ប្រធានរដ្ឋសភាវៀតណាម លោក Vuong Dinh Hue

អញ្ជើញថ្លែងនៅក្នុងពិធីនេះ ប្រធានរដ្ឋសភាវៀតណាម លោក Vuong Dinh Hue បានអះអាងថា ដំណើរទស្សនកិច្ចរបស់ប្រធានរដ្ឋសភាឡាវ គឺជាសញ្ញាសម្គាល់ថ្មី ដោយបើកដំណាក់កាលសហប្រតិបត្តិការថ្មី យ៉ាងស៊ីជម្រៅ លើគ្រប់ជ្រុងជ្រោយ និងជាក់ស្ដែងថែមទៀតរវាងរដ្ឋសភានៃប្រទេសទាំងពីរ ព្រមទាំងរួមចំណែកដ៏សំខាន់ក្នុងការពង្រឹង និងពង្រីកទំនាក់ទំនងដ៏មហិមា សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរវៀតណាម និងឡាវ។ ប្រធានរដ្ឋសភាវៀតណាម លោក Vuong Dinh Hue បានជូនពរឲ្យទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងបក្ស រដ្ឋ និងប្រជាជននៃប្រទេសទាំងពីរវៀតណាម-ឡាវជានិច្ចកាលស្រស់បំព្រង និងស្ថិតស្ថេចីរកាល។

ថ្នាក់ដឹកនាំទីក្រុងហាណូយប្រគល់ទឹកប្រាក់ ៥ ពាន់លានដុងជូនប្រជាជនឡាវ

ជាការឆ្លើយតប ប្រធានរដ្ឋសភាឡាវ លោក Saysomphone Phomvihane បានអះអាងថា ភាគីទាំងពីរបានធ្វើការពិភាក្សាគ្នាយ៉ាងស្មោះត្រង់អំពីការបង្កើនកិច្ចសហប្រតិបត្តិការនារយៈពេលខាងមុខ ជាពិសេសគឺសម្រេចរួចរាល់នូវកំណត់ហេតុសហប្រតិបត្តិការរវាងស្ថាប័ននីតិប្បញ្ញត្តិទាំងពីរ និងការចែករំលែកមេរៀនបទពិសោធន៍ក្នុងការគ្រប់គ្រងអាគាររដ្ឋសភា អនុវត្តការងារនីតិប្បញ្ញត្តិ ឃ្លាំមើល និង សម្រេចលើបញ្ហាសំខាន់ៗរបស់ប្រទេសជាតិឲ្យកាន់តែប្រសើរឡើយ។

ក្នុងឱកាសនេះ ប្រធានរដ្ឋសភានៃប្រទេសទាំងពីរបានធ្វើជាសាក្សីក្នុងពិធីថ្នាក់ដឹកនាំទីក្រុងហាណូយប្រគល់ទឹកប្រាក់ ៥ ពាន់លានដុងជូនប្រជាជនឡាវ ក្នុងការប្រយុទ្ធប្រឆាំងជំងឺរាតត្បាតកូវីដ ១៩ ផងដែរ៕