៣ទស្សវត្ស៍​កន្លងទៅ។ នេះគឺជាស្នាដៃ១ដ៏អស្ចារ្យ
 និងវិសេសបំផុត។ បណ្ដាញផលិតកម្មនេះ​មិនមាននៅទ្វីបអឺរ៉ុប ឬបណ្ដាប្រ
ទេសលោកខាងលិច។ ”

          យ៉ាងណាមិញ ការផ្សាភ្ជាប់រវាងបណ្ដាប្រទេសអាស៊ានមិនទាន់បានខ្ពស់
នៅឡើយ។ ដូច្នេះ ដើម្បីសហគន៍សេដ្ឋកិច្ចអាស៊ានបានកសាងឡើង  និងអភិ
វឌ្ឍន៍  ក្រោយឆ្នាំ ២០១៥ បណ្ដាប្រទេសជាសមាជិកអាស៊ាន ត្រូវជំរុញខ្លាំងថែម ទៀតការចងសម្ព័ន្ធនៅក្នុងប្លុក និងតំបន់។ លោក George Yeo ប្រធានសម្ព័ន្ធក្រុម
ហ៊ុន Kerry Logistics និងជាអតីតរដ្ឋមន្ត្រីការបរទេសសិង្ហបុរី បានអះអាងថា÷

          “ ទំនាក់ទំនងរវាងអាមេរិក-ចិន ចិន-ឥណ្ឌា នឹងមាន​ការជះឥទ្ធិពល​យ៉ាង​ជ្រាលជ្រៅទៅលើអនាគតរបស់អាស៊ាន។ អាស៊ានរក្សារបានតួនាទីសម្រេចកំ
ណត់ឬទេ  គឺអាស្រ័យទៅលើការដែលអាស៊ានកាន់តែ​សាមគ្គីភាពជាមួយគ្នា​
 ធ្វើសមាហរណ​កម្មជាង និងកិច្ចសហប្រតិបត្តិការជាមួយគ្នា ឬអត់?”

          ដូច្នេះ ឆ្នាំ២០១៥ជារបត់ប្រវត្តិសាស្ត្រមួយដែលគូសសញ្ញា​ការ​បង្កើត​សហ គមន៍សេដ្ឋកិច្ចអាស៊ាន ។ បន្ទាប់ពីឆ្នាំ ២០១៥ បណ្ដាប្រទេសជា​សមាជិក នឹង មានការងារជាច្រើនត្រូវបំពេញជាពិសេសគឺការលុបបំបាត់ចោល​របងពន្ធនិង
រដ្ឋាការ  ជំរុញការវិនិយោគ ដើម្បីក្លាយទៅជាតំបន់វិនិយោគគួរអោយទាក់ទាញ  អភិវឌ្ឍន៍ខឿនសេដ្ឋកិច្ចរួមសំដៅបង្រួញគំលាតអភិវឌ្ឍន៍រវាងប្រទេសនានា
នៅក្នុងតំបន់​៕