ឧបនាយករដ្ឋមន្ត្រីវៀតណាមលោក Le Minh Khai អញ្ជើញទទួលជួបនាយកកម្មវិធីវៀតណាមនៅសាកលវិទ្យាល័យ Harvard និងអ្នកជំនាញមកពីសាកលវិទ្យាល័យ Fulbright វៀតណាម (រូបថត៖ VGP)

នាព្រឹកថ្ងៃទី ១៩ មីនា នៅទីក្រុងហាណូយ ឧបនាយករដ្ឋមន្ត្រីវៀតណាមលោក Le Minh Khai បានអញ្ជើញទទួលជួបលោកសាស្ត្រាចារ្យ Thomas Vallely នាយកកម្មវិធីវៀតណាមនៅសាកលវិទ្យាល័យ Harvard និងអ្នកជំនាញមកពីសាកលវិទ្យាល័យ Fulbright វៀតណាម។ អញ្ជើញថ្លែងនៅទីនេះ ឧបនាយករដ្ឋមន្ត្រីលោក Le Minh Khai បានស្វាគមន៍សហរដ្ឋអាមេរិកដែលបន្តវិនិយោគរយៈពេលវែងសម្រាប់សាកលវិទ្យាល័យ Fulbright នៅវៀតណាម ហើយបានអះអាងថា រដ្ឋាភិបាលវៀតណាមនឹងបន្តយកចិត្តទុកដាក់ និងគាំទ្រសាកលវិទ្យាល័យ Fulbright ឱ្យក្លាយទៅជាមជ្ឈមណ្ឌលបណ្តុះបណ្តាលធនធានមនុស្សប្រកបដោយគុណភាពខ្ពស់នៅវៀតណាម។ ឧបនាយករដ្ឋមន្ត្រីលោក Le Minh Khai មានគោលបំណងថា ទំនាក់ទំនងសហប្រតិបត្តិការរវាងដៃគូវៀតណាម និងអាមេរិកនិយាយរួម និងកិច្ចសហប្រតិបត្តិការលើវិស័យសន្ទនាគោលនយោបាយ អភិវឌ្ឍន៍ធនធានមនុស្ស អប់រំ និងបណ្តុះបណ្តាលនិយាយដោយឡែក នឹងទទួលបានជំហានអភិវឌ្ឍន៍យ៉ាងខ្លាំងក្លាជាក់ស្ដែងថែមទៀតនាពេលខាងមុខ។

ជាការឆ្លើយតប លោកសាស្រ្តាចារ្យ Thomas Vallely បានឲ្យដឹងថា លោកនឹងសហការយ៉ាងជិតស្និទ្ធជាមួយក្រសួងការបរទេស ដើម្បីជំរុញនិងរៀបចំកម្មវិធីភាពជាអ្នកដឹកនាំប្រតិបត្តិរបស់វៀតណាម (VELP) ក្នុងឆ្នាំ ២០២៤ដែលរំពឹងថានឹងប្រព្រឹត្តទៅនៅខែមេសាខាងមុខ៕