តំបន់ទីក្រុងទំនើបតាមបណ្តោយទន្លេ Saigon  (រូបថត៖ vov Giaothong.vn)

វៀតណាមមានអត្រាកំណើនផលិតផលក្នុងស្រុកសរុប (GDP) ខ្ពស់បំផុតនៅក្នុងតំបន់អាស៊ីអាគ្នេយ៍ក្នុងរយៈពេលមួយទសវត្សរ៍កន្លងមកនេះ។ នេះគឺជាការវាយតម្លៃនៅក្នុងអត្ថបទមួយចុះផ្សាយលើគេហទំព័រ seekingalpha.com ដែលមានជំនាញក្នុងការប្រកាសព័ត៌មានអំពីទីផ្សារហិរញ្ញវត្ថុ។

នៅក្នុងអត្ថបទមួយដែលបានចេញផ្សាយនៅថ្ងៃទី ២៥ ខែតុលា គេហទំព័រដែលមានមូលដ្ឋាននៅទីក្រុងញូវយ៉ក (សហរដ្ឋអាមេរិក) បានចាត់ទុកថា ជាមួយនឹងកំណើនផលិតផលក្នុងស្រុកសរុបចំនួន ៥,៣៣% នៅក្នុងត្រីមាសទី ៣ នៃឆ្នាំនេះ សន្ទុះនៃកំណើនរបស់វៀតណាមនៅតែខ្លាំងដោយសារតែគ្រួសារបានចំណាយប្រាក់សន្សំ របស់ពួកគេក្នុងអំឡុងពេលជំងឺរាតត្បាត COVID-១៩។ លើសពីនេះ ស្ថានភាពភូមិសាស្ត្រនយោបាយអំណោយផល និងការដែលធនាគាររដ្ឋវៀតណាមកាត់បន្ថយអត្រាការប្រាក់លឿនជាងការរំពឹងទុកក៏ជាកត្តាជំរុញកំណើនសេដ្ឋកិច្ច រួមចំណែកជួយវៀត ណាមក្លាយជាទីផ្សារសកម្មបំផុតក្នុងតំបន់។

អត្ថបទក៏បានចង្អុលបង្ហាញថា ទោះបីជាការផ្លាស់ប្តូរពាណិជ្ជកម្មមានការថយចុះខ្លះ ហើយសម្ពាធអតិផរណាបានកើនឡើងក៏ដោយ ក៏កំណើនប្រាក់ចំណូលតាមរចនាសម្ព័ន្ធសេដ្ឋកិច្ចរបស់វៀតណាមមិនថយចុះទេ ហើយនឹងបន្តកើនឡើងដោយមិននឹកស្មានដល់ក្នុងប៉ុន្មានឆ្នាំខាងមុខ។ យោងតាមអត្ថបទ ព័ត៌មានថ្មីៗបង្ហាញថា វៀត ណាមកំពុងខិតជិតក្លាយជាទីផ្សារដែលទើបលេចចេញ៕