(VOV)_ទទួលសេចក្ដីអញ្ជើញរបស់អគ្គលេខាបក្ស និងជាប្រធានរដ្ឋចិនលោក
Xí Jìnpíng នាថ្ងៃទី១២មករា អគ្គលេខាបក្ស លោក Nguyen Phu Trong បានចាប់ផ្តើម
ដំណើរបំពេញទស្សនកិច្ចជាផ្លូវការនៅចិន ចាប់ពីថ្ងៃទី១២ដល់ថ្ងៃទី១៥មករាឆ្នាំ២០១៧។
ដំណើរទស្សនកិច្ចលើកនេះបន្តរួមចំណែកជំរុញទំនាក់ទំនងវៀតណាម-ចិនបន្តអភិ
វឌ្ឍន៍ខ្លាំងក្លា ស្ថិរភាព ដើម្បីផលប្រយោជន៍របស់ប្រជាជននៃប្រទេសទាំងពីរ ដើម្បី
សន្តិភាព ភាពសម្បូររុងរឿងក្នុងតំបន់និងពិភពលោក។
.jpg) |
| អគ្គលេខាបក្ស លោក Nguyen Phu Trong |
ដំណើរទស្សនកិច្ចនៅចិនលើកនេះរបស់អគ្គលេខាបក្ស លោក Nguyen Phu Trong
បានប្រព្រឹត្តទៅក្នុងឱកាស ប្រទេសទាំងពីររំលឹកខួបអនុស្សាវរីយ៍លើកទី៦៧ទិវាបង្កើត
ទំនាក់ទំនងការទូត និងបុណ្យចូលឆ្នាំថ្មីប្រពៃណី។នេះជាឱកាសសំខាន់ ដើម្បីថ្នាក់ដឹក
នាំនៃបក្សទាំងពីរ រដ្ឋទាំងពីរ ជួបជុំ ពិភាក្សាជាមួយគ្នា សំដៅជំរុញទំនាក់ទំនង កំ
ណត់ទិសដៅអភិវឌ្ឍន៍ខ្លាំងក្លានិងយូរអង្វែងរវាងប្រទេសទាំងពីរ វៀតណាម-ចិន។
កិច្ចសហប្រតិបត្តិការមិត្តភាពនៅតែជាចរន្តស្នូល
វៀតណាមនិងចិនជាប្រទេសជិតខាង មានទំនាក់ទំនងមិត្តភាព ប្រពៃណីយូរ
អង្វែង។ ចំណងមិត្តភាពរវាងប្រទេសទាំងពីរ ត្រូវបានលោកប្រធានហូជីមិញ លោកប្រធានម៉ៅសេទុង រួមជាមួយបណ្ដាថ្នាក់ដឹកនាំជំនាន់មុនៗនៃបក្សទាំងពីរ រដ្ឋទាំង
ពីរពូនជ្រុំ ហើយក្លាយទៅជាទ្រព្យសម្បត្តិដ៏ថ្លៃថ្លានៃប្រជាជាតិទាំងពីរ។
បន្ទាប់ពីពេលប្រក្រដីទំនាក់ទំនងនាឆ្នាំ១៩៩១ ទំនាក់ទំនងសហប្រតិបត្តិការ
មិត្តភាពវៀតណាម-ចិន អភិវឌ្ឍន៍ខ្លាំក្លាលើច្រើនវិស័យ។ ប្រទេសទាំងពីរបានបង្កើត
ទំនាក់ទំនងដៃគូសហប្រតិបត្តិការយុទ្ធសាស្ត្រ លើគ្រប់វិស័យ នាឆ្នាំ២០០៨ បំពេញ
ផលប្រយោជន៍របស់ប្រជាជននៃប្រទេសទាំងពីរ ក៏ដូចជាសន្តិភាព ស្ថិរភាព និង
ការអភិវឌ្ឍន៍ក្នុងតំបន់និងអន្តរជាតិ។ ក្នុងរយៈពេលកន្លងទៅ ភាគីទាំងពីរបាន
រក្សាជំនួបប្រាស្រ័យជាន់ខ្ពស់ជាប្រចាំ រួមចំណែកបង្កើនទំនុកទុកចិត្តខាងនយោ
បាយ ជំរុញកិច្ចសហប្រតិបត្តិការជាក់ស្ដែង នាំប្រទេសទាំងពិរកាន់តែអភិវឌ្ឍន៍ខ្លាំង
ក្លាពីមួយថ្ងៃទៅមួយថ្ងៃ។ ឯកអគ្គរដ្ឋទូតវៀតណាមប្រចាំនៅចិន លោក Dang Minh
Khoi បានអះអាងថា៖
“ កិច្ចសហប្រតិបត្តិការរវាងបណ្ដាតំបន់នានារបស់វៀតណាមនិងចិនបានដើរ
តួនាទីដ៏សែនសំខាន់។ ពីឆ្នាំ១៩៩១មក កិច្ចសហប្រតិបត្តិការរវាងបណ្ដាតំបន់ ជាពិ
សេសគឺខេត្តជាប់ព្រំដែនទាំង៧ នៅភាគខាងជើងវៀតណាម និងទីក្រុងធំៗ ដូចជា
ហាណូយ និងទីក្រុងហូជីមិញ Binh Duong រួមជាមួយតំបន់ផ្សេងៗរបស់ចិនបានអភិ
