ឥណ្ឌានិង EU ខំប្រឹងប្រែងចាប់ផ្តើមឡើងវិញការចរចារអំពី FTA (Image: VNA)

(VOVworld) – រដ្ឋមន្ត្រីក្រសួងពាណិជ្ជកម្មនិងឧស្សាហកម្មរបស់ឥណ្ឌា លោក Nirmala
 Sitharaman ទើបនឹងជួបធ្វើការជាមួយតំណាងជាន់ខ្ពស់សហភាពអឺរ៉ុប (EU) ទទួល
បន្ទុក ពាណិជ្ជកម្ម លោកស្រី Ceciliia Malmstroem នៅទីក្រុងប៉ារីស បារាំង ដើម្បី
ពិពាក្សាអំពី កិច្ចសហប្រតិបត្តិការពាណិជ្ជកម្មវិនិយោគក៏ដូចជាសមត្ថភាពចាប់
ផ្តើមការចរចារអំពីកិច្ចព្រម ព្រៀងពាណិជ្ជកម្មសេរី (FTA) រវាងភាគីទាំងពីរ ឡើងវិញ
បន្ទាប់ពីរយៈពេលយូរអង្វែងត្រូវ បានផ្អាក។ នៅជំនួបធ្វើការនេះ ថ្នាក់ដឹកនាំទាំង
ពីររូបបានពិភាក្សាអំពីវិធានការបង្កើនទំនាក់ ទំនងទ្វេភាគី បញ្ហាទាក់ទិនដល់
កិច្ចព្រមព្រៀងសហប្រតិបត្តិការសេដ្ឋកិច្ចលើគ្រប់ជ្រុងជ្រោយ (CECA) កិច្ចព្រម
ព្រៀងដៃគូសេដ្ឋកិច្ចលើគ្រប់ជ្រុងជ្រោយក្នុងតំបន់ (RCEP) និងកិច្ចព្រម ព្រៀង
ដៃគូពាណិជ្ជកម្មឆ្លងមហាសមុទ្រប៉ាស៊ីហ្វិក (TPP)។​ បណ្ដាវិធានការជំរុញកិច្ចព្រម
ព្រៀងពាណិជ្ជកម្មនិងវិនិយោគបើកទូលាយ (BTIA) និងបញ្ហាទាក់ទិនដល់អង្គការ
ពាណិជ្ជកម្មពិភពលោក  (WTO) ក៏ត្រូវបានពិភាក្សាផងដែរ។ នេះគឺជាកិច្ចប្រជុំ
លើកទី​៣ រវាង បណ្ដាមន្ត្រីជាន់ខ្ពស់របស់ឥណ្ឌានិង EU ក្នុងឆ្នាំ ២០១៦ នេះដើម្បី
ដោះស្រាយរាល់ការខ្វែង គំនិតទាក់ទិនដល់ FTA។​ ឥណ្ឌានិង  EU បានចាប់ផ្តើម
បណ្ដាការចរចារអំពី BTIA ចាប់ពីខែ មិថុនា ឆ្នាំ ២០០៧​ ប៉ុន្តែ ភាគីទាំងពីនៅ
មានការខ្វែងគំនិតដ៏ធ្ងន់ធ្ងរអំពីកម្មសិទ្ធិបញ្ញា ការកាត់​បន្ថយជំនួយឧបត្ថម្ភលើ
វិស័យផលិតកម្មរថយន្តនិងយន្តការលើកលែងទិដ្ឋាការ៕