ទិដ្ឋភាពនៃវេទិកា (រូបថតៈ Thành Trung/BNEWS/TTXVN)

(VOVworld)-វេទិកាអង្គភាពអាជីវកម្មវៀតណាម-អ៊ីស្រាអែលជាសកម្មភាពដែលបាន
 រៀបចំឡើងក្នុងក្របខ័ណ្ឌនៃដំណើរទស្សនកិច្ចនៅវៀតណាមជាផ្លូវការរបស់ប្រធានា
 ធិបតីអ៊ីស្រាអែល លោក Reuven Ruvi Rivlin ដែលប្រព្រឹត្តទៅនាព្រឹកថ្ងៃទី២១មិនា
 នៅទីក្រុងហាណូយ។ អញ្ជើញថ្លែងមតិក្នុងពិធី ប្រធានសភាពាណិជ្ជកម្មនិងឧស្សាហ កម្មវៀតណាម លោក Vu Tien Loc បានសង្កត់ធ្ងន់ថា ចាប់ពីឆ្នាំ២០១៦ ដែលជា
លើកដំបូង កន្សោមពាក្យ “ចាប់ផ្តើមអាជីព” ត្រូវបានដាក់ចូលក្នុងឯកសារនៃសេចក្តី
 សម្រេចចិត្តមហាសន្និបាតបក្សលើកទី១២ ក្នុងគោលដៅបង្កើនចំនួនសហគ្រាស
វៀតណាមឲ្យឡើងទ្វេដងនារយៈពេល៥ឆ្នាំខាងមុខដោយអនុវត្តតាមទិសផ្លាស់ប្តូរថ្មី
និងច្នៃប្រឌិត។ ហេតុដូច្នេះហើយ នេះជាទិសដៅសហប្រតិបត្តិការអាទិភាពរបស់
វៀតណាម​ ខំប្រឹងប្រែងនាំវៀតណាមក្លាយទៅជាប្រទេសចាប់ផ្តើមអាជីពនិងមាន
ការច្នៃប្រឌិតនាឆ្នាំ២០២០។ លោក Vu Tien Loc ឲ្យដឹងថា៖

        “ចាប់ផ្តើមអាជីពនិងវិនិយោគលើវិស័យកសិកម្ម កំពុងបានចាត់ទុកជាវិស័យ​
មានចរិតលក្ខណៈលោតផ្លោះសម្រាប់ជម្រុញការអភិវឌ្ឍន៍សេដ្ឋកិច្ចវៀតណាមនា
ពេលខាងមុខ។ ឈរលើស្មារតីនៃវិស័យទាំងពីរនេះ វៀតណាមបានឃើញថា
 អ៊ីស្រាអែលជាគំរូជោគជ័យមួយលើពិភពលោកនិងជាដៃគូសំខាន់របស់វៀតណាម
 ផងដែរ”។

        អញ្ជើញចូលរួមក្នុងវេទិកានេះ ប្រធានាធិបតីអ៊ីស្រាអែល លោក Renven Ruvi
Rivlin បានអះអាងថា វៀតណាមនិងអ៊ីស្រាអែលមានលក្ខណៈស្រដៀងគ្នាជាច្រើន។ 
លោកអញ្ជើញមានប្រសាសន៍ថា ៖

        “វៀតណាមជាខឿនសេដ្ឋកិច្ចទីផ្សារមានកំណើនស្ថិរភាព។ កិច្ចសហប្រតិបត្តិ
ការរវាងវៀតណាមនិងអ៊ីស្រាអែលកាន់តែល្អប្រសើរពីមួយថ្ងៃទៅមួយថ្ងៃ។ យើងខ្ញុំ
មានវត្តមាននៅទីនេះរួមទាំងថ្នាក់ដឹកនាំបណ្តាអង្គភាពអាជីវកម្មជួរមុខរបស់អ៊ីស្រា
 អែលលើគ្រប់វិស័យនោះ គឺចង់ផ្ញើរសារច្បាស់លាស់មួយថា អ៊ីស្រាអែលមានបំណង
 រួមដៃជាមួយវៀតណាមសហប្រតិបត្តិការដោយឈរលើស្មារតីមានផលប្រយោជន៍
 រួមមានការផ្លាស់ប្តរថ្មីនិងមានគំនិតច្នៃប្រឌិតផង”៕