 |
| អត្តសញ្ញាណវប្បធម៍របស់ជនជាតិ Bo Y (VOV) |
Vovworld-ជនជាតិ Bo Y (ឬមានឈ្មោះផ្សេងទៀតគឺ Pu Y, Chung Cha, Trong
Gia, Tu Di ជាដើម) រស់នៅភាគច្រើនដោយប្រកបរបរធ្វើស្រែចម្ការនិងចិញ្ចឹមសត្វ។
ជនរួមជាតិ Bo Y នៅ Ha Giang រក្សាបានប្រពៃណីមេផ្ទះជាបុរស គឺរាល់បញ្ហាក្នុង
គ្រួសារមានតែដោយបុរសសំរេចចិត្តតែប៉ុណ្ណោះ។ ក្នុងគ្រួសារមួយអាចមាន៣ដល់
៤ជំនាន់រួមរស់ បង្ហាញនូវសាមគ្គីភាពផ្សាភ្ជាប់ស្រលាញ់រវាងបណ្ដាជំនាន់។ លោក
Ngu Khoi Phuong អ្នកជំនាញការស្រាវជ្រាវអំពីទំនៀមទំលាប់វប្បធម៍និងជីវភាពរស់
នៅរបស់ជនជាតិ Bo Y បានឲ្យដឹងថា៖
“ជនជាតិ Bo Y នាបច្ចុប្បន្នមានត្រកូលប្រមាណ១០និងនៅតែរក្សារបៀបរស់
នៅនិយាយស្ដីនិងពិធីបុណ្យដូចជាបុណ្យតេត ពិធីអាពាហ៍-ពិពាហ៍ ពិធីបុណ្យសព។
នាបច្ចុប្បន្នគេនៅរក្សាបាននូវចង្វាក់ចម្រៀងប្រជាប្រិយមួយចំនួន។ ក្នុងភូមិនេះសុទ្ធ
តែជាជនជាតិ Bo Y និងមានមនុស្សប្រមាណ៧រយនាក់រស់នៅ។”
 |
| លោក Ngu Khoi Phuong អ្នកជំនាញការស្រាវជ្រាវអំពីទំនៀមទំលាប់វប្បធម៍និងជីវភាពរស់នៅរបស់ជនជាតិ Bo Y (VOV) |
ក្នុងត្រកូលនីមួយៗរបស់ជនរួមជាតិ Bo Y មានប្រព័ន្ធឈ្មោះរួមមានអក្សរជា
ច្រើនដែលអក្សរនីមួយៗបង្ហាញឲ្យជំនាន់មួយនិងតួនាទីរបស់គេក្នុងត្រកូល។
ទោះបីជាមានចំនួនប្រជាជនតិចនៅខេត្ត Ha Giang ក្តីប៉ុន្តែដល់ឥឡូវនេះជន
ជាតិ Bo Y នៅរក្សាបានផ្នែកវប្បធម៍ប្រពៃណីដោយមានអត្តសញ្ញាណដោយឡែក
វិសេសវិសាលរបស់ខ្លួន។ ដូចជាក្នុងពិធីអាពាហ៍-ពិពាហ៍ កូនកំលោះមិនបានទៅ
ទទួលកូនក្រមុំឡើយហើយប្អូនស្រីរបស់កូនកំលោះនឹងយកសត្វសេះស្អាតបំផុត
មកទទួលបងស្រីប្រសារមកផ្ទះប្តី។ ទៅក្នុងគ្រួសារកូនប្រុសមិនបានកាត់សក់ឲ្យ
ឪពុកទេ កូនស្រីមិនបានសឹកសក់ឲ្យម្ដាយឡើយ។ ត្រឹមតែពេលឪពុកម្ដាយស្លាប់
ទៅកូនបុរសនិងកូនស្រីទើបបានសឹកសក់ឲ្យឪពុកម្ដាយប៉ុណ្ណោះ។
ជារៀងរាល់ឆ្នាំជនរួមជាតិ Bo Y បានរៀបចំពិធីបុណ្យជាច្រើនដូចជាបុណ្យតេត
