លោកនាយករដ្ឋមន្ត្រី Pham Minh Chinh ថ្លែងនៅកិច្ចប្រជុំ។ (រូបថត៖ VOV)

ថ្លែងសេចក្ដីសន្និដ្ឋាននៅកិច្ចប្រជុំនេះ លោកនាយករដ្ឋមន្ត្រីបានរំលឹកឡើងវិញនូវចំណាប់អារម្មណ៍ ចំពោះស្មារតីរបស់ប្រទេសជាតិទាំងមូល ជាមួយនឹងការប្តេជ្ញាចិត្តយ៉ាងធំធេងនៃប្រព័ន្ធនយោបាយទាំងមូល និងការស្រុះចិត្តគំនិតរបស់កងទ័ព និងប្រជាជនទាំងមូល ដើម្បីជួយជ្រោមជ្រែង និងអនុវត្តន៍សេចក្តីសម្រេចចិត្តនៃមហាសន្និបាតលើកទី១៣ របស់បក្ស ដោយមានគោលដៅខិតខំប្រឹងប្រែងមានផ្លូវល្បឿនលឿន ៣០០០ គីឡូម៉ែត្រនៅឆ្នាំ ២០២៥ និងយ៉ាងហោចណាស់ ៥០០០ គីឡូម៉ែត្រនៅឆ្នាំ ២០៣០។ លោកនាយករដ្ឋមន្ត្រីបានសង្កត់ធ្ងន់ថា ក្នុងដំណើរការសាងសង់គម្រោង ត្រូវធានាសុវត្ថិភាព វឌ្ឍនភាព គុណភាព បច្ចេកទេស ហើយគ្មានការចំណាយលើសលុបនោះឡើយ។ ការងារតាំងទីលំនៅថ្មីត្រូវមានភាពរហ័សរហួន ទាន់ពេលវេលា ស្របតាមរបប និងគោលនយោបាយ ក៏ដូចជាយកចិត្តទុកដាក់លើការងារសម្រាប់ប្រជាពលរដ្ឋ ធានាថាជីវភាពនៅទីលំនៅថ្មីត្រូវតែស្មើ ហើយខិតខំឱ្យខ្ពស់ជាងទីលំនៅចាស់។ ក្រសួង មូលដ្ឋាន វិនិយោគិន និងអ្នកម៉ៅការ ត្រូវសម្របសម្រួលឱ្យស្របគ្នា ជិតស្និទ្ធ និងមានប្រសិទ្ធភាព៕