(VOV)_ទទួលសេចក្តីអញ្ជើញរបស់ប្រធានរដ្ឋសភាវៀតណាម លោកស្រី Nguyen
Thi Kim Ngan គណៈប្រតិភូក្រុមប្រឹក្សារដ្ឋ (ព្រឹទ្ធសភា) ស្វីស ដឹកនាំដោយ លោកប្រធាន
Ivo Bischofberger បានអញ្ជើញមកបំពេញទស្សនកិច្ចជាផ្លូវការនៅវៀតណាម។ ការ
ដែល ថ្នាក់ដឹកនាំកំពូលរបស់ព្រឹទ្ធសភាស្វីសជ្រើសរើសវៀតណាម ជាប្រទេសដើមដំបូង
មកបំពេញទស្សនកិច្ច ចាប់ពីពេលទទួលដំណែងនេះ (ខែវិច្ឆិកាឆ្នាំ២០១៦) បាន
បង្ហាញនូវការយកចិត្តទុកដាក់និងគោរព របស់ភាគីស្វីស និងបុគ្គលលោក ប្រធាន
Ivo Bischofberger ចំពោះការជំរុញទំនាក់ទំនងសហប្រតិបត្តិការជាមួយវៀតណាម។
ដំណើរទស្សនកិច្ចលើកនេះនឹងរួមចំណែកបើកចេញយថាទស្សន៍សហប្រតិបត្តិការ
រវាងប្រទេសទាំងពីរ នៅលើវេទិកាសភាក៏ដូចជាវិស័យអប់រំ ពាណិជ្ជកម្មផងដែរ។
 |
| រដ្ឋសភាវៀតណាមនិងស្វីសបង្កើនកិច្ចសហប្រតិបត្តិការ |
ក្នុងក្របខ័ណ្ឌដំណើរទស្សនកិច្ចនៅវៀតណាមលើកនេះ ចាប់ពីថ្ងៃទី២៨ដល់ថ្ងៃទី
៣១មិនា ប្រធានព្រឹទ្ធសភា លោក Ivo Bischofberger ជួបសន្ទនាជាមួយប្រធានរដ្ឋសភាវៀតណាម លោកស្រី Nguyen Thi Kim Ngan ជួបសម្ដែងការគួរសម ប្រធានរដ្ឋ
លោក Tran Dai Quang។ លោក Ivo Bischofberger ក៏មានគំរោងជួបប្រាស្រ័យជាមួយ
ដំណាងក្រសួងឧស្សាហ ពាណិជ្ជកម្ម ក្រសួងអប់រំនិងបណ្ដុះបណ្ដាលវៀតណាមផងដែរ។
កិច្ចសហប្រិតបត្តិការប្រកបដោយប្រសិទ្ធភាពនៅលើវិស័យជាច្រើន
វៀតណាមនិងស្វីសបានបង្កើតទំនាក់ទំនងនាថ្ងៃទី១១តុលាឆ្នាំ១៩៧១។ ក្នុងរយៈ
ពេលកន្លងទៅ ទំនាក់ទំនងទ្វេភាគីរវាងប្រទេសទាំងពីរ បានអភិវឌ្ឍន៍ខ្លាំងក្លានិង
កិច្ចសហប្រតិបត្តិការប្រកបដោយប្រសិទ្ធភាព លើច្រើនវិស័យ។
លើមាគា៍អភិវឌ្ឍន៍និងធ្វើសមាហរណកម្មអន្តរជាតិ វៀតណាមជានិច្ចកាល
ទទួលបានការគាំទ្រ ជួយឧបត្ថម្ភ ពីស្វីស។ ទំនាក់ទំនងសហប្រតិបត្តិការពាណិជ្ជកម្ម
រវាងប្រទេសទាំងពីរ ក្នុងរយៈពេលប៉ុន្មានឆ្នាំកន្លងទៅ បានមានជំហានអភិវឌ្ឍន៍
ខ្លាំង។ ស្វីសជាដៃគូសេដ្ឋកិច្ចសំខាន់របស់វៀតណាម នៅអឺរ៉ុប។ ប្រទេសនេះនឹងលៃ
ទុកអោយវៀតណាមនូវក្របខ័ណ្ឌអាទិភាពជាច្រើន អំពីពាណិជ្ជកម្ម។ ប្រទេសទាំង
ពីរកំពុងសកម្មជំរុញទំនាក់ទំនងពាណិជ្ជកម្មទ្វេភាគី។ ក្នុងរយៈពេល៧ខែដើមឆ្នាំ
២០១៦ ទំហំពាណិជ្ជកម្មទ្វេភាគីទទួលបាន ៧៣១លានដុល្លារអាមេរិក (កើន៨៥%
បើប្រៀបនឹងរយៈពេលដូចគ្នា នាឆ្នាំ ២០១៥)។ នាបច្ចុប្បន្ន ស្វីសមានគំរោងការណ៍
វិនិយោគជាង១០០ នៅវៀតណាម ដោយមានទុនសរុបចំនួនជាងពីរពាន់លាន
ដុល្លារអាមេរិក។ ការវិនិយោគរបស់ស្វីសបានប្រមូលផ្តុំទៅលើផ្នែកឧស្សាហកម្មកែច្នៃ ផលិតកម្ម អគ្គីសនី និងទឹក។ វៀតណាមក៏ជាប្រទេសមួយក្នុងចំណោមប្រទេស
