ឯកអគ្គរដ្ឋទូត Le Thi Tuyet Mai ប្រធានបេសកកម្មអចិន្ត្រៃយ៍វៀតណាមនៅទីក្រុងហ្សឺណែវ។ (រូបថត៖ TTXVN )

នាថ្ងៃទី ៧ មិថុនា នៅទីក្រុងហ្សឺណែវ ឯកអគ្គរដ្ឋទូត Le Thi Tuyet Mai ប្រធានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ អង្គការពាណិជ្ជកម្មពិភពលោកនិងអង្គការអន្តរជាតិផ្សេងទៀតនៅទីក្រុងហ្សឺណែវ បានតំណាងរដ្ឋាភិបាលវៀតណាមថ្លែងមតិក្នុងសន្និសីទអន្តរជាតិខាងការងារលើកទី ១១១ ដោយលើកតម្កើងគោលនយោបាយនិងសមិទ្ធិផលគួរឲ្យលើកទឹកចិត្តរបស់វៀតណាមក្នុងការពង្រឹងប្រព័ន្ធសុខុមាលភាពសុខសង្គម ដើម្បីជំរុញការស្តារឡើងវិញ និងអភិវឌ្ឍន៍បច្ចេកទេសក្រោយជំងឺកូវីដ-១៩។  ឯកអគ្គរដ្ឋទូត Le Thi Tuyet Mai បានសង្កត់ធ្ងន់ថា វៀតណាមវាយតំលៃខ្ពស់ចំពោះរបាយការណ៍របស់អគ្គនាយកអង្គការពលកម្មអន្តរជាតិ (ILO) លោក Gilbert F. Houngbo ស្តីពី “ការជំរុញយុត្តិធម៌សង្គម” ក៏ដូចជាកិច្ចខិតខំប្រឹងប្រែងនិងគំនិតផ្តួចផ្តើមលើកកម្ពស់ការងារនិងសុខុមាលភាពសង្គម ឆ្ពោះទៅរកការងារសមរម្យនិងផ្លាស់ប្តូរដោយសមភាព ដើម្បីសម្រេចបានជោគជ័យនូវគោលដៅនៃរបៀបវារៈដល់ឆ្នាំ ២០៣០ ស្តីពីការអភិវឌ្ឍប្រកបដោយចីរភាពរបស់អ.ស.ប និងអនុវត្តបេសកកម្មរបស់ ILO ក្នុងការជំរុញយុត្តិធម៌សង្គមនិងការងារសមរម្យសម្រាប់មនុស្សគ្រប់រូប។ ឯកអគ្គរដ្ឋទូត Le Thi Tuyet Mai បានអះអាងសារជាថ្មីនូវការសន្យសរបស់វៀតណាមចំពោះគុណតម្លៃជាសកលរបស់ ILO ដោយបន្តបង្កើតគោលនយោបាយនិងច្បាប់ពាក់ព័ន្ធដ៏ល្អឥតខ្ចោះ រួមដៃជាមួយសមាជិក ILO ដើម្បីដោះស្រាយបញ្ហាប្រឈមនៃអនាគតការងារ និងលើកកម្ពស់យុត្តិធម៌សង្គម។

សន្និសីទការងារអន្តរជាតិលើកទី ១១១ មានការចូលរួមពីតំណាងត្រីភាគី រួមមានរដ្ឋាភិបាល និយោជក និងកម្មករនៃប្រទេសសមាជិកចំនួន ១៨៧៕