នារសៀលថ្ងៃទី១៤ ខែកក្កដា នៅទីក្រុងហាណូយ នាយករដ្ឋមន្ត្រីវៀតណាម លោក Pham Minh Chinh ប្រធានគណៈកម្មាធិការជាតិដឹកនាំការអនុវត្តការសន្យា របស់វៀតណាមនៅក្នុងសន្និសីទលើកទី ២៦ បណ្ដាភាគីហត្ថលេខីនៃអនុសញ្ញាក្របខ័ណ្ឌអង្គ ការសហប្រជាជាតិស្តីពីការប្រែប្រួលអាកាសធាតុ (COP26) បានអញ្ជើញជាប្រធាន សម័យប្រជុំលើកទី៤ នៃគណៈកម្មាធិការដឹកនាំ។

នាយករដ្ឋមន្ត្រី លោក Pham Minh Chinh ថ្លែងនៅកិច្ចប្រជុំ។ (រូបថត៖ VOV)

ថ្លែងមតិក្នុងកិច្ចប្រជុំនេះ នាយករដ្ឋមន្ត្រី លោក Pham Minh Chinh បានសង្កត់ ធ្ងន់ថា ការទប់ទល់នឹងបម្រែបម្រួលអាកាសធាតុ និងការអភិវឌ្ឍបៃតង គឺជាការ ទាមទារបន្ទាន់នៃការអភិវឌ្ឍរួមរបស់ពិភពលោកទាំងមូល ជាពិសេសសម្រាប់វៀត ណាមក្នុងនាមជាប្រទេសមួយក្នុងចំណោមប្រទេសទាំង ៥ ដែលរងផលប៉ះពាល់យ៉ាង ធ្ងន់ធ្ងរបំផុតដោយការប្រែប្រួលអាកាសធាតុ។ លោកនាយករដ្ឋមន្ត្រីបានឲ្យដឹងថា ប្រសិនបើវៀតណាមមិនមានកំណើនបៃតង ការផ្លាស់ប្តូរឌីជីថល និងមិនអាចធានាជីវ ភាពរស់នៅរបស់ប្រជាជនបានទេ នឹងពិបាកខ្លាំងណាស់ក្នុងការធ្វើសមាហរណកម្ម ដូច្នេះ ត្រូវតែមានសកម្មភាពស្របតាមនិន្នាការរបស់ពិភពលោក។ លោកនាយករដ្ឋ មន្ត្រីបានលើកច្បាស់ថា មេរៀនមួយក្នុងចំណោមមេរៀនក្នុងការអភិវឌ្ឍនោះ គឺ វៀតណាមត្រូវតែគួបផ្សំកម្លាំងរបស់ប្រជាជាតិជាមួយកម្លាំងនៃសម័យកាល គួបផ្សំកត្តា ប្រពៃណីជាមួយកត្តាទំនើប ហើយទាញយកផលប្រយោជន៍ពីកិច្ចសហប្រតិបត្តិការ ជាមួយប្រទេសធំៗ។ វៀតណាមត្រូវតែផ្តោតសំខាន់លើការអភិវឌ្ឍបៃតង ប្រកបដោយ ភាពធន់នឹងការប្រែប្រួលអាកាសធាតុ។

អង្គប្រជុំបានពិភាក្សាអំពីខ្លឹមសារនៃការកៀងគរធនធានដើម្បីអនុវត្តន៍កំណើនបៃតងរបស់វៀតណាមឆ្ពោះទៅគោលដៅដែលបានសន្យានៅ COP26 ស្តីពីការនាំយក ការបំភាយឧស្ម័នសុទ្ធមក "សូន្យ" នៅឆ្នាំ ២០៥០; ផែនការអនុវត្តន៍ការសន្យាបំប្លែង ថាមពលធ្យូងថ្មទៅជាថាមពលស្អាត ផែនការមេថាមពលជាតិ និងការអនុវត្តផែនការ មេអភិវឌ្ឍន៍ថាមពលអគ្គិសនីជាតិ៕