|
ចម្រៀងប្រជាប្រិយជនរួមជាតិ Giay-ស្ពានតភ្ជាប់សហគមន៍ (Internet) |
Vovworld- ជនរួមជាតិ Giay មានប្រភេទចម្រៀងប្រជាប្រិយជាច្រើននិងប្រភេទ
នីមួយៗមានបទនិងចង្វាក់ច្រើនខុសពីគ្នា។ ខ្លឹមសារនៃបទចម្រៀងបានឆ្លុះបញ្ចាំង
ពីជីវភាពរស់នៅដោយមនោសញ្ចេតនារបស់ប្រជាជនដំបន់ព្រៃភ្នំឆ្ងាយដាច់
ស្រយាល។ បទចម្រៀងទាំងនេះ ស្ងើចសសើរធម្មជាតិនិងសេចក្តីស្នេហាជាដើម។ បណ្ដាបទចម្រៀងបានច្រៀងបន្ទរក្នុងរាល់សកម្មភាពសង្គមដូចជាបុណ្យសព
អាពាហ៍-ពិពាហ៍ពិធីបុណ្យនានា។ លោក San Chang អ្នកស្រាវជ្រាវបទចម្រៀង
ប្រជាប្រិយរបស់ជនរួមជាតិGiay នៅឃុំ Ta Van Giay ស្រុក Sapa ខេត្ត Lao Cai ភាគ
ខាងជើងវៀតណាមបានឲ្យដឹងថា៖
“មានបទចម្រៀង៣សំរាប់អាពហ៍-ពិពាហ៍។ ក្នុងពេលបាយមិត្តភក្តិនៅគ្រួសារ
កូនក្រមុំ មិត្តភក្តិច្រៀងផ្ដែផ្ដាំកូនក្រមុំនោះ ឬមានអ្នកច្រៀងបង្ហាញនូវភាពសោក
ស្ដាយពេលមិត្តទៅរស់នៅកន្លែងផ្សេង។បន្ទាប់នោះជាពេលបាយមុនពេលចេញ
ពីទ្វា។ ម្ដាយឬមីងបងស្រីច្រៀងផ្ដែផ្ដាំកូនក្រមុំទៅគ្រួសារកូនកំលោះនោះត្រូវធ្វើ
យ៉ាងម៉េច។ រីឯកូនក្រមុំអាចច្រៀងថ្លែងអំណរដឹងគុណការចិញ្ចឹមបីបាច់របស់ឪពុក
ម្ដាយ។”
ទំនៀមទំលាបដ៏ល្អស្អាត នេះនៅតែបានរក្សាដល់បច្ចុប្បន្ន។ ប៉ុន្តែពាក្យពេជ
ត្រូវបានវិវឌ្ឍន៍ឲ្យសមស្របជាមួយការពិតជាក់ស្ដែងនៃជីវិតទំនើប។
“ក្នុងឱកាសបុណ្យតេត មិត្តភក្តិមកលេងផ្ទះគ្នា។ ក្នុងពេលបាយគេអាចច្រៀង
សប្បាយជាមួយគ្នា។ ពេលបាយច្រៀងជាមួយគ្នានោះ មានគោលការណ៍មួយគួរ
ឲ្យយកចិត្តទិកដាក់។ ប្រសិនជាគេអញ្ចើញមេភូមិនោះ គាត់ជាអ្នកច្រៀងដំបូងបង្អស់
ហើយបន្ទាប់នោះជាម្ចាស់ផ្ទះនិងមិត្តភក្តិ។ បទចម្រៀងស្ងើចសសើរចំណងមិត្តភាព។”
បណ្ដាបទចម្រៀងប្រជាប្រិយបានស្រូបយកភាគច្រើនក្នុងពិធីបុណ្យនានានិង
រក្សាតួនាទីសំខាន់ក្នុងឃ្លាំងវប្បធម៍របស់ជនរួមជាតិ Giay។ ចំពោះជនរួមជាតិ Giay
នោះបទចម្រៀងប្រជាប្រិយរបស់ជនជាតិមានកំលាំងបញ្ជូនមនោសញ្ចេតនាយ៉ាង
ខ្លាំងក្លាក្នុងសតិអារម្មណ៍របស់មនុស្សម្នាក់ៗ។
ជីវភាពរស់នៅប្រចាំថ្ងៃរបស់ជនរួមជាតិ Giay មានរបៀបច្រៀងជាច្រើន ប៉ុន្តែ
របៀបច្រៀងសាមញ្ញបំផុតដែលគេនៅតែច្រៀងគឺចម្រៀងឆ្លើយឆ្លង។ ប្រភេទចម្រៀង
នេះដូចជាពិធីការសំខាន់បង្ហាញនូវមុខមាត់របស់ភូមិនិងក៏បង្ហាញភាពរាក់ទាក់ជា
មួយភ្ញៀវរបស់កំលោះក្រមុំក្នុងភូមិពេលមានមិត្តភក្តិនៅឆ្ងាយមកលេងផ្ទះ។
រាល់ពាក្យពេជសំនៀងបានក្លាយទៅជាផ្នែកមួយមិនអាចខ្វះបានក្នុងជីវភាពរស់
នៅប្រចាំថ្ងៃរបស់ជនរួមជាតិ Giay។ គេបានច្រៀងខណៈដែលគេទុក្ខព្រួយ សប្បាយ
ឬពេលគេធ្វើការ។ លោកស្រី Ma Thi Hien ជនជាតិ Giay នៅស្រុក Sapa បានឲ្យដឹងថា៖
“នៅកណ្ដាលផ្លូវជួបគ្នា ពិសេសគឺនៅផ្សារណាត់ពេលព្រលឹមជួបគ្នាហើយសួរ
គ្នាមកទីណានៅភូមិណា នាពេលរសៀលច្រៀងណាត់គ្នាជូនដំណើរ។ ជូនដំណើរ
មួយកំណាត់ផ្លូវឬជូនដំណើរដល់ភូមិម៉ោង។”
ជនរួមជាតិ Giay ច្រៀងក្នុងរាត្រី ក្នុងពេលបាយសាមញ្ញ នោះជាពេលគ្រួសារ
ជួបជុំគ្នានិងបង្រៀនឲ្យកូនចៅរបៀបរស់នៅថែទាំលោកតាលោកយាយឪពុកម្ដាយ។
នេះជាផ្នែកវប្បធម៍ប្រពៃណីយូរយារណាស់មកហើយ។ នៅជាមូលដ្ឋានដើម្បីតភ្ជាប់
មនុស្សជាមួយមនុស្ស តភ្ជាប់មនោសញ្ចេតនាមនុស្សដើម្បីក្លាយទៅជាសហគមន៍
សាមគ្គីភាព៕