ក្នុងខែមករា ការនាំចេញកសិផល រុក្ខាប្រមាញ់ និងនេសាទ សម្រេចបានជាង ៣,៧ពាន់លានដុល្លារអាមេរិក
(VOVWORLD) - យោងតាមក្រសួងកសិកម្ម និងអភិវឌ្ឍន៍ជនបទ ក្នុងខែមករាឆ្នាំនេះ តម្លៃនៃការនាំចេញកសិកម្ម រុក្ខាប្រមាញ់ និងនេសាទ សម្រេចបានជាង ៣,៧ពាន់លានដុល្លារអាមេរិក។
ក្នុងនោះ តម្លៃនាំចេញផលិតផលកសិកម្មសំខាន់ត្រូវបានប៉ាន់ប្រមាណថាមានជាង ១,៧ ពាន់លានដុល្លារ ធ្លាក់ចុះជិត ១៣% បើធៀបនឹងរយៈពេលដូចគ្នាកាលពីឆ្នាំមុន។ តម្លៃនៃការនាំចេញជលផលត្រូវបានប៉ាន់ប្រមាណថាសម្រេចបានចំនួន ៦០០លានដុល្លារ ធ្លាក់ចុះជិត ៣១% ធៀបនឹងរយៈពេលដូចគ្នាកាលពីឆ្នាំមុន។ តម្លៃនាំចេញឈើ និងផលិតផលឈើសម្រេចបាន ១,១ ពាន់លានដុល្លារ ធ្លាក់ចុះជិត ៣០% បើធៀបនឹងរយៈពេលដូចគ្នាកាលពីឆ្នាំមុន...។
មូលហេតុដែលតម្លៃនាំចេញកសិផល រុក្ខាប្រមាញ់ និងនេសាទបានធ្លាក់ចុះយ៉ាងខ្លាំងក្នុងខែមករាឆ្នាំនេះ គឺដោយសារតែថ្ងៃឈប់សម្រាកបុណ្យចូលឆ្នាំថ្មី អូសបន្លាយរយៈពេលយូរ និងពិបាកក្នុងការបញ្ជាទិញ៕