ភ្ញៀវទេសចរមកទស្សនានិងសិក្សានៅមណ្ឌលអភិរក្សសត្វខ្លាឃ្មុំ Ninh Binh។ រូបថត៖ Thuy Dung/VNA

ដូច្នេះហើយ ក្នុងរយៈពេល ៧ខែ ដើមឆ្នាំនេះ ចំនួនភ្ញៀវអន្តរជាតិសរុបមកវៀតណាម ឈានដល់ជិត ៦,៦លាននាក់ ស្មើនឹង ៨៣% នៃផែនការដែលបានដាក់ចេញ។ យោងតាមនាយកដ្ឋានទេសចរណ៍ជាតិវៀតណាម៖ ជាមួយនឹងសមិទ្ធិផលដែលបានស្វាគមន៍ភ្ញៀវអន្តរជាតិស្មើរនឹង ៨៣% នៃផែនការពេញមួយឆ្នាំ ក្រោយរយៈពេលត្រឹមតែ ៧ខែនោះ ទេសចរណ៍វៀតណាមអាចនឹងសម្រេចបានគោលដៅដែលបានដាក់ចេញក្នុងពេលឆាប់ៗនេះ។

កូរ៉េខាងត្បូងនៅតែបន្តជាទីផ្សារទេសចរណ៍ដ៏ធំបំផុតក្នុងរយៈពេល ៧ ខែកន្លងទៅ ជាមួយនឹងចំនួនភ្ញៀវមកវៀតណាមជិត ១,៩ លាននាក់ (ជិត១/៣នៃចំនួនភ្ញៀវទេសចរណ៍ស្រុម) បន្ទាប់មកគឺប្រទេសចិន និងសហរដ្ឋអាមេរិក។ ក្នុងចំណោមទីផ្សារភ្ញៀវអន្តរជាតិកំពូលទាំង ១០ នៃទេសចរណ៍វៀតណាម តំបន់អាស៊ីឦសានមានទីផ្សារចំនួន ៤ គឺកូរ៉េខាងត្បូង ចិន តៃវ៉ាន់ និងជប៉ុន។ អាស៊ីអាគ្នេយ៍មានទីផ្សារចំនួន ៣ រួមមានប្រទេសថៃ ម៉ាឡេស៊ី និងកម្ពុជា។ ប្រទេសអូស្ត្រាលីជាប់ចំណាត់ថ្នាក់ទី ៩ និងប្រទេសឥណ្ឌាជាប់ចំណាត់ថ្នាក់ទី ១០៕