ជម្លោះហាម៉ាស - អ៊ីស្រាអែល៖ តំណាងជាន់ខ្ពស់របស់ EU ស្នើគំនិតផ្តួចផ្តើមថ្មី; អ៊ីស្រាអែលបើកច្រករបៀងមនុស្សធម៌ឡើងវិញសម្រាប់ជនស៊ីវិលប៉ាឡេស្ទីន
(VOVWORLD) - កាលពីថ្ងៃទី ៦ ខែវិច្ឆិកា ថ្លែងនៅចំពោះមុខអ្នកការទូតសហភាពអឺរ៉ុបនៅទីស្នាក់ការគណៈកម្មាធិការអឺរ៉ុប (EC) ក្នុងទីក្រុងប្រ៊ុចសែល តំណាងជាន់ខ្ពស់ EU ទទួលបន្ទុកគោលនយោបាយសន្តិសុខនិងកិច្ចការបរទេស លោក Josep Borrell បានស្នើឲ្យ អ៊ីស្រាអែលផ្អាកប្រតិបត្តិការយោធានៅតំបន់ហ្គាហ្សា ជាថ្នូរនឹងអង្គការកាកបាទក្រហមនឹងទៅដល់ពលរដ្ឋអ៊ីស្រាអែល ដែលក្រុមហាម៉ាសកំពុងចាប់ខ្លួន
លោកក៏បានឲ្យដឹងថា "មិនមានដំណោះស្រាយយោធាណាមួយសម្រាប់ជម្លោះ" នៅក្នុងតំបន់ហ្គាហ្សា សម្បីតែមិនមានក្រុមហាម៉ាស់នៅក្នុងទឹកដីនេះក៏ដោយ។
 ផ្តល់ជំនួយសម្រាប់ប្រជាជនក្នុងតំបន់ហ្គាហ្សា នៅច្រកព្រំដែន Rafah នៅថ្ងៃទី ២ ខែវិច្ឆិកាឆ្នាំ ២០២៣ ។ រូបថត៖ THX/TTXVN |
នាថ្ងៃដដែល ថ្លែងក្នុងដំណើរទៅកាន់ទីក្រុង Sarajevo (បូស្នៀ) រដ្ឋមន្ត្រីការពារជាតិហូឡង់ លោក Kajsa Ollongren បានឲ្យដឹងថា ការផ្អាកសកម្មភាពប្រយុទ្ធគ្នាបានដើរតួយ៉ាងសំខាន់ក្នុងការដឹកជញ្ជូនជំនួយមនុស្សធម៌ដល់ប្រជាជននៅតំបន់ហ្គាហ្សា។
នាថ្ងៃទី ៦ វិច្ឆិការដែរ ប្រធាន EC លោកស្រី Ursula von der Leyen បានប្រកាសថា EU នឹងបង្កើនជំនួយមនុស្សធម៌ចំនួន ២៥ លានអឺរ៉ូ (២៦,៩លានដុល្លារអាមេរិក)ទៅកាន់តំបន់ហ្គាហ្សា។ ការសម្រេចចិត្តនេះ បានបង្កើនជំនួយមនុស្សធម៌សរុប សម្រាប់ជនស៊ីវិលនៅក្នុងទឹកដីនេះឡើដល់ ១០០លានអឺរ៉ូ។
នាថ្ងៃដដែល អ្នកនាំពាក្យរបស់កងកម្លាំងការពារអ៊ីស្រាអែល (IDF) វរសេនីយ៍ទោ Avichay Adraee បានឲ្យដឹងថា ប្រទេសនេះនឹងបើកច្រករបៀងមនុស្សធម៌ឡើងវិញដែលអនុញ្ញាតឱ្យជនស៊ីវិលប៉ាឡេស្ទីនពីភាគខាងជើងតំបន់ហ្គាហ្សា ជ្រកកោននៅភាគខាងត្បូងនៃទឹកដីនេះ។ តាមនោះ ច្រករបៀងមនុស្សធម៌ត្រូវបានបើកចាប់ពីម៉ោង ១០:០០ ព្រឹក ដល់ម៉ោង ២:០០ រសៀល នៅថ្ងៃតែមួយ(ម៉ោងក្នុងស្រុក)។
ក្នុងពេលជាមួយគ្នានោះ ការនាំយកពលរដ្ឋបរទេសចេញពីតំបន់ហ្កាហ្សាក៏បានចាប់ផ្តើមឡើងវិញចាប់តាំងពីថ្ងៃទី៦ខែវិច្ឆិការផងដែរ៕