ពង្រឹងការតភ្ជាប់សហគ្រាសវៀតណាមជាមួយសហគ្រាស UAE និង Ras Al-Khaimah
(VOVWORLD) - ក្នុងក្របខ័ណ្ឌនៃសកម្មភាពនានានៅអេមីរ៉ាតអារ៉ាប់រួម (UAE) នាថ្ងៃទី ៥ ឧសភា អនុប្រធានរដ្ឋវៀតណាមលោកស្រី Vo Thi Anh Xuan បានជួបពិភាក្សាការងារជាមួយ ព្រះមហាក្សត្រ Ras Al Khaimah Sheikh Saud bin Saqr al Qasimi។
 អនុប្រធានរដ្ឋ Vo Thi Anh Xuan ជួបពិភាក្សាការងារជាមួយ ព្រះមហាក្សត្រ Ras Al Khaimah Sheikh Saud bin Saqr al Qasimi។ (រូបថត៖ Lam Khanh/VNA) |
នៅក្នុងជំនួបនេះ ព្រះមហាក្សត្រ Ras Al Khaimah មានបំណងចង់បង្កើនកិច្ចសហប្រតិបត្តិការរវាង Ras Al Khaimah ជាមួយវៀតណាម ដោយសង្កត់ធ្ងន់ថា នឹងប្រគល់ស្ថាប័ននានារបស់រដ្ឋអំណាចអេមីរ៉ាត ជំរុញកិច្ចសហប្រតិបត្តិការជាមួយវៀតណាមលើគ្រប់វិស័យ; ហើយបានអះអាងថា បានត្រៀមខ្លួនបង្កើតលក្ខខណ្ឌអំណោយផលសម្រាប់សហគ្រាសវៀតណាមធ្វើអាជីវកម្មនិងវិនិយោគ ជាពិសេសនៅតំបន់សេដ្ឋកិច្ចពិសេសនៃប្រទែសនេះ។
អនុប្រធានរដ្ឋវៀតណាមលោកស្រី Vo Thi Anh Xuan បានស្នើថា បណ្ដាស្ថាប័នពាក់ព័ន្ធរបស់ភាគីទាំងពីរ គប្បីបន្តសុក្រិតក្របខ័ណ្ឌគតិយុត្ត និងយន្តការសហប្រតិបត្តិការសំខាន់ដូចជាកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ (CEPA) បង្កើតក្រុមប្រឹក្សាធុរកិច្ចវៀតណាម-UAE ដើម្បីបង្កើនការតភ្ជាប់រវាងសហគ្រាសវៀតណាមជាមួយសហគ្រាសនានារបស់ UAE និងអេមីរ៉ាត Ras Al Khaimah៕