(VOV)_ត្រូវប្រព្រឹត្តទៅនាចុងខែមិនាជាប្រចាំឆ្នាំ ម៉ោងផែនដីជាព្រឹត្តិការណ៍១
ក្នុងចំណោមព្រឹត្តិការណ៍ទាក់ទាញការយកចិត្តទុកដាក់ពីប្រជាជនគ្រប់រូបលើពិភព
លោក។ ទៅតាមឆ្នាំនិមួយៗតែងតែមានសារខុសៗគ្នា ប៉ុន្តែ សុទ្ធតែឆ្ពោះទៅគោល
ដៅ១គឺដើម្បីផែនដីបៃតង១ ស្អាត និងលើកកំពស់មនសិការរបស់ប្រជាជនអំពីការ
សន្សំសំចៃថាមពល។ ម៉ោងផែនដី ឆ្នាំ ២០១៥ ដោយមានប្រធានបទ៖ សន្សំសំចៃ
ថាមពល-ទប់ទល់នឹងបំរ៉ែបំរួលអាកាសធាតុ ត្រូវបានយុវជនរដ្ឋធានីហាណូយជា
ច្រើននាក់ជួយជ្រោមជ្រែងដោយសកម្មភាពជាក់ស្ដែងនានា។
 |
| យុវវ័យរដ្ឋធានីរួមគ្នាធ្វើសកម្មភាពដើម្បីសន្សំសំចៃថាមពល |
ចាប់ពីដើមខែមិនាឆ្នាំ ២០១៥ នៅរដ្ឋធានីហាណូយ សកម្មភាពជាច្រើនដើម្បី
បរិស្ថានបានលាតត្រដាងអនុវត្តព្រមៗគ្នា ក្នុងបំណងជួយជ្រោមជ្រែងយុទ្ធនាការ
ម៉ោងផែនដី ឆ្នាំ ២០១៥ ដោយមានសារ១គឺ៖ សន្សំសំចៃថាមពល ទប់ទល់នឹងបំរ៉ែ
បំរួលអាកាសធាតុ។ នៅវេលាម៉ោង៨និង៣០នាទី ថ្ងៃទី២២ មិនា ១សប្ដាហ៍ មុន
យុទ្ធនាការម៉ោងផែនដី ឆ្នាំ ២០១៥ នៅទីលានបដិវត្តន៍ខែសីហា រដ្ឋធានីហាណូយ សិស្សានុសិស្ស និស្សិត យុវជនស្ម័គ្រិចិត្តរាប់ពាន់នាក់ និងប្រជាជនរដ្ឋធានីជា
ច្រើនកុះករ បានចូលរួមកម្មវិធីបិទភ្លើង និងឧបករណ៍ប្រើអគ្គីសនីមិនចាំបាច់ ក្នុង
រយពេល១ម៉ោង។ ចូលរួមពិធីនេះ មិត្ត Nguyen Bich Phuong និស្សិតនៃសាលា
សភាបណ្ឌិតសារព័ត៍មាននិងឃោសនា បានចែករំឡែកថា៖
“ ខ្ញុំចង់និយាយជាមួយបណ្ដាមិត្តនិស្សិតថា៖ ចូរសន្សំសំចៃថាមពល ដើម្បី
កាត់បន្ថយការរងឥទ្ធិពលពីបំរ៉ែបំរួលអាកាសធាតុ។ ពីព្រោះថា យើងជាមនុស្ស
កសាងផែនដីនេះ ធ្វើអោយផែនដីនេះស្អាតជាង និងចីរភាពជាង។”
 |
| យុវវ័យរដ្ឋធានីរួមគ្នាធ្វើសកម្មភាពដើម្បីសន្សំសំចៃថាមពល |
ក្រោយរយៈពេល១ខែបំផុសឡើង យុទ្ធនាការម៉ោងផែនដី ឆ្នាំ ២០១៥ នៅរដ្ឋធា
នីហាណូយ បានប្រព្រឹត្តទៅសកម្មភាពជាក់ស្ដែងជាច្រើន ដូចជាការប្រឡងគូប្លង់
Poster ស្ដីពីបរិស្ថាន និងសន្សំសំចៃថាមពល ហើយវណ្ណកម្មចំនួន៥០០បានចូលរួម។
ខ្លឹមសារនៃ Poster និមួយៗនេះសុទ្ធតែបង្ហាញនូវការច្នៃប្រឌិតថ្មី ក្នុងការឃោសនា
លើកកំពស់មនសិការរបស់ប្រជាជនអំពីការសន្សំសំចៃថាមពល។ ប៉ុន្តែ ប្រការសំ
ខាន់នោះគឺបង្ហាញនូវស្មារតីរបស់បណ្ដាយុវជនដែលត្រៀមខ្លួនជាស្រេចផ្សព្វផ្សាយ
