(VOV World)_ នាយករដ្ឋមន្ត្រីកម្ពុជា សម្ដេចអគ្គមហាសេនាបតីតេជោហ៊ុនសែន
និងលោក ជំទាវ អញ្ជើញមកបំពេញទស្សនកិច្ចជាផ្លូវការនៅវៀតណាម ចាប់ពីថ្ងៃទី២៦ ដល់ថ្ងៃទី ២៨ ធ្នូ តាមសេចក្ដីអញ្ជើញរបស់នាយករដ្ឋមន្ត្រីវៀតណាម លោក Nguyen
Tan Dung។ ការជ្រើសរើសវៀតណាមជាប្រទេសដើមដំបូងក្នុងដំណើរ ទៅបំពេញ
ទស្សនកិច្ច បន្ទាប់ពីបានជ្រើសតាំងជានាយករដ្ឋមន្ត្រីរាជរដ្ឋាភិបាលនៃព្រះរាជា
ណាចក្រ កម្ពុជាជាថ្មីម្ដងទៀត បានសម្ដែងនូវការយកចិត្តទុកដាក់លើទំនាក់ទំនង ជាមួយវៀតណាមពីរាជរដ្ឋាភិបាលកម្ពុជា។ ដំណើរទស្សនកិច្ចលើកនេះក៏បានអះ អាងនូវការប្តេជ្ញាចិត្តរបស់ថ្នាក់ដឹកនាំនៃប្រទេសទាំងពីរគឺពង្រឹងនិងពង្រីក បន្ថែមទំ នាក់ទំនងអ្នកជិតខាងល្អ មិត្តភាពប្រពៃណី និងកិច្ចសហប្រតិបត្តិការលើគ្រប់វិស័យ
រវាងវៀតណាមនិងកម្ពុជា។
ទំនាក់ទំនងវៀតណាមនិងកម្ពុជាធ្លាប់មានពីយូរឡុងមកហើយ ការជិតគ្នាអំពី
ភូមិសាស្ត្រ រួមជាមួយចំណុចប្រហាក់ប្រហែលនៃខឿនវប្បធម៌និងផលប្រយោជន៍រួម ជាកក្តាសំខាន់ដើម្បីបង្កើតឡើងទំនាក់ទំនងដ៏ទូលំទូលាយរវាងប្រទេសទាំងពីរ។
ក្នុងដំណាក់កាលបច្ចុប្បន្ននេះ វៀតណាមនិងកម្ពុជាសុទ្ធតែបានអនុវត្តគោលនយោ
បាយកិច្ច ការបរទេសបើកទូលាយ ពហុបែបភាវូបនីយកម្ម ពហុទិសភាវូបនីយកម្ម
លើ ទំនាក់ទំនងអន្តរជាតិ យកចិត្តទុកដាក់ខ្លាំងដល់ការពង្រឹងនិងពង្រីកទំនាក់ទំនង សាមគ្គីភាព មិត្តភាព កិច្ចសហប្រតិបត្តិការលើគ្រប់វិស័យរវាងប្រទេសទាំងពីរ។
.jpg) |
| សម្ដេចអគ្គមហាសេនា បតីតេជោហ៊ុនសែននិងនាយករដ្ឋមន្ត្រីវៀតណាម Nguyen Tan Dung ( TTXVN) |
ជំរុញទំនាក់ទំនងដៃគូលើគ្រប់វិស័យ
ដោយការប្តេជ្ញាចិត្តនិងការខំប្រឹងប្រែងរួមរបស់ប្រទេសទាំងពីរ ក្នុងរយះពេល
ប៉ុន្មាន ឆ្នាំកន្លងទៅ ទំនាក់ទំនងសាមគ្គីភាព មិត្តភាពនិងកិច្ចសហប្រតិបត្តិការលើ
គ្រប់ វិស័យរវាងវៀតណាមជាមួយកម្ពុជា មានការបោះជំហានដ៏ល្អប្រសើ។ រហូតមក ដល់ពេលនេះ ប្រទេសទាំងពីរបានបង្កើតក្របខ័ណ្ឌទំនាក់ទំនងសហប្រតិបត្តិការ៖ អ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់វិស័យ ចីរភាពនិង
យូរអង្វែង។ ស្ដីពីទំនាក់ទំនងរវាងប្រទេសទាំងពីរ ឧបនាយករដ្ឋមន្ត្រី និងជារដ្ឋមន្ត្រី
ក្រសួង ការបរទេសវៀតណាមលោក Pham Binh Minh បានអះអាងថា៖
“ ទំនាក់ទំនងមិត្តភាព ជិតខាងរវាងប្រទេសទាំងពីរ ជានិច្ចកាលអភិវឌ្ឍន៍យ៉ាង