ប្រពៃណី បុណ្យថ្ងៃកើតខែទី១ បុណ្យតេតបាយថ្មីជាដើម។ ក្នុងបណ្ដាពិធីបុណ្យពិធី
អាពាហ៍-ពិពាហ៍ជនជាតិ Bo Y បានច្រៀងឆ្លើយឆ្លងដោយចង្វាក់ប្រជាប្រិយរបស់ខ្លួន។
“បទចម្រៀងប្រជាប្រិយរួមមានច្រៀងជំរាបសួរ ជូនពរគ្នា ច្រៀងឆ្លើយឆ្លង។ ដូច
ជាបទចម្រៀងជំរាបសួរគឺ បងនៅកន្លែងណាមក នៅទិសទីណាមក បងនៅស្រែណា
មកទីនេះ ហេតុអ្វីបងមកទីនេះ។ នាបច្ចុប្បន្ននៅមានបទចម្រៀងជាច្រើនដែលជនជាតិ
ខ្ញុំនិយមច្រៀង។”
ជនរួមជាតិជាជនជាតិ Bo Y បានស្លៀកពាក់អាវខ្លីប្រាំផ្ទាំង។ជាយករអាវនិងដៃ
បានដេរតុបតែងក្បូក្បាច់ស្អាត។សម្លៀកបំពាក់នារី Bo Y ស្អាតនិងវិសេសវិសាលជាង
សម្លៀកបំពាក់បុរសគឺដោយកន្សែងសំពតនិងអាវអៀមនៅខាងមុខ។ សំពតរបស់នារី
Bo Y បានត្បាញដោយព័ណ៌ជាច្រើនដូចជាបៃតង់ក្រហមជាដើម។ សម្លៀកបំពាក់
ប្រពៃណីច្រើនតែបានស្លៀកពាក់ក្នុងឱកាសពិធីបុណ្យពិធីអាពាហ៍-ពិពាហ៍។
លោក Luc Suong Minh ប្រធានការិយាល័យជនជាតិស្រុក Quan Ba បានឲ្យដឹងថា៖
“ជនជាតិ Bo Y សម្របខ្លួនយ៉ាងលឿនជាមួយការអភិវឌ្ឍន៍សេដ្ឋកិច្ចសង្គមនៅដំបន់។
ជនជាតិនៅតែរក្សាបានផ្នែកវប្បធម៍វិសេសវិសាលរបស់ជនជាតិ ពីប្រពៃណីដល់ពិធីបុណ្យសពអាពាហ៍-ពិពាហ៍ទំនៀមទំលាប់ពីយូរយារមក។ នាបច្ចុប្បន្នយើងខ្ញុំបាន
ឃោសនាដើម្បីជួយឧបត្ថម្ភជនជាតិ Bo Y អភិវឌ្ឍន៍រក្សាអត្តសញ្ញាណរបស់ជនជាតិខ្លួន
ពិព្រោះនេះជាជនជាតិភាគតិចមួយ។”
ដើម្បីអភិរក្សពង្រីករាល់តំលៃវប្បធម៍ប្រពៃណីជនជាតិ Bo Y ក្នុងនោះមានតំលៃ
វប្បធម៍រូបីយ៍ ខេត្ត Ha Giang បានកសាងគំរោងការណ៍ពិនិត្យនិងអនុវត្តគំរោងការណ៍
ស្រាវជ្រាវចម្រៀងប្រជាប្រិយរបស់ជនជាតិ Bo Y។ ទន្ទឹមនឹងនោះមានគោល
នយោបាយលើកទឹកចិត្តសិប្បករកត់ត្រាកសាងផែនការបើកថ្នាក់រៀនដើម្បីសប្បករ
បង្រៀនចម្រៀងប្រជាប្រិយសំរាប់ជំនាន់វ័យក្មេង។ រដ្ឋអំណាចដំបន់ក៏បានលើកទឹក
ចិត្តចលនាជនរួមជាតិប្រើប្រាស់សម្លៀកបំពាក់ភាសារបស់ជនជាតិក្នុងជីវភាពប្រចាំ
ថ្ងៃដើម្បីបន្តរក្សាអត្តសញ្ញាណវប្បធម៍ជនជាតិ Bo Y នាពេលអនាគត៕