 |
| ផ្ទះវែងជាផ្ទះធំរបស់មហាគ្រួសារនៃជនរួមជាតិជាជនជាតិ E de។ (baomoi.com) |
Vovworld-ផ្ទះវែងរបស់ជនរួមជាតិជាជនជាតិ E de ជាផ្ទះផុតពីដី ធ្វើដោយ
ឬស្សីនិងឈើ ឯដំបូលផ្ទះបានប្រក់ស្បូវ។ ជនរួមជាតិជាជនជាតិ E de បានធ្វើផ្ទះត្រូវបានកសាងបែទៅរកទិសខាងជើងត្បូង។ បើមើលពីចម្ងាយផ្ទះមានរូបរាងជា
ទូកមួយ។ បណ្ឌិត Nguyen Duy Thieu នាយករងសារមន្ទីរជនជាតិវិទ្យាវៀតណាម
បានឲ្យដឹងថា៖
“ម្ចាស់ផ្ទះកាន់តែសម្បូរុងរឿងផ្ទះកាន់តែវែង។ មុននេះ មានផ្ទះវែងណាស់។
ដល់ជំនាន់ទី៣ កូនរបស់ស្ត្រីក្នុងផ្ទះពោលគឺចៅរបស់លោកយាយម្ចាស់ផ្ទះបាន
រៀបអាពារហ៍ពិពារហ៍នោះការបន្តប្រវែងបានបន្តថែម។ តាមឯកសារដែលខ្ញុំបាន
មានកាលពីដំណាក់កាលអាណានិគមនិយមបារាំងគឺធ្លាប់ មានផ្ទះដូចជាផ្ទះរបស់
លោក Ama Ha ដោយមានប្រវែងជាង២០០ម៉ែត្រ។”
បរិយាកាសផ្ទះតាមបណ្ដោយរួមមាន២ផ្នែកច្បាស់លាស់។ ពីទ្វាចូល គឺផ្នែក
ទី១ហៅថា Gah ស្រូបយក១ភាគ៣នៃបរិយាកាស។ ផ្នែកនៅសេសសល់បានហៅ
ថា Ok។ Gah ជាកន្លែងទទួលភ្ញៀវ មានចង្ក្រានសំរាប់ភ្ញៀវនិងជាកន្លែងរួមរបស់
គ្រួសារ ជាកន្លែងធ្វើសក្ការៈបូជាទេវតា ជាកន្លែងដេករបស់កំលោះមិនទាន់មាន
ប្រពន្ធនិងជាកន្លែងដាក់វត្ថុមានតំលៃមួយចំនួន។ Gah និង Ok ត្រូវបានបែងចែក
ដោយសសរ២ ក្នុងនោះសសរខាងកើតជាសសរមេ នៅក្បែរបានរៀបគ្រេមួយ
ដើម្បីអ្នកប្រមុខគ្រួសារអង្គុយក្នុងពេលប្រជុំ។ ក្នុងពេលនោះ សសរខាងលិចជា
សសរស្ករជាកន្លែងដាក់ស្គរលើកៅអី Kpan កំពស់កន្លះម៉ែត្រប្រវែងពី១០ដល់
២០ម៉ែត្រដើម្បីសិល្បករអង្គុយវាយឃ្មោះស្គរជាដើម។ នៅក្បែរចង្ក្រានភ្ញៀវនៅ
មានចង្ក្រានដាំស្លរក្នុងពេលមានកម្មវិធី។ លោកស្រី Dam Thi Hop កម្មាភិបាល
សារមន្ទីជនជាតិវិទ្យាវៀតណាមបានឧទ្ទេសនាមអំពីផ្ទះវែងគំរូរបស់ជនជាតិ E de នៅសារមន្ទីជនជាតិវិទ្យាវៀតណាមថា៖
“នេះជាផ្ទះរបស់អ្នកមាន ភាពសម្បូរុងរឿងបង្ហាញពីវត្ថុដាក់ក្នុងបន្ទប់ភ្ញៀវ ជា
