 |
| ផ្ទះ Guol របស់ជនរួមជាតិជាជនជាតិ Co Tu។ |
VOV-ជនរួមជាតិជាជនជាតិ Co Tu ក្នុងពេលសាងសងភូមិ បង្កើតផ្ទះសុទ្ធតែ
បានជ្រើសរើសដី។ ផ្ទះ Guol ត្រូវបានសាងសង់ដោយកំលាំងរបស់ជនគ្រប់រូបក្នុង
ភូមិ។ តាមទស្សនាទានរបស់ជនរួមជាតិជាជនជាតិ Co Tu ថា ផ្ទះ Guol ជាកន្លែង
ពិសិដ្ឋិ សំរាប់ទេវតា ជីដូនជីតា។ ស្ត្រីកូនស្រីមិនទាន់មានប្តីមិនបានមកផ្ទះ Guol
ទេ។ និងជនគ្រប់រូបមិនត្រូវវាយគ្នារឺឈ្លោះប្រកែកគ្នា។ លោក Bhriu Liec នៅស្រុក
Tay Giang ខេត្ត Quang Nam ជាអ្នកស្រាវជ្រាវអំពីវប្បធម៍Co Tu បានឲ្យដឹងថា៖
“តាំងពីច្រើនជំនាន់មក ជនរួមជាតិជាជនជាតិ Co Tu រួមរស់ជាមួយគ្នា បណ្ដា
ផ្ទះក្នុងភូមិរៀបជុំវិញនិងនៅពាក់កណ្ដាលគឺផ្ទះ Guol។ ប្រសិនបើភូមិរបស់ជនរួម
ជាតិជាជនជាតិ Ba Na, E De នៅដំបន់ Tay Nguyen មានផ្ទះRong ភូមិរបស់ជនជាតិ
Kinh មានវិហារនោះ គឺផ្ទះ Guol ជាព្រលឹងរបស់ភូមិ Co Tu។ មិនត្រឹមតែជាកន្លែង
ពិសិដ្ឋិធ្វើសក្ការៈបូជាទេវតាប៉ុណ្ណោះទេ ថែមទាំងផ្ទះGuol នៅជាកន្លែងពិភាគ្សា
រឿងក្នុងភូមិក្នុងប្រទេសនិងក្នុងគ្រួសារនិងជាកន្លែងប្រព្រឹត្តទៅបណ្ដាពិធីបុណ្យ
សំខាន់ៗទៀតផង។”
ក្នុងស្ថាប័ត្យកម្មប្រពៃណីផ្ទះ Guol របស់ជនរួមជាតិជាជនជាតិ Co Tu ជាផ្ទះផុត
ពីដី មានសសរធំមួយនៅកណ្ដាលនិងសសរតូចចំនួន៨នៅជុំវិញទៀតផង។ ដំបូល
ត្រូវបានប្រក់ដោយស្លឹកផ្ដៅមើលពីឆ្ងាយ ដំបូលផ្ទះ Guol មានរូបដូចជាផ្លែស្វាយ។ ជញ្ជាំងជាបណ្ដាផ្ទាំងគំនូរដែលត្រូវឆ្លាក់រូបភាពសត្វដ៏រស់រវើស ដូចជាសត្វក្របីក្បាល
ក្របីជាដើម និងរូបភាពជីវភាពរស់នៅជារៀងរាល់ថ្ងៃរបស់សហគមន៍ទៀតផង។ ក្នុង
ផ្ទះ Guol បានតាំងបង្ហាញឧបករភ្លេង ឧបករប្រពៃណីជាច្រើននិងឆ្អឹងក្បាលសត្វដែល
ត្រូវបានអ្នកភូមិបបាញ់រឺបានសម្លាប់ក្នុងពិធីបុណ្យនានា។ រូបភាពផ្ទះ Guol ធំរឺតូចបាន
បង្ហាញឥទ្ធិពលនិងកំលាំងខ្លាំងរបស់ភូមិនោះ។ ព្រឹទ្ធាចារ្ស Y Kong ភូមិ Tong Coi ឃុំ
Ba ស្រុក Dong Giang បានឲ្យដឹងថា៖
“ផ្ទះ Guol ជាផ្ទះប្រពៃណីរបស់ជនរួមជាតិជាជនជាតិ Co Tu។ ភូមិណាគ្មានផ្ទះ
Guol គឺគ្មានប្រភពដើមប្រពៃណីវប្បធម៍ទៀតទេ។ បានជាអ្នកភូមិ គ្រួសារនានា អ្នកណាក៏រួមដៃរួមកំលាំងកសាងផ្ទះ Guol ដែរ។ ផ្ទះនោះបានធ្វើដោយចំនួនប្រាក់
ជិត៣រយលានដុង រីឯកំលាំងពលំរបស់អ្នកភូមិគឺច្រើនណាស់រាប់មិនអស់ទេ។”
ដល់បច្ចុប្បន្នភូមិចំនួន៨០%នៅបណ្ដាស្រុក Dong Giang និង Nam Giang ខេត្ត
Quang Nam បានមានផ្ទះ Guol។ ប្រការនេះបានបង្ហាញការខំប្រឹងប្រែងរបស់រដ្ឋ
អំណាចដំបន់ ក្នុងការជួយឧបត្ថម្ភប្រជាជនជនរួមជាតិជាជនជាតិ Co Tu អភិរក្ស
អត្តសញ្ញាណវប្បធម៍របស់ជនជាតិខ្លួន។ លោកស្រី Le Thi Thuy ប្រធានគណៈ
កម្មាធិការប្រជាជនស្រុក Dong Giang បានឲ្យដឹងថា៖
“គណៈកម្មាធិការប្រជាជនស្រុកកំពុងប្រមូលផ្ដុំបញ្ជាពិនិត្យស្ថានភាព ចុះមក
ឃុំភូមិចលនាប្រជាជនសម្បទានដីដើម្បីធ្វើផ្ទះ Guol។ ផ្អែកលើមូលដ្ឋានរដ្ឋជួយ
ឧបត្ថម្ភមួយចំណែក ភាគច្រើនគឺចលនាប្រជាជនរួមចំណែក។ យើងខ្ញុំបានមាន
សេចក្តីសំរេចចិត្តបន្តប្រមូលផ្ដុំវិនិយោគសមរាប់ការស្ដាផ្ទះ Guol ក៏ដូចជាអភិរក្ស
ផ្នែកវប្បធម៍ Co Tu ផ្សេងៗ។”
ផ្ទះ Guol ជាសំណង់គំរូរបស់ជនរួមជាតិជាជនជាតិ Co Tu។ ការស្ដាឡើង
វិញផ្ទះ Guol ប្រពៃណីនឹងរួមចំណែកក្នុងការស្ដារាល់តំលៃវប្បធម៍ប្រពៃណីរបស់
ជនរួមជាតិជាជនជាតិ Co Tu ជួយឲ្យបណ្ដាជំនាន់ជនរួមជាតិជាជនជាតិ Co Tu
យល់ដឹងនិងបន្តរាល់តំលៃវប្បធម៍ខាងសំភារៈនិងស្មារតីរបស់ជនជាតិខ្លួន។ នា
បច្ចុប្បន្នផ្ទះ Guol របស់ជនរួមជាតិជាជនជាតិ Co Tu នៅជាកន្លែងមកដល់ដែល
មិនអាចខ្វះបានចំពោះភ្ញៀវទេសចរណ៍ក្នុង Tour ទេសចរណ៍ស្វែងយល់ផ្លូវ
ហូជីមិញរឿងព្រេងទៀតផង៕