(VOVworld) - ជំនួបសន្ទនារវាងប្រធានាធិបតីរុស្ស៊ីលោក Vladimir Putin និងសមភាគី
ទួរគីលោក Recep Tayyip Erdogan ដែលគ្រោងនឹងប្រព្រឹត្តទៅនាថ្ងៃទី១៥ ធ្នូ បានត្រូវ
លុបចោល។នេះជាសេចក្ដីជូនដំណឹងរបស់លេខាធិការសារព័ត៌មាន របស់ប្រធានា
ធិបតីរុស្ស៊ីលោក Dmitry Peskov ដែលត្រូវបានចេញផ្សាយក្នុងសន្និ សីទកាសែតនា
ថ្ងៃទី១៤ ធ្នូ។ភាគីទាំងពីរបានឯកភាពអំពីជំនួបសន្ទនាពោលខាងលើនៅខាងក្រៅ
សន្និសីទកំពូលក្រុមខឿនសេដ្ឋកិច្ចអភិវឌ្ឍន៍និងកំពុងអភិវឌ្ឍន៍ជួរមុខលើពិភព
លោក (G២០) កាលពីពាក់កណ្ដាលខែវិច្ឆិកាកន្លងទៅ មួយសប្ដាហ៍មុនពេលអង់
ការ៉ាបាញ់ទម្លាក់យន្តហោះចម្បាំង Su-២៤របស់ម៉ូស្គូនៅក្នុងដែន អាកាសរបស់
ស៊ីរី។រឿងក្ដីនេះបានរុញច្រានទំនាក់ទំនងទួរគី-រុស្ស៊ីធ្លាក់ក្នុងស្ថានភាពតានតឹង
មិនធ្លាប់មានពីមុនមក ព្រមទាំងនាំទៅវិធានការដាក់ទណ្ឌកម្មយ៉ាងធ្ងន់ធ្ងររបស់
ម៉ូស្គូទៅលើអង់ការ៉ា។

យន្តហោះចម្បាំងរបស់រុស្ស៊ីត្រូវទួរគីបាញ់ទម្លាក់នៅតំបន់ព្រំដែនទួរគី-ស៊ីរី (រូបថត៖AFP/TTXVN)

មុននោះ ថ្នាក់ដឹកនាំរុស្ស៊ីក៏បានបដិសេធជួបសន្ទនាជាមួយសមភាគីទួរគីនៅខាង
ក្រៅសន្និសីទលើកទី២១អនុសញ្ញាក្របខ័ណ្ឌអ.ស.បស្ដីពីបំរ៉ែបំរួលអាកាសធាតុ
(COP ២១) នៅទីក្រុងប៉ារីស។រហូតដល់ពេលនេះ ទួរគីនៅតែបដិសេធមិនសុំ
ទោសអំពី ការបាញ់ទម្លាក់យន្តហោះ Su-២៤ ដោយមិនអើពើដល់វិធានការដាក់
ទណ្ឌកម្ម សេដ្ឋកិច្ចរបស់រុស្ស៊ី។

នាថ្ងៃដដែល ក្រុមហ៊ុនថាមពលជាតិរុស្ស៊ី Chernomorneftegaz បានជូនដំណឹងថា
នាវាដឹកជញ្ជូនទំនិញមួយដែលព្យួរទង់ជាតិទួរគីបានមិនជៀសផ្លូវសំរាប់ក្រុម
នាវារបស់រុស្ស៊ីដែលកំពុងដឹកជញ្ជូនស្ថានីយ៍បូមប្រេងនៅសមុទ្រខ្មៅ។សេចក្ដី
ជូនដំណឹងនេះលើកច្បាស់ថា នាវាទួរគីបានរំលោភទៅលើទំនៀមទំលាប់អន្តរ
ជាតិស្ដី អំពីការទប់ស្កាត់គ្រោះប៉ះទង្គិចនាវានៅសមុទ្រនិងការកំណត់ខាងនាវា
ចរណ៍៕