ពិព័ណ៖អាវអៀម-សម្រស់នៃសំលៀកបំពាក់វៀតណាម (VOV)

        Vovworld-ពិព័ណអាវអៀម-សម្រស់នៃសំលៀកបំពាក់វៀតណាម ដោយ​
គណៈកម្មការគ្រប់គ្រងវិថីបុរាណទីក្រុងហាណូយរៀបចំកំពុងបានប្រព្រឹត្តទៅ
នៅសាលាភូមិ Dong Lac លេខ៣៨វិថី Hang Dao ទីក្រុងហាណូយ។ ពិព័ណ​បាន
ឧទ្ទេសនាមអំពីសំលៀកបំពាក់មួយក្នុងចំណោមសំលៀកបំពាក់បុរាណដ៏​វិសេស
វិសាលរបស់ឃ្លាំងសំលៀកបំពាក់ប្រពៃណីវៀតណាម រួមចំណែកក្នុងការ​រក្សា
​អភិរក្សនូវតំលៃនៃសំលៀកបំពាក់អាវទ្រនាប់និងរបរតម្បាញសូត្រ របរមួយ​ក្នុង
​ចំណោមរបរសិប្បកម្មប្រពៃណីដ៏ពិសេសរបស់មនុស្សវៀតណាមមុននេះ។

 “-នេះជាបណ្ដាសំលៀកបំពាក់ប្រពៃណីដែលនារីវៀតណាមមុននេះស្លៀកពាក់

-តើក្រណាត់នេះសុទ្ធតែជាសូត្រដែរឬទេ?

-ខ្ញុំឃើញថានៅខាងក្នុងគឺជាអាវអៀមនៅខាងក្រៅគឺអាវមាន៤ផ្ទាំង។​ក្រៅពី​នោះ​
គេមានអាវអៀមនិងអាវមាន៤ផ្ទាំងក្នុងពេលទៅស្រែទៀតផង។

-ត្រូវហើយ ខ្ញុំឃើញថានោះគឺជាសម្លៀកបំពាក់ប្រចាំថ្ងៃរបស់គេនោះ។”

        លោកអ្នកនាងកំពុងបានស្ដាប់ការសំណេះសំណាលរបស់មិត្តវ័យក្មេង២​នាក់
នៅពិព័ណ អាវទ្រនាប់-សម្រស់នៃសម្លៀកបំពាក់វៀតណាម។ មកដល់​ពិព័ណ
ទស្សនិកជនមិនត្រឹមតែបានទស្សនានិងចាប់អារម្មណ៍រាល់រូបថត​ឯកសារ​អំពីនារី
វៀតណាមមុននេះក្នុងសម្លៀកបំពាក់អាវទ្រនាប់ប៉ុណ្ណោះទេ ថែម​ទាំងបានឃើញ
ផ្ទាល់នឹងភ្នែករាល់ឧបករនិងវត្ថុធាតុដើម្បីត្បាញឡើងផ្ទាំងសូត្រដ៏ល្បីឈ្មោះនៃ
ដំបន់ដីហាណូយមុននេះ។ អាវទ្រនាប់ជាសម្លៀកបំពាក់មិនអាច​ខ្វះបានរបស់នារី
វៀតណាមមុននេះ។ អាវទ្រនាប់ជួយឲ្យនារីអាចបង្ហាញនូវ​សម្រស់រាងកាយរបស់
ខ្លួន។ នាសតវត្សទី១៨-១៩ អាវទ្រនាប់មានរាង៤ជ្រុង​ឈាង​​នៅមុខទ្រូង នៅខាង
លើមូលធ្វើជាកអាវទ្រនាប់មានខ្សែដើម្បីចងទៅខាង​ក្រោយខ្នង។ នៅសង្ខាងមាន
ខ្សែដើម្បីចងទៅខាងខ្នង។​ឈានទៅសតវត្សទី២០​អាវទ្រនាប់កាន់តែនិយមប្រើ
ប្រាស់ដោយមានរូបរាងនិងរចនាដ៏សម្បូរបែប។ អាវ​ទ្រនាប់មានវត្តមានក្នុងជីវភាពរបស់នៅរបស់ប្រជាជនវៀតណាមនៅភាគ​ខាង​ជើង​មុននេះនៅគ្រប់ស្រទាប់។​លោកស្រី Nguyen Thi Thu Thuy ដំណាងគណៈ​កម្មាធិការគ្រប់គ្រងវិថីបុរាណហាណូយបានឲ្យដឹងថា៖

