យោងតាមសេចក្តីថ្លែងការណ៍ដែលបានចេញផ្សាយនៅលើគេហទំព័ររបស់ក្រសួងការបរទេសអ៊ីរ៉ង់ អគ្គនាយកនៃនាយកដ្ឋានអឺរ៉ុបខាងលិចបានផ្តល់ឱ្យឯកអគ្គរដ្ឋទូតអង់គ្លេសនូវកំណត់សំគាល់មួយប្រឆាំងនឹងសកម្មភាពដែលធ្វើឡើងដោយទីក្រុងឡុងដ៍ប្រឆាំងនឹង "សន្តិសុខជាតិនៃសាធារណរដ្ឋអ៊ីស្លាមអ៊ីរ៉ង់"។

ការសម្រេចចិត្តកោះហៅឯកអគ្គរដ្ឋទូត Shercliff ត្រូវបានធ្វើឡើងដោយភាគីអ៊ីរ៉ង់បន្ទាប់ពីការប្រហារជីវិតរបស់អតីតអនុរដ្ឋមន្ត្រីការពារជាតិ Alireza Akbari ដែលជាពលរដ្ឋសញ្ជាតិពីរគឺអ៊ីរ៉ង់-អង់គ្លេស ពីបទ "ចារកម្មបម្រើភ្នាក់ងារស៊ើបការណ៍សម្ងាត់ចក្រភពអង់គ្លេស" ។ លោក Akbari អាយុ ៦១ ឆ្នាំត្រូវបានចាប់ខ្លួនក្នុងឆ្នាំ ២០១៩។

មុននោះ ក្នុងថ្ងៃដដែល   រដ្ឋមន្ត្រីការបរទេសអង់គ្លេស លោក James Cleverly បានប្រកាសថា ទីក្រុងឡុងដ៍នឹងកោះហៅឯកអគ្គរដ្ឋទូតរបស់ប្រទេសនេះប្រចាំនៅអ៊ីរ៉ង់ជាបណ្ដោះអាសន្ន ហើយពិចារណាលើសកម្មភាពបន្ទាប់ជាមួយទីក្រុងតេអេរ៉ង់៕