កន្លែងដែលគេហៅថា Gah។ នេះជាបន្ទប់ភ្ញៀវ ជាកន្លែងដែលគ្រួសាររៀបចំពិធី
បុណ្យ ដោយមានការចូលរួមរបស់អ្នកជិតខាងជាច្រើនកុះករ។ គេបានតុបតែង
របស់របរប្រើប្រាស់ជាច្រើននៅទីនេះ។ ឧទាហរណ៍ដូចជាស្រាអិច គងឃ្មោះឆ្នាំង
សំរិទ្ធជាដើម ជាទ្រពសម្បត្តិដ៏មានតំលៃចំពោះជនជាតិ E de។ ប្រសិនបើបរិមាណ
របស់របរកាន់តែច្រើននោះ អាចយល់ថា នេះជាគ្រួសារអ្នកមានមួយ។”
ក្នុងផ្ទះវែងនីមួយៗ ជនជាតិ E de បានឆ្លាក់រូបសត្វជាច្រើនដូចជាដំរី ត្រីជា
ដើម។ ភាពសម្បុធូធារបស់ម្ចាស់ផ្ទះត្រូវបានបង្ហាញលើរូបចម្លាក់នោះ។ លោក
ស្រី Dam Thi Hop បានឲ្យដឹងថែមទៀតថា៖
“ឧទាហរណ៍រូបសត្វដំរី គ្រួសារណាមានដំរីទើបបានឆ្លាក់រូបសត្វដំរីនៅលើ
នោះ។ រូបភាពផ្សេងៗមួយចំនួនដូចជាសត្វនាគអណ្ដើតជាដើម ជាសត្វមានវត្ត
មានក្នុងជំនឿរបស់ជនជាតិ E de។ តាមបណ្ដាអ្នកជំនាញការថា នេះជារូបភាពដើមមិនរួមផ្សំជាមួយជនជាតិដទៃឡើយ។”
ជណ្ដើរជាចំណុចពិសេសរបស់ផ្ទះវែងរបស់ជនជាតិ E de ផ្សាភ្ជាប់ទ្វាចំនួន
២របស់ផ្ទះវែង ទ្វានៅខាងមុខសំរាប់ភ្ញៀវនិងបុរស ទ្វាខាងក្រោយសំរាប់នារី។
លោកស្រី Dam Thi Hop បានឲ្យដឹងថា៖
“ជាថម្មតាផ្ទះរបស់ជនជាតិ E de មានជណ្ដើរចំនួន២ ជណ្ដើរខាងមុខនិង
ជណ្ដើរខាងក្រោយ។ ជណ្ដើរខាងមុខបែរទៅខាងជើង។ ចំពោះគ្រួសារអ្នកមាន ជណ្ដើរខាងមុខមានជណ្ដើរចំនួន២គឺជណ្ដើរបានិងជណ្ដើរមេ។ លើជណ្ដើរមេ
ពេលណាក៏មានរូបភាពម្ដាយបំបៅដោះនិងព្រះច័ន្ទមួយចំណិត រីឯជណ្ដើរបាមិន
សូវមានរូបចម្លាក់ទេ។”
ផ្ទះវែងមិនត្រឹមតែជាបរិយាកាសរស់នៅប៉ុណ្ណោះទេ ថែមទាំងជាកន្លែងផ្សា
ភ្ជាប់ជំនាន់វង្សត្រកូលជាច្រើនរបស់ជនជាតិ E de។ ក្នុងពេលក្រមុំយកប្តី ផ្ទះបាន
បន្តប្រវែងដើម្បីធ្វើជាកន្លែងស្នាក់នៅសំរាប់គូរប្តីប្រព័ន្ធ។ ក្នុងបរិយាកាសនោះ
បណ្ដាពិធីការ ទំនៀមទំលាប់របស់ជនជាតិ E de ត្រូវបានបង្ហាញដ៏ពេញលេញ
ដូចជាព្រលឹងរបស់ជនជាតិនេះ៕