សារ ដើម្បីបរិស្ថានក្នុងសហគមន៍។ មិត្ត Nguyen Viet Hung និស្សិតនៃមហាវិទ្យា
ល័យអគ្គីសនីហាណូយ បានចែករំឡែកថា៖
“ ចូលរួមការប្រឡងនេះ ខ្ញុំសប្បាយរីករាយយ៉ាងក្រៃលែង។ ពីព្រោះ កម្មវិធី
នេះមានអត្ថន័យជាច្រើន ក្នុងជីវភាពរស់នៅ នោះគឺជាបញ្ហាការពារបរិស្ថាន និង
សន្សំសំចៃថាមពល។”
យុទ្ធនាការម៉ោងផែនដី គឺប្រមូលផ្តុំកម្លាំងសហគមន៍ រួមដៃធ្វើសកម្មភាពដើម្បី
សន្សំសំចៃថាមពល។ បណ្ដាបទចម្រៀង ល្ខោន ដែលបានសម្ដែងនៅទីនេះ សុទ្ធតែមានសារ១គឺ៖ សន្សំសំចៃថាមពល ទប់ទល់នឹងបំរ៉ែបំរួលអាកាសធាតុ។ បវរកញ្ញា
Thuy Van ឯកអគ្គរដ្ឋទូតសុឆ័ន្ទះនៃយុទ្ធនាការម៉ោងផែនដី វៀតណាម បានចែករំលែកថា៖
“ បំរ៉ែបំរួលអាកាសធាតុ ជាបញ្ហាដែលយើងបានស្ដាប់ជាច្រើនហើយ ប៉ុន្តែ
ដើម្បីដឹងអំពីបណ្ដាការងារ បណ្ដាបាតភូតជាក់ស្ដែង ដែលជះឥទ្ធិពលដល់ជីវភាព
រស់នៅរបស់យើង គឺចាំបាច់ជំរុញការងារឃោសនា និងកម្មវិធីឃោសនាអំពីម៉ោង
ផែនដី។”
 |
| កម្មវិធីជិះកង់តាមវិថីនានាដើម្បី ឃោសនាអំពីម៉ោងផែនដី |
រួមជាមួយទន្ទឹមនឹងបណ្ដាសកម្មភាពវប្បធម៌ សិល្បះ ស្ដីពីម៉ោងផែនដី កម្មវិធីជិះ
កង់តាមវិថីនានាដើម្បី ឃោសនាអំពីម៉ោងផែនដីក៏ត្រូវបានរៀបចំឡើងផងដែរ។ កង់
និមួយៗមានពាក្យស្លោក១ ស្ដីពីការសន្សំសំចៃអគ្គីសនីនេះ បានបង្កើតឡើងរូបភាព
ថ្មីដ៏ចំឡែក របស់រដ្ឋធានីហាណូយ ក្នុងប៉ុន្មានថ្ងៃចុងសប្ដាហ៍។ តាមបង Nguyen Huy
Minh ជនហាណូយមួយនាក់ថា៖ កម្មវិធីម៉ោងផែនដីនេះក្រៅពីមានអត្ថន័យការបិទ
ភ្លើង សន្សំសំចៃអគ្គីសនីនេះ វានៅមានអត្ថន័យធំធេងទៀតគឺ៖១ម៉ោងនេះមិនគ្រាន់
តែជា១ម៉ោងការពារបរិស្ថានប៉ុណ្ណោះទេ ថែមទាំងជា១ម៉ោងដើម្បីយើងរួមគ្នាគិតគូ
ក្រលែកមើលអ្វីដែលយើងធ្វើបាន ក្នុងរយៈពេល១ឆ្នាំកន្លងទៅ បណ្ដាប្រការល្អប្រ
សើរនិងឆ្ពោះទៅអ្វីល្អស្អាតជាងសំរាប់ផែនដីនាពេលខាងមុខនេះ។
យុទ្ធនាការម៉ោងផែនដី ២០១៥ ដែលបានរៀបចំឡើងនៅវៀតណាម បាន
បង្កើតឡើងការផ្លាស់ប្តូរសកម្មជាច្រើន ក្នុងការយល់ដឹង និងសកម្មភាពរបស់ប្រជា
ជនដើម្បីការពារបរិស្ថានទប់ទល់នឹងបំរ៉ែបំរួលអាកាសធាតុ និងសន្សំសំចៃថាម
ពល។ នៅវេលាម៉ោង២០និង៣០នាទី ដល់ម៉ោង២១និង៣០នាទី ថ្ងៃទី២៨មិនា
នៅទីលានបដិវត្តិន៍ខែសីហា ហាណូយ បណ្ដាសមាជិកសម្ព័ន្ធសមាគមយុវជន
និងប្រជាជនហាណូយ បន្តចូលរួមកម្មវិធីបិទភ្លើង ជួយជ្រោមជ្រែងយុទ្ធនាការ
ម៉ោងផែនដី ឆ្នាំ២០១៥៕