ពិធីរំលឹកខួបលើកទី១១០ឆ្នាំនៃទិវាកំណើតអតីតអគ្គលេខាបក្ស Tran Phu (VOV)

        Vovworld-នាថ្ងៃទី២៩មេសា​នៅទីក្រុង Ha Tinh បក្សភាគនិងប្រជាជនខេត្ត
Ha Tinh ភាគកណ្ដាលវៀតណាមបានរៀបចំពិធីរំលឹកខួបលើកទី១១០នៃទិវា
កំណើត​លោក Tran Phu អគ្គលេខាដើមដំបូងរបស់បក្សកុម្មុយនីស្តវៀតណាម​
(ទី១​ឧសភា) ដ៏មហោឡារឹក។ ចូលរួមពិធីនេះមានអគ្គលេខាបក្សលោក Nguyen
Phu Trong ប្រធានរដ្ឋសភាលោក Nguyen Sinh Hung រួមជាមួយថ្នាក់ដឹក​នាំនិង
អតីត​ថ្នាក់ដឹកនាំជាន់ខ្ពស់បក្សរដ្ឋ។

        អានសន្ទរកថានៅពិធីនេះ លោក Nguyen Thanh Binh លេខាគណៈ​កម្មាធិការ​
បក្ស ប្រធានក្រុមប្រឹក្សាប្រជាជនខេត្ត Ha Tinh បានរំលឹកឡើងវិញ​ជីវប្រវត្តិនិង
បុព្វហេតុបដិវត្តន៍ដ៏ភ្លឺស្វាងរបស់លោក Tran Phu ជាកូនសិស្សឆ្នើមរបស់​លោក​
ប្រធានហូជីមិញ អគ្គមគ្គុទេសឈ្លាសវៃរបស់បក្ស។ លោក Tran Phu កើតនៅថ្ងៃទី
១ឧសភាឆ្នាំ១៩០៤នៅខេត្ត Phu Yen ក្នុងគ្រួសារក្រីក្រស្នេហា​ជាតិ។ ​ស្រុកកំណើត
របស់លោកគឺឃុំ Tung Anh ស្រុក Duc Tho ខេត្ត Ha Tinh​ ជាដំបន់ដីពោពេញទៅ
ដោយប្រពៃណីស្នេហាជាតិនិងបដិវត្តន៍។ នាឆ្នាំ១៩៣០ លោក Tran Phu ត្រូវបាន
ជ្រើសតាំងធកវើជាអគ្គលេខាបក្សដើមដំបូងមាន​អាយុ២៦ឆ្នាំតែប៉ុណ្ណោះ។ អគ្គលេខា
បក្ស Tran Phu បានលាចាកនាថ្ងៃទី៦កញ្ញឆ្នាំ​១៩៣១។​ លោក Nguyen Thanh Binh លេខាគណៈកម្មាធិការបក្សខេត្ត Ha Tinh បានអះអាងថា៖

        “ជីវិតសកម្មភាពបដិវត្តន៍របស់លោក Tran Phu ទោះបីខ្លីក៏ដោយ ប៉ុន្តែ​អគ្គលេខា
បានសំរេចបរិមាណការងារដ៏ធំធេង បន្សល់ទុកឲ្យបក្សប្រជាជាតិ​វៀត​ណាមរាល់
បេតិកភ័ណ្ឌដ៏ថ្លៃថ្លា។ កម្មវិធីនយោបាយឆ្នាំ១៩៣០ដោយ​លោក Tran Phu តាក់តែង
និងឯកសារសំខាន់ៗរបស់បក្សយើងក្នុងសម័យ​កាល​លោកធ្វើជាអគ្គលេខាបក្សបាន
រួមចំណែកបង្កើតគោលមាគ៌ាសារវន្តរបស់​បដិវត្តន៍វៀតណាម៕”