ខ្លាំងក្លា។ ទំនាក់ទំនងជិតស្និទ្ធិរវាងប្រទេសទាំងពីរ ត្រូវបានបង្ហាញតាមរយះការផ្លាស់
ប្តូរគណះ ប្រតិភូរបស់ថ្នាក់ដឹកនាំជាន់ខ្ពស់នៃប្រទេសទាំងពីរ បង្កើតគ្រិះដ្ឋានសំខាន់ៗ
ក្នុងការអភិវឌ្ឍន៍រវាងតំបន់ និងក្រសួង ស្ថាប័ននានា។”
កិច្ចសហប្រតិបត្តិការខាងសេដ្ឋកិច្ច ពាណិជ្ជកម្មនិងវិនិយោគ រវាងវៀតណាមនិង
កម្ពុជា ត្រូវបានអភិវឌ្ឍន៍យ៉ាងឆាប់ៗតទៅទៀត។ តំលៃប្រាក់ពាណិជ្ជកម្មទ្វេភាគីក្នុងឆ្នាំ ២០១២ ទទួលបាន៣,៣ពាន់លានដុល្លារអាមេរិក (កើន១៨%បើប្រៀបនឹងឆ្នាំ ២០១១)
និងជាង២,៩៤ពាន់លានដុល្លារអាមេរិកក្នុងរយះពេល១០ខែដើមឆ្នាំ ២០១៣។ ទំនាក់
ទំនង សហប្រិតបត្តិការរវាងតំបន់នានានៃប្រទេសទាំងពីរ បន្តបានបង្កើន។ ទំនាក់ទំនង រវាងបណ្ដាអង្គការនយោបាយ សង្គមរវាងវៀតណាមនិងកម្ពុជាត្រូវបានបង្កើនពីមួយថ្ងៃ
ទៅមួយថ្ងៃ រួមចំណែកលើកកំពស់ជាក់ស្ដែងលើចំណេះរបស់ប្រជាជនគ្រប់ជាន់ថ្នាក់
ពិសេសគឺបណ្ដាជំនាន់វ័យក្មេងអំពីប្រពៃណីសាមគ្គីភាព ជួយឧបត្ថម្ភគ្នាទៅវិញទៅមក
…។ល។ ប្រធានសមាគមមិត្តភាពវៀតណាម-កម្ពុជា លោក Vu Mao បានចាត់ទុកថា៖
“ ទំនាក់ទំនងវៀតណាម-កម្ពុជា មានចំណុចពិសេសដោយឡែក។ យើងត្រូវ ពូនជ្រុំឲ្យចំណងមិត្តភាពពីជំនាន់វ័យក្មែងនៃប្រទេសទាំងពីរ។ នេះជាប្រការចាំបាច់
ណាស់។ ដោយកិត្យានុភាពរបស់ខ្លួនសមាគមន៍មិត្តភាព វៀតណាម- កម្ពុជាបាន ចលនាសង្គមទាំងមូលរៀបចំសកម្មភាពជាច្រើន ដើម្បី ប្រជាជននៃប្រទេសទាំងពីរអាច យល់ដឹងពីដំណើការអភិវឌ្ឍន៌រវាងប្រទេសទាំង ពីរ។”
រួមសហការជិតស្និទ្ធិក្នុងវេទិកាពហុភាគី
មិនគ្រាន់តែក្នុងក្របខ័ណ្ឌទំនាក់ទំនងទ្វេភាគីប៉ុណ្ណោះទេ នាបច្ចុប្បន្ន ប្រទេសទាំង
ពីរក៏បានបង្កើនកិច្ចសហប្រតិបត្តិការ និងជួយឧបត្ថម្ភគ្នាទៅវិញទៅមកនៅក្នុងបណ្ដាវេទិ
កាអន្តរជាតិ និងក្នុងតំបន់។
ដោយឈរទៅលើមូលដ្ឋានទំនាក់ទំនងដ៏ល្អប្រសើនេះ ដំណើរទស្សនកិច្ចនៅវៀត
ណាមរបស់នាយករដ្ឋមន្ត្រីកម្ពុជា សម្ដេចតេជោហ៊ុនសែនសំដៅពង្រឹងនិងពង្រីកថែម
ទៀត ទំនាក់ទំនងអ្នកជិតខាងល្អ មិត្តភាព ប្រពៃណីនិងកិច្ចសហប្រតិបត្តិការលើគ្រប់ វិស័យរវាងប្រទេសទាំងពីរ វៀតណាមនិងកម្ពុជា។ នេះក៏គឺជាឱកាសដើម្បីបណ្ដាថ្នាក់ ដឹកនាំវៀតណាមនិងកម្ពុជាជូនដំណឹងអោយគ្នាទៅវិញទៅមកអំពីសភាពការណ៍ នៃ ប្រទេសទាំងពីរ និងពិភាក្សាអំពីបញ្ហាមួយចំនួនក្នុងទំនាក់ទំនងទ្វេភាគី។ ដំណើរ ទស្សនកិច្ចលើកនេះនឹងធ្វើអោយទំនាក់ទំនងវៀតណាមនិងកម្ពុជាបានអភិវឌ្ឍន៍ពីមួយ
ថ្ងៃទៅមួយថ្ងៃ៕