បញ្ហា Brexit៖ នាយករដ្ឋមន្ត្រីអង់គ្លេសអះអាងថា នឹងបន្តធ្វើការ "ក្នុងរយៈពេលពីរសប្តាហ៍ទៀត"
(VOVWORLD) -នាយករដ្ឋមន្រ្តីអង់គ្លេសលោកស្រី Theresa May បានច្រានចោល ពាក្យចចាមអារ៉ាមដែលថា លោកស្រីអាចលាលែងពីតំណែង ប្រសិនបើសេចក្តីព្រាងនៃផែនការ Brexit របស់លោកស្រីមិនទទួលបានការផ្ដល់សច្ចាប័នពីរដ្ឋសភា នៅក្នុងកិច្ចប្រជុំនាថ្ងៃទី ១១ ខែធ្នូ។
 នាយករដ្ឋមន្រ្តីអង់គ្លេសលោកស្រី Theresa May |
ឆ្លើយសម្ភាសន៍ទូរទស្សន៍ ITV នាថ្ងៃទី ៣ ខែធ្នូ លោកស្រី Theresa May បានអះអាងថា "ខ្ញុំនៅតែធ្វើការងាររបស់ខ្ញុំ ក្នុងរយៈពេលពីរសប្តាហ៍ទៀត"។ លោកស្រីបន្តថា" ការងាររបស់ខ្ញុំគឺត្រូវធានាថាយើងអនុវត្តន៍តាមសំណើររបស់ប្រជាជន ពោលគឺចាកចេញពីសហភាពអឺរ៉ុប (EU) ប៉ុន្តែយើងនឹងធ្វើការងារនេះឲ្យបានល្អសម្រាប់ប្រជាជន"។ លោកស្រីបានសង្កត់ធ្ងន់ថា នឹងគ្មានការផ្លាស់ប្ដូរណាមួយចំពោះផែនការ Brexit ដែលលោកស្រីបានឯកភាពគ្នាជាមួយថ្នាក់ដឹកនាំ EU ឡើយ។
ក្នុងសារមួយផ្ញើទៅកាន់រដ្ឋសភា លោកស្រីនាយករដ្ឋមន្ត្រីអង់គ្លេសបានអំពាវនាវឱ្យសមាជិកសភា ត្រិះរិះអំពីសិទ្ធិរបស់អ្នកបោះឆ្នោត ជំនួសឲ្យការច្រានចោលកិច្ចព្រមព្រៀង Brexit ផងដែរ៕