វឌ្ឍន៍ខ្លាំងក្លា។ កិច្ចសហប្រតិបត្តិការនេះបានរួមចំណែកបង្កើនការផ្លាស់ប្តូររវាងភា
គីទាំងពីរ មិនគ្រាន់តែខ្លាំងពាណិជ្ជកម្ម វិនិយោគប៉ុណ្ណោះទេ ក្នុងនោះក៏មានការជួប
ប្រាស្រ័យប្រជាជន បណ្ដុះបណ្ដាលកម្មាភិបាលទៀតផង។”
ទំនាក់ទំនងសេដ្ឋកិច្ច ពាណិជ្ជកម្មអភិវឌ្ឍន៍ស្ថិរភាព។ឆ្នាំ ២០១៧ ភាគីទាំងពីរ
បានខំប្រឹងប្រែងជំរុញទំហំពាណិជ្ជកម្មទ្វេភាគីឡើងដល់១០០ពាន់លានដុល្លារអាមេ
រិក។ នាបច្ចុប្បន្ន ចិនជាទីផ្សារទេសចរណ៍ធំជាងគេរបស់វៀតណាម។ ឆ្នាំ ២០១៦ ភ្ញៀវ
ទេសចរចិនចំនួន២លាន៣សែននាក់បានមកទស្សនាវៀតណាម កើនជិត៦០% បើ
ប្រៀបនឹងរយៈពេលដូចគ្នានាឆ្នាំទៅមិញ។ជំនួបប្រាស្រ័យប្រជាជនបានប្រព្រឹត្តទៅ
យ៉ាងផុលផុស រួមចំណែកជំរុញការយោគយល់គ្នារវាងប្រជាជននៃប្រទេសទាំងពីរ។
.jpg) |
| ឯកអគ្គរដ្ឋទូតវៀតណាមប្រចាំនៅចិន លោក Dang Minh Khoi |
ខំប្រឹងប្រែងដោះស្រាយការខ្វែងគំនិត
ទន្ទឹមនឹងសមិទ្ធិផលដែលទទួលបាននោះ ប្រទេសទាំងពីរនៅមានការខ្វែងគំ
និតមួយចំនួន ជាពិសេសគឺបញ្ហាសមុទ្រខាងកើត ដោយទាមទារអោយភាគីទាំងពីរ
ត្រូវខំប្រឹងប្រែងដោះស្រាយ។ បណ្ដាបំរ៉ែបំរួលនាពេលថ្មីៗនេះ នៅសមុទ្រខាងកើតបាន
សរអោយឃើញភាពចាំបាច់ត្រូវដោះស្រាយបញ្ហានេះដោយសន្តិវិធីនិងផ្អែកទៅលើច្បាប់
អន្តរជាតិ។ ថ្នាក់ដឹកនាំបក្សទាំងពីរ រដ្ឋទាំងពីរ បានពិភាក្សាជាច្រើនលើកច្រើនសារ
ហើយបានឯកភាពជាមួយគ្នាអំពីការដោះស្រាយការខ្វែងគំនិត និងជំលោះនៅលើ
សមុទ្រ ដោយផ្អែកទៅលើមូលដ្ឋានគោរពផលប្រយោជន៍ត្រឹមត្រូវរបស់គ្នា និងគោរព
ច្បាប់អន្តរជាតិ។ឯកអគ្គរដ្ឋទូតវៀតណាមប្រចាំនៅចិន លោក Dang Minh Khoi បាន
អោយដឹងថា៖
“ចិនជាប្រទេសធំមួយ កំពុងឈានឡើងទៅមុខ និងកាន់តែខ្លាំក្លាពីមួយថ្ងៃទៅមួយ
ថ្ងៃ។ យើងខ្ញុំក៏បានចាត់ទុកថា៖ ចិនអភិវឌ្ឍន៍និងរីកធំធាត់បានតែនៅពេលតំបន់
អាស៊ី-ប៉ាស៊ីហ្វីកមានសន្តិភាព និងស្ថិរភាព ហើយនេះក៏ជាអត្ថប្រយោជន៍របស់ចិន
ដែរ។ ក្នុងពេលជួបពិភាក្សា យើងខ្ញុំសុទ្ធតែលើកឡើងអំពីប្រការនេះ ហើយចិនត្រូវ
ធ្វើយ៉ាងមេចដើម្បីពិភពលោក និងតំបន់ឃើញថាចិនជាប្រទេសធំមួយ មានការ
រួមវិភាគទានយ៉ាងសកម្ម ចំពោះការកសាងសន្តិភាព ស្ថិរភាពក្នុងតំបន់។”
ដំណើរទស្សនកិច្ចនៅចិនលើកដំបូង បន្ទាប់ពីមហាសន្និបាតបក្ស លើកទី១២របស់
អគ្គលេខាបក្ស លោក Nguyen Phu Trong លើកនេះ ដើរតួនាទីដ៏សែនសំខាន់ ដោយ
អះអាងថា៖បក្ស រដ្ឋ និងប្រជាជនវៀតណាមជានិច្ចកាលគោរពទំនាក់ទំនងដៃគូ
សហប្រតិបត្តិការយុទ្ធសាស្ត្រលើគ្រប់ជ្រុងជ្រោយរវាងវៀតណាមនិងចិន ដើម្បីផល
ប្រយោជន៍របស់ប្រជាជននៃប្រទេសទាំងពីរ ដើម្បីសន្តិភាព ស្ថិរភាព និងការអភិ
វឌ្ឍន៍ក្នុងតំបន់និងលើពិភពលោក៕