នាថ្ងៃទី ២៥ មិថុនា សហភាពអឺរ៉ុប (EU) បានជូនដំណឹងនឹងដាក់ទណ្ឌកម្ម ទៅលើ Venezuela ដោយសារ «ភាពវិសាមញ្ញ» ក្នុងការបោះឆ្នោតប្រធានាធិបតី នៃប្រទេសនេះនាថ្ងៃទី ២០ ឧសភាកន្លងទៅ។ ក្នុងបុគ្គលចំនួន ១១ នាក់ដែលជា មន្ត្រីជាន់ខ្ពស់ត្រូវបានដាក់ទណ្ឌកម្មលើកនេះមានអនុប្រធានាធិបតី Venezuela លោក Delcy Rodriguez។ ដោយមិនអើពើដល់បទដាក់ទណ្ឌកម្មរបស់ EU ប្រធានក្រុមប្រឹក្សាអ្នកជំនាញការរៀបចំការបោះឆ្នោតអាមេរិកឡាទីន (CEELA) លោក Nicanor Moscoso បានអះអាងនូវភាពតម្លាភាពបើកចំហរនិងការធានា ភាពសម្ងាត់នៃប្រព័ន្ធរៀបចំការបោះឆ្នោតនៅប្រទេសអាមេរិកឡាទីននេះ។ បណ្ដាអ្នកសង្កេតការពីសហភាពអាហ្វ្រិក (AU) អេស្ប៉ាញ ស៊ីរីនិងប៉ាឡេស្ទីនក៏ បានទទួលស្គាល់លទ្ធផលនៃការបោះឆ្នោតលើកនេះ។ តាមនោះ លោក Nicolas Maduro ជាប់ឆ្នោតជាប្រធានាធិបតី Venezuela ជាថ្មីម្តងទៀតដោយសម្លេងគាំទ្រ ៦៨%៕