 |
| របបត្រកូលខាងម្ដាយរបស់ជនជាតិ E de (VOV) |
Vovworld-តាមប្រពៃណីពីយូរយាមក ហើយអ្នកមានសិទ្ធិអំណាចបំផុតក្នុង
គ្រួសាររបស់ជនជាតិ E de គឺស្ត្រី។ តាមបណ្ឌិត Nguyen Duy Thieu នាយករង
សារមន្ទីជនជាតិវិទ្យាថា សង្គមត្រកូលខាងម្ដាយរបស់ជនជាតិ E de គឺសង្គមដោយយកស្ត្រីធ្វើជាម្ចាស់។ ពេលបុត្រប្រសូត្រមកត្រូវយកត្រកូលម្ដាយ។
“នារីធ្វើជាម្ចាស់ក្នុងអាពាហ៍ពិអាហ៍។ គេពេញចិត្តអ្នកណាគេនឹងប្រាប់ម្ដាយ គ្រួសារដើម្បីរៀបការជាមួយអ្នកដែលគេស្រឡាញ់។ បុរសដែលបានរៀបការនោះនឹងរស់នៅខាងផ្ទះប្រពន្ធ។ ប្រសិនបើប្រពន្ធគាត់ស្លាប់ទៅនោះ គ្រួសារខាង
ប្រពន្ធរឺត្រកូលប្រពន្ធនឹងរកនារីម្នាក់ដើម្បីរៀបការជាមួយគាត់។ ជនជាតិ Kinh
បានហៅថាទម្លាប់បន្តខ្សែ។ ជនជាតិ E de បានហៅថាទម្លាប់ Chue nue។”
ទម្លាប់បន្តខ្សែរបស់ជនជាតិ E de លើជ្រុងមួយមានចរិតលក្ខណៈមនុស្ស
សាស្ត្រ។ ក្នុងគ្រួសារទោះបីជាស្ត្រីជាមេផ្ទះ ប៉ុន្តែបុរសក៏ដើរតួនាទីពិតប្រាកដក្នុង
គ្រួសារដែរ។ លោក Thieu បានឲ្យដឹងថា៖
“ពិតប្រាកដថាស្ត្រីសំរេចចិត្ត ប៉ុន្តែរាល់ការសំរេចចិត្តនោះត្រូវតាមរយៈតួនាទី
របស់បុរស។ ឧទាហណ៍ក្នុងវីរកថា Dam San ជាដើម។ ក្នុងពេលដែល Dam San ធ្វើ
ជាមេកុលសម្ព័ន្ធ ប្រពន្ធគាត់បានបង្ហាញសិទ្ធិអំណាចចេញទៅខាងក្រៅ ពីព្រោះ
គាត់ជាប្រពន្ធមេកុលសម្ព័ន្ធ។ ការបញ្ជាក្នុងសង្គ្រាម ក្នុងសហគមន៍គឺបុរស មិនម៉ែន
ជានារីទេ។”
សង្គមត្រកូលខាងម្ដាយនៅឌិតជាប់លើផ្ទះវែង។ នោះជាផ្ទះផុតពីដី ធ្វើដោយ
ឈើរឺឬស្សី។ លោកស្រី Hrol នៅភូមិ Ki សង្កាត់ Thanh Nhat ទីក្រុង Buon Ma Thuot
ខេត្ត Dac Lac បាននិទានប្រាប់អំពីការរៀបចំខាងក្នុងផ្ទះវែងរបស់ជនជាតិ E de ថា៖
“ផ្ទះវែងត្រូវបានចែកជា២ផ្នែក។ ផ្នែក Gah គេបានហៅថា បន្ទប់ភ្ញៀវ។ នៅទី
នោះមានផ្នែកដែលហៅថា Tul Gah គឺបន្ទប់សំរាប់កំលោះ ដែលមិនទាន់យកប្រពន្ធ។