        “នៅពិព័ណ យើងខ្ញុំបានសង្កត់ធ្ងន់ជាច្រើនដល់សម្លៀកបំពាក់អាវទ្រនាប់​ទោះបីជានេះជាសម្លៀកបំពាក់ខាងក្នុងរបស់នារីមុននេះប៉ុន្តែវាមានរូបភាពនិមិត្តរូបដ៏ស្អាត បង្ហាញបាននូវសម្រស់របស់នារី។​ តាមរយៈរូបភាពអាវទ្រនាប់ តាម​ព័រ​និងក្រណាត់យើងអាចឃើញនូវវណ្ណៈរបស់នារីមុននេះ។”

នេះជាបណ្ដាសំលៀកបំពាក់ប្រពៃណីដែលនារីវៀតណាមមុននេះស្លៀកពាក់ (VOV)

      ថាំងឡុងមុននេះជាកន្លែងប្រមូលផ្ដុំរបស់ភូមិរបរប្រពៃណីឆ្លងតាមជំនាន់ជាច្រើន។ ភូមិរបរ វិថីរបរថាំងឡុងមិនត្រឹមតែនាំមកនូវតំលៃសេដ្ឋកិច្ចអភិវឌ្ឍន៍​ផ្នែក​ទេសចរណ៍ប៉ុណ្ណោះទេ​ ថែមទាំងរួមចំណែកផ្សព្វផ្សាយវប្បធម៍រក្សារាល់​បេតិកភ័ណ្ឌ​ដែលបានបន្សល់ទុកមកពីជីដូនជីតា។ លោកស្រី Nguyen Thi Thu Thuy បានឲ្យដឹងបន្ថែមទៀតថា៖

        “ដោយមានគោលដៅផ្សព្វផ្សាយរាល់តំលៃវប្បធម៍អរូបីរ៌ក្នុងមណ្ឌលវិថី​បុរាណហាណូយ គណៈកម្មការគ្រប់គ្រងវិថីបុរាណហាណូយបានរៀបចំពិព័ណ​អាវទ្រនាប់ សម្រស់នៃសម្លៀកបំបាក់វៀតណាមនៅហាណូយ។ ពិព័ណបាន​ចាប់​​ផ្ដើមពីប្រវត្តិសាស្ត្រវិថីរបររបស់ថាំងឡុង-ហាណូយមុននេះ ប្រមូលផ្ដុំនូវ​របរ​ប្រពៃណីជាច្រើន ក្នុងនោះមានវិថី Hang Dao ជំនាញអំពីរបរសូត្រនិងសាលា​ភូមិ Dong Lac ស្ថិតនៅវិថី Hang Dao ជាសាលាភូមិផ្សារអាវទ្រនាប់សូត្រ​របស់​ថាំងឡុងមុននេះ។”

        ពិព័ណអាវទ្រនាប់-សម្រស់នៃសម្លៀកបំពាក់វៀតណាមមិនត្រឹមតែទាក់​ទាញបានភ្ញៀវទស្សនាក្នុងប្រទេសប៉ុណ្ណើទេ​ដែលទាំងមានការយកចិត្ត​ទុកដាក់​របស់ភ្ញៀវទេសចរណ៍បរទេសទៀតផង។ លោក Han ភ្ញៀវទេសចរណ៍សឹង្ហបុរី​បានចែករំលែកថា៖

        “ខ្ញុំបានឃើញពិព័បានរក្សារាល់ឯកសារអំពីប្រវត្តិសាស្ត្រវៀតណាម។ ​ពេល​ខ្ញុំមកដល់ទីនេះ ខ្ញុំបានឃើញរូបភាពវិថីបុរាណហាណូយមុននេះក៏ដូចជា​សកម្មភាព​របស់ប្រជាជននៅវិថី ដូចជានាំយើងខ្ញុំមកនឹងទីក្រុងហាណូយ​មុន​នេះ។”

        ពិព័ណ៖អាវទ្រនាប់សម្រស់នៃសម្លៀកបំពាក់វៀតណាមបានជួយឲ្យ​ទស្សនិកជនយល់បន្ថែមអំពីប្រភពដើម ប្រវត្តសាស្ត្រនៃសម្លៀកបំពាក់មួយ​ក្នុង​ចំណោមសម្លៀកបំពាក់ប្រពៃណីជាតិ តាមរយៈនោះរួមចំណែកក្នុងការអភិរក្ស​នូវតំលៃសម្លៀកបំពាក់អាវទ្រនាប់ក៏ដូចជារបរតម្បាញសូត្ររបស់វៀតណាម៕