អគ្គលេខាធិការអង្គការសហប្រជាជាតិ លោក Antonio Guterres ស្វាគមន៍ចំពោះការអនុម័តលើសន្ធិសញ្ញាស្តីពីមហាសមុទ្រ។ (រូបថត៖ THX/TTXVN)

សន្ធិសញ្ញាដែលស្របច្បាប់ក្នុងការអភិរក្ស និងធានានូវការប្រើប្រាស់ប្រកបដោយនិរន្តរភាពជីវចម្រុះនៃមហាសមុទ្រ ដែលត្រូវបានពិភាក្សាអស់រយៈពេល ១៥ ឆ្នាំ ក្នុងនោះមានការចរចាជាផ្លូវការអស់រយៈពេល ៤ ឆ្នាំ និងត្រូវបានការឯកភាពពីអ្នកចរចារនៃប្រទេសចំនួន ១០០  បន្ទាប់ពីរយៈពេលចរចារ ៥ ជុំ  ដែលដឹកនាំដោយអង្គការសហប្រជាជាតិ។ សន្ធិសញ្ញានេះនឹងចូលជាធរមានជាផ្លូវការបន្ទាប់ពីពាក្យពេជ្រត្រូវបានមេធាវីពិនិត្យយ៉ាងយកចិត្តទុកដាក់  និងបានបកប្រែទៅជាភាសាផ្លូវការទាំង ៦ របស់អង្គការសហប្រជាជាតិ។

ទោះបីជាឯកសារផ្លូវការមិនត្រូវបានចេញផ្សាយក៏ដោយ ប៉ុន្តែអ្នកការពារបរិស្ថានចាត់ទុកកិច្ចព្រមព្រៀងរបស់ប្រទេសលើសន្ធិសញ្ញាបន្ទាប់ពីការចរចាអស់រយៈពេលជាយូរថា ជាចំណូចលោតផ្លោះក្នុងកិច្ចការពារជីវចម្រុះ។

រូបភាព៖ TTXVN

គណៈប្រតិភូអន្តរទីភ្នាក់ងារវៀតណាមដឹកនាំដោយលោកឯកអគ្គរដ្ឋទូត Dang Hoang Giang ប្រធានបេសកម្មវៀតណាមប្រចាំនៅអង្គការសហប្រជាជាតិ បានចូលរួមយ៉ាងសកម្ម និងបានរួមចំណែកយ៉ាងជាក់ស្តែងក្នុងដំណើរការចរចានៅសន្និសីទនេះ។ គណៈប្រតិភូវៀតណាមបានដាក់សំណើជាច្រើនដើម្បីផលប្រយោជន៍រួមរបស់ប្រទេសកំពុងអភិវឌ្ឍន៍ ជាពិសេសបទប្បញ្ញត្តិទាក់ទងនឹងការកសាងសមត្ថភាព និងការផ្ទេរបច្ចេកវិទ្យាសមុទ្រ។

យោងតាមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២ មហាសមុទ្រគឺជាដែនទឹកអន្តរជាតិ រួមទាំងតំបន់សមុទ្រទាំងអស់ដែលមិនស្ថិតនៅក្នុងតំបន់សេដ្ឋកិច្ចផ្តាច់មុខ ដែនសមុទ្រឬដែនទឹកផ្ទៃក្នុងរបស់ប្រទេសមួយ ឬស្ថិតនៅក្នុងដែនទឹកប្រជុំកោះនៃប្រទេសប្រជុំកោះ។ ដូច្នេះមហាសមុទ្រមិនស្ថិតនៅក្រោមសិទ្ធិយុត្តាធិការរបស់ប្រទេសណាមួយឡើយ។ ទោះបីជាមហាសមុទ្រគ្របដណ្តប់ជាង ៦០% នៃមហាសមុទ្រពិភពលោក និងជិត ៥០% នៃផ្ទៃផែនដីក៏ដោយ មានតែប្រហែល ១% នៃមហាសមុទ្រប៉ុណ្ណោះដែលត្រូវបានការពារ។ ដូចនេះ នៅពេលដែលចូលជាធរមាន សន្ធិសញ្ញានេះនឹងអនុញ្ញាតឲ្យមានការបង្កើតតំបន់ការពារនៅក្នុងដែនសមុទ្រអន្តរជាតិ៕