ចំនួន៨ ដែលបានស្វីសផ្តល់ជំនួយអភិវឌ្ឍន៍អាទិភាព ដោយមានទឹកប្រាក់ចំនួន
៩០លានដុល្លារអាមេរិក ចាប់ពីឆ្នាំ២០១៦ដល់ឆ្នាំ២០២០។
កិច្ចសហប្រតិបត្តិការអប់រំក៏ចាចំណុចភ្លឺមួយ ក្នុងទំនាក់ទំនងរវាងប្រទេស
ទាំងពីរ ។ស្វីសបានជួយឧបត្ថម្ភវៀតណាម អនុវត្តបណ្ដាគំរោងការណ៍អប់រំអំពីបរិ
ស្ថាន គ្រប់គ្រង និងបណ្ដុះបណ្ដាថ្នាក់ក្រោយថ្នាក់ឧត្តមសិក្សា។
ក្នុងពេលជាមួយគ្នានោះ ទំនាក់ទំនងសហប្រតិបត្តិការរវាងរដ្ឋសភាវៀត
ណាមនិងស្វីស កំពុងអភិវឌ្ឍន៍យ៉ាងសកម្ម។ ឆ្នាំ ២០១៤ អតីត ប្រធានរដ្ឋសភាវៀតណាម លោក Nguyen Sinh Hung បានអញ្ជើញទៅបំពេញទស្សនកិច្ចជាផ្លូវ
ការនៅស្វីស និងនាពេលថ្មីៗនេះ ជាដំណើរទស្សនកិច្ចជាផ្លូវការរបស់អនុប្រធាន
រដ្ឋសភាវៀតណាម លោកស្រី Tong Thi Phong (ខែតុលាឆ្នាំ២០១៦)។ ក្នុងដំណើរ
ទស្សនកិច្ចលើកនេះ រដ្ឋសភាវៀតណាម និងស្វីសបានឯកភាពបង្កើនការចែករំ
លែកបទពិសោធន៍ ពិគ្រោះយោបល់រវាងរដ្ឋសភា និងព្រឹទ្ធសភា នៃប្រទេសទាំងពីរ
ក៏ដូជជាបង្កើនកិច្ចសហប្រតិបត្តិការរវាងភាគីទាំងពីរ នៅវេទិកាអន្តរជាតិនា
នា។ នាបច្ចុប្បន្ន វៀតណាមនិងស្វីសសុទ្ធតែបានបង្កើតក្រុមសមាជិកសភាមិត្ត
ភាពទ្វេភាគី។
យថាទស្សន៍សហប្រតិបត្តិការថ្មី
ដំណើរទស្សនកិច្ចនៅវៀតណាមលើកនេះ របស់ប្រធានក្រុមប្រឹក្សារដ្ឋស្វីស លោក Ivo Bischofberger បានប្រព្រឹត្តទៅក្នុងសភាពការណ៍ដែលទំនាក់ទំនងមិត្តភាព និងកិច្ចសហប្រតិបត្តិការលើច្រើនវិស័យរវាងវៀតណាម និងស្វីស បានអភិវឌ្ឍន៍ដ៏ល្អប្រសើរ។ ដំណើរទស្សនកិច្ចលើកនេះ បានរួមចំណែកពង្រឹងនិងពង្រីកថែមទៀតទំនាក់ទំនងមិត្តភាពនិងកិច្ចសហប្រតិបត្តិការលើច្រើនវិស័យ រវាងប្រទេសទាំងពីរនិយាយរួម និងរវាងរដ្ឋសភានៃប្រទេសទាំងពីរនិយាយដោយឡែក។ ទន្ទឹមនឹងនោះ ពិភាក្សាអំពីវិធានការជំរុញទំនាក់ទំនងសហប្រតិបត្តិការរដ្ឋសភា ក្នុងក្របខ័ណ្ឌទ្វេភាគី និងពហុភាគី ផ្លាស់ប្តូរបទពិសោធន៍ក្នុងសកម្មភាពរបស់រដ្ឋសភា និងបញ្ហាអន្តរជាតិនានាដែលភាគីទាំងពីរយកចិត្តទុកដាក់ដូចគ្នា។
ដំណើរទស្សនកិច្ចលើកនេះរបស់លោក Ivo Bischofberger ជាដំណើរទស្សនកិច្ចលើកដំបូងរបស់ប្រធានក្រុមប្រឹក្សារដ្ឋស្វីសនៅវៀតណាម ចាប់ពីឆ្នាំ ១៩៩៩។ សង្ឃឹមថា ដោយមានមូលដ្ឋានល្អប្រសើរនៃទំនាក់ទំនងរវាងប្រទេសទាំងពីរ ដំណើរទស្សនកិច្ចលើកនេះនឹងបើកចេញឱកាសសហប្រតិបត្តិការថ្មីរវាងប្រទេសទាំងពីរ រួមចំណែកអះអាងថា៖វៀតណាមជាដៃគូមួយ ក្នុងចំណោមដៃគូសំខាន់បំផុតចំនួន២ របស់ស្វីសនៅអាស៊ីអាគ្នេយ៍៕