ផ្នែក Ok គឺសំរាប់តែប្តីប្រពន្ធ ផ្នែក Tul Ok សំរាប់អ្នកមិនទាន់យកប្តីរឺភ្ញៀវជានារីស្នាក់
នៅ។”
របបត្រកូលខាងម្ដាយរបស់ជនជាតិ E de បានឌិតជាប់ក្នុងស្ថាប័ត្យកម្មនិងការ
តុបតែងសិល្បៈក្នុងផ្ទះវែង។ ក្នុងពេលឡើងជណ្ដើរឡើងផ្ទះ គេបានឃើញគូរដោះ
ស្ត្រីមួយគូរនិងរូបព្រះច័ន្ទមួយចំនិត នឹងរូបភាពដ៏រស់រវើសរបស់នារី។ ផ្ទះវែងរបស់
ជនជាតិ E de មានជណ្ដើរចំនួន២ នោះជាជណ្ដើបានិងជណ្ដើរមេ។ ជណ្ដើរមេដាក់
នៅខាងមុខផ្ទះសំរាប់ភ្ញៀវនិងបុរសកំលោះ។ ជណ្ដើរបានៅខាងក្រោយផ្ទះសំរាប់
ស្ត្រីក្នុងផ្ទះ។
នារី E de មិនត្រឹមតែជាមេគ្រួសារប៉ុណ្ណោះទេ ថែមទាំងជាមេភូមិទៀត ផង។
ជនជាតិ E de បានហៅថា Po lan។ Po lan ជាអ្នកដំណាងឲ្យការគ្រប់គ្រងដីធ្លីរបស់
វង់ត្រកូលភូមិ ក៏ជាអ្នកដោះស្រាយជំលោះក្នុងផ្ទៃក្នុងភូមិនិងជាមួយភូមិដ៏ទៃទៀត។
បណ្ឌិត Nguyen Duy Thieu បានឲ្យដឹងថា មេភូមិជាអ្នកពូកែការធ្វើសក្ការបូជា ខាង
ជួញដូរ ត្រូវបានប្រជាជនភូមិទុកចិត្តនិងគោរពរាប់អាន។
“តួនាទីរបស់មេភូមិជាស្ត្រី ស្ត្រីរូបនោះជាម្ចាស់ដី។ ជារៀងរាល់ឆ្នាំគាត់បាននាំអ្នកបំរើទៅប្រមូលប្រាក់ដីនិងត្រួតពិនិត្យសហគមន៍ប្រព្រឹត្តយ៉ាងម៉េចជាមួយនឹងដីធ្លី ដើម្បីត្រឡប់មករៀបចំពិធីសែនព្រេន។ ក្នុងយន្តការសង្គមថ្មី គ្រប់ភូមិអំពីយន្តការ
រដ្ឋបាលដោយសារប្រជាជនជ្រើសរើស អាចជាបុរស អាចជានារី។ ប៉ុន្តែមេដឹកនាំ
ប្រពៃណីមានចរិតលក្ខណស្វ័យយត្នក្នុងទម្លាប់របស់ត្រកូលនោះស្ត្រីគឺជាមេ។”
សង្គមត្រកូលខាងម្ដាយរបស់ជនជាតិ E de នៅតែបានវាយតំលៃជាសង្គមត្រកូលខាងម្ដាយគំរូនៅវៀតណាម។ តាមការរីកចំរើនរបស់ជីវភាពរស់នៅក្នុង
សង្គម របបត្រកូលខាងម្ដាយរបស់ជនជាតិ E de ក៏កំពុងមានការប្រែប្រួលយ៉ាងច្រើនដោយសារការជួបប្រាស្រ័យនិងទទួលវប្បធម៍នៅពេលសហគមន៍បណ្ដាជន
ជាតិរស់នៅចំរុះ ក្នុងពេលដែលការផ្ដោសប្តូរពាណិជ្ជកម្មមានការអភិវឌ្ឍន៍យ៉ាងខ្លាំងក្លារវាងដំបន